¹ Bhana tosani ba boti bhanu. Ndeyi ya Kumu, bhowa eke bhopele. ² Hekedza yaa na (dhi kpu dha dhibhoso pe na ma bhusiya), ³ Bho odhoa bho pele, na ohele masu ma mene abho andhebha. ⁴ Na mobha yaa, owetunghisami bhana bhamu, kasi bha pingidje nabho bha see teyi ya Yesu. ⁵ Mobhumu hekedja ma Kumu manu otuti ya mokuku, na bhoho pe na bho hala, na momolema bho dee, teyi ya Klisto, ⁶ kati amiso mabheu, ndje abho sepelisa milema yabha gedja, kasi ndje bha bhudhi teyi ya Klistu,teyi yabho pele ya milema ya posa ya Akongo. ⁷ Bho kome mabho pele ndje kumu ye nabha gendya. ⁸ Djiya teyi ya emoti emoti teyi yaamu adhoa mobhundhi nako ye mobhudhi adhisa ndenge ekomeki iyo bho pele. ⁹ Na ino makumu koona endenge nabhiwa bhameya bho obhonyokolete na bho djiyaka bho Kumu wanhu pe nayino ako dhiko. Pe dhi bhoso bhande ati mabho hono abha gedja te. ¹⁰ Dhi ngongho apingi djani ateya kumu nangu ndu esusu ya Kumu. ¹¹ Wani bhi peyapeya dhi susu bha Akongo akulia dhemani ngbi dhiboso bha kosakosa bha mondjili . ¹² Akuliya iso etika bhu nda na mokuku kati na makia, kasi ekabhunda teyi ya esiyo ya bhodhidhi akuliya molimo bhobhehu hodhiko. ¹³ Nabhowa tombami bhi peya peya ya Akongo akulia bhe yema ateyi masu mabho, emani bho ngbi dhingo dha bholonga. ¹⁴ Emani bho ngbi nyanga mosenge abhongo bhamu bho menemen, wanguba yambo sambeya bhopepe; ¹⁵ Wa bhikoto amaakoo mamu akulia bhomiya moteli bha bho go; ¹⁶ Dhaani aho dhiko bha bho bhamu ,naendenge na bhowe ini awa hono bho behedja bhilomo bha mondjili; ¹⁷ Tombani ngundu ya ehele, na poka ya molimo yabuka ya Akongo. ¹⁸ Bheleya mino poko disusu na bhowa eyana.sindjela nabhoka hemedjana na bhowa bheleya akuliya basatu basusu. ¹⁹ Bheleya akuliambi, nitombe na ngundhu akulia miteli djibho. ²⁰ Na bho wambi nike abho bhalinda akuliya bhobuka nika bhika. ²¹ Akulia ino pe, djiyani yoma ebho edjeleyimbi abho mikoyi, Tisike, ngiyana ya lipalano na mongedja obho mobhongo mobhudhi ateyi ya Kumu, abuka na anu yoma esusu. ²² Niya molinda pambe yanu akulia bodze ngando akulia bho titidzo milemo manu. ²³ Nabhogo, ma lipalano yabho ndima enyaneino bhana bhayima teyi ya Akongo yaa ya Kumu yasy Yesu Klisto! ²⁴ Na ngolu edha na ino bhasusu bhabho bhaka pala Kumu saasu Yesu klisto nabholingo dzi nene!