¹ Mainanga, baaminambi , pe banima bakapalembi, ino bhabho bhake mosepi mambi pe ngundu ya bokumu bhambi, dhaani molemo momoti atei ya Kumu, baaminambi! 2Nikaonga na Evodi pe na Setishe bhodha bhokopo bhomoti atei ya Kumu. ³ Pe we koto, aminambi wa solo, bhoa, nikayonga bho obhasunge, ibho bhabho bhaana bhila akpulia Mosomba ma ehele siyo emoti na mbi, pe na Kelema pe na baaminambi badii bha elomo, bhabho miina mabhu make a buku ya ehele. ⁴ Asepani poko susu tei ya Kumu; nikamokumbia, asepani. ⁵ Bopolo banu bodjeane na basusu. Kumu ake padhi. ⁶ Toayembedjeni edjegi; kasi na ngando susu djeedjani posa djanu pambe ya Akongo na ndjia ya masambo, ya bhoayea pe ya bhonyea motondo. ⁷ Pe bogoo ba Akongo, bhubho bhukabie djeba susu, bhoabhane milema manu pe maleani manu tei ya Yesu Klistu. ⁸ Adhisukidja, bhanima, yeeni bho eyoma esusu eebhe eke menemene, eebhe eke ya heku, eebhe eke alima, eebhe eke bhongoo, eebhe eke ya lipalano, esusu eebhe ebhongi na mondimo, eebhe eke bopele pe ebhongi na makumisi, edha a maleeni manu. ⁹ Eebhe yaaokoo ino, yaadhisa ino pe yaaoka ino na mbi, pe eebhe yaaene ino pamba ya mbi, ekomeeni. Pe Akongo wa bhogoo aadhaa nanu. ¹⁰ Nidhai na mosepi monene atei ya Kumu na mubho mokoi ino a bhokumbia endenge yaanu epele pamba ya mbi; waalenekeni mokando maina, kasi poko yaadhakati. ¹¹ Ye apkulia posa dja mbi ekabuka mbi bhoa, bhoo niakoa bhodha mosepi na bokopo bokadhaa mbi. ¹² Nidjei bhohela tei ya bodjanga pe ya bodhisa. na susu pe pamba susu, niaokoa bodha na dhigola pe na ndjaa, bogha na dhoma dhinene pe na bodha na bodjanga. ¹³ Nike na makoki ma bokoo ngando susu na ndjia ya oobho okanyea ni ngudhu. ¹⁴ Nako bhoa okoini bopele bosangana na mbi a epeko ya mbi. ¹⁵ Odjeini ino bheene,Bafilipo, a litange dha bhoteya Mosambo mopele, poko yaakeke mbi a Masedwane, Ekalo nako emoti yaadhakati na mokando na mbi a dhoma dhianyeaka ibho pe dhiadhisaka ibho; ¹⁶ waadhani ino mbuki a bhokoo bhoa; bhoo waalindiani oko a Tesaloniki, pe na bipipi mibale, eebhe emadjake posa dja mbi. ¹⁷ Etiki bho nikanukana makabo; kasi embuma ebkake akpulia nu. ¹⁸ Nidhisi dhoma dhisusu, pe nike na dhoma dhinene; nialuma na dhoma poko yaadhisa mbi dhibho dhialinda ino na Epafrodite ndje malasi ma soo pimbo, likabo dhindimi Akongo, pe libongu. ¹⁹ Pe Akongo wa mbi aakokedja posa djanu susu na bogumake ba nde,na heku, tei ya Yesu Klistu. ²⁰ Heku edha na Akongo pe Sangw'asu masu masusu! Iyoo! ²¹ Nyeani basatu basusu agbaya na dhina dha Yesu Klistu. Bamaangw'asu bake na mbi siyo emoti baalindeini agbaya. ²² Basatu basusu baanyeini agbaya penza penza bhaabho ba litungu dha Kaisala. ²³ Ngolu ya Kumu Yesu Klistu bhodhaa nanu !