¹ Mbi Polo, oobho aakee a boloko akpulia Yesu Klisto, na maangwasu Timote, ekaalindia we Filemona, etumba, we aminasu wa elomo, ² na ngian'asu Afia, na Arshipe, amin'asu wa bhila, pe Ekalo eebhe eke pamba ya we: ³ yeeni ngolu pe bogoo bhodha naanu bhodjonga pamba ya Akongo Sangw'asu pe ya Kumu Yesu Klistu! ⁴ Nikan yee poko susu modoo na Akongo wambi, na bhoisa atei ya masambo mambi, ⁵ akpuli bho nioki mosambo ma boyambi bhoke we naabhu pamb' ya Kumu Yesu pe na misala mawe mipele pamb'ya basantu. ⁶ Nika moonga bho bhoangidja a bondima bhodha bhokolokolo a mokando ma Klistu eebhe ekaningidja endenge esusu ya bhopele. ⁷ Djea bho niadha na mosepi monene pe na bhogbutidja molema akpulia misala ma we ma bipalano; bhoo na ndjia ya we, maangwasu, molema ma basantu mwagbuta. ⁸ Mainanga, nako ndje eke mbi na lindi tei ya Kristu bhoodjedja mubho mokoki bhokomeene, ⁹ akpulia djinyango enyoi bhopele bho niiyonge naanu, mbi Polo, mobange, pe ndjebondjebo mogendja wa boloko akpulia Yesu Klistu. ¹⁰ Nikayonga akpulia wana mbi Onezime, oobho wabhotambi atei ya boloko, ¹¹ oobho waadha kati na tina masu maanyo, kasi ndjebo ndjebo aitoba na tina akpulia we na mbi. ¹² Nikaalindia naande edimbala, iyo misopo mambi meene. ¹³ Nidhaaki na posa ya bhomobhanea padhi na mbi, bhoo alomeakeni a siyo ya we, poko eke mbi a boloko akpulia Mosambo mopele. ¹⁴ Nakobhoa, napaliti bhokoo mokando nako mo moti kati boohedja we, bhoo bhopele bha we bhodha ndje bhakabolinda na ngudhu, kasi bhodhaa bhokopo bhubho bhokadjonga pamba ya we meene. ¹⁵ Edi poko agbanaki na we maa poko bhotsedhu, bho odha motomba edii mbala akpulia seko ¹⁶ Othike dhea mobudhi, kasi obhii mobudhi, ndje aminana washu, wa mbhi pendja bobhia obho wa whee thei ya mokuku na thei ya Nkolo. ¹⁷ Okha paa mbii ndje aminana ya whe, omotombe iyo ndha mbi. ¹⁸ Akha khoo bobehu too akadhaa na eghai ya we isaa pamba ya mbhii. ¹⁹ Mbhi Polo nikomi etumba ebhe na ebho ya mbhi meene, mbhi naa nyea egahi ya naa nita bhuka dhea bho, oikhe na egahi ya mbhi akuli ya ehele ya we meene. ²⁰ Eh amina mbhi ye nidhise bopelhe anthei ya Nkolo; nawhe titidja agbonda wa mbhi thei ya Nkolo; punghudja moema ma mbhi thei wa Klisto. ²¹ Akulhia botoshi bawe nikaa komea etumba oakhoo bhonyo ebhe eka bhuka mbhi. ²² Na phoko ebhe bhongedjeni eise akulhia bho nikayingha bho oanyei abho pe bamolombho ma whe. ²³ Epafala amina mbhi baepeakhi siyhe mothi akulia ya Yesu Klisto, aanyei agbaya, ²⁴ malako, Alisitilaka, Dema na Luka baminana mbhi ba elomo. ²⁵ Ngolu ya Nkumu wasu Yesu Klisto edha na molimo manu !