¹ Nika lehami bhi mobhudhi waanyanga ibho ateyi ya Kumu nabho sombaka na endenge ebhongu ya bheaanimbi naendenge eadjedja bhoni, ² nabhowa titdza bhosusu pe bhopete nabho nyanga bho molemo owanakemi milema bhahoma bhabho na dhipalama, ³ ahidji djani nabho bhameyaka omoti bha molimo nabho nyango bha bho go. ⁴ Ekeko na mokuku momoti pe molimo momoti na ndenge ebhe eya bheyani bho na elikiya emoti ya mbela; ⁵ Eke na Kumu omoti nabho ndima bhomoti na dhi batia pe limoti, ⁶ Akongo omoti, pe Yaa wa bhasusu obho ake dhiko dha susu ateyi ya susu pe a susu. ⁷ Na meema ayibuka obho akonda adhombe ayikonda na bhabho bhaadhaka bha bhudhi aenyea yo makabho pambe ya bhagendja dhikabho dha Klisto. ⁸ Na meena iyo abuki: Obho aakondha dhiko, aawa bhabhudhi, pe aakhoo makabo pambeya bhagendja. ⁹ Nabhowa enyeidji: obho aakondo ake dhoko yo pe obho wa atita tina ya ndebha? ¹⁰ Obho aatita iyo bho aakonda dhika dha dhiko dhisusu bho angemedje ngando susu. ¹¹ Pe ennyiya emoti bhadhaa ndje Bhatoma bha kinadje Bhasakoli, bhadje bhaesambedja moteli bhadima dje Pasiteli, bha dhima dje bhahalikisi, ¹² akuliya bho bhongedje bha satu adjiya ya elomo nabho pingidja makuku ma Klisto, ¹³ Nabho iso bhasusu etobhe nabho nyemene bhadhi moti dha mondima, pe abha djiya mongbongi wa Akongo, moomi wa kobho na esiyi ebhongoke ya Klisto, ¹⁴ Nabhoo iso edhaa bhaana milala bhabho bhaka bha suye na dhihuya bha malakisi, nabhi kosaki bha bho gedja, bhobha nyukeana naedjenge nabhobha kweedze nabho bhehu, ¹⁵ Nabho bhukaka amene mene ateyi ya lipalani iso bhasusu ena pinga atina yaobho kumu Klisto. ¹⁶ Naande ngolu abha susu bhabho bha nyanga nabha mondimiya mokuku, nabho komedja manyango na makisimubha mwasu wabho na ngundu ebhe eabhongo naemoti nabho bhake iyo apingidja iyo mene ateyi yalipalano. ¹⁷ Dzebo, selemi ebhe bhuki bhi ebhe eka kome bhi ateyi ya Kumu, naedhengedze bho ino aesombenidje bhapagano bho ibhobhako sombe dza ngando ndza pamba pamba dza malemu mabhu. ¹⁸ ibhobhake nabho dziya bhabhodhidhi,bhake bhodidi aye hele ya Akongo,atina ya dhimunge dhabhu, pealina ya milema thokooko mabhu. ¹⁹ Bhaebhugidza posa pele, bheangi dza adhowa bhehedza, akuliya bhoko endenge susu yama b na bhehu na bhopala bha faanga. ²⁰ Kasi ino, etike na endenge ebhe ino owahokani Klisto , ²¹ Ekadhabho ino nwaaka ni bho ngemene na menemene pambeya yesu, naande ino oneedzana nabho adzodze, ²² Akuliya ehele ya anu eya nyoo, moomi mobhonge obho aabhehedja adziya yabhi lulela bhamo lowa, ²³ nabho hulidza ateyi ya molimo mabhodjiya bhawe, ²⁴ nabhowa mo gedza monye, obho akoki Akongo nabho landana nabhoyengebhene dho bhangu bho dzongi amene mene. ²⁵ Nameena yeni malowa, omoti naanu abhuke menemene na amina ande; akuliya abho iso bhasusu akebhi kenge bha mokuku. ²⁶ Kasi okatobha na kande tee tobhe lisumu te bho moko te moetane na gbeku, ²⁷ to moyeye mondjili ndjiya. ²⁸ Obho aka bhehedze aemehedze te;kasi esengeli bho alome nabho komedje mabho ebhe eke bhopele akuliya monyia pambeya obho-okena bhoye. ²⁹ Komi nandenge bho buka ebhehu eepudje ani noko masu,kasi palami buka pele djibho dziya pingidza penabho needza nabhabho bhakayoka na ngolu. ³⁰ Oyokedje molimo mosatu ma Akongo hiwa, nadhiya ande ino owadhisani elembo akuliya dha dha ehele. ³¹ Mwema eleko masusu, bhowa tungisa mosusu, kanda susu bhotsolama mosusu pe na ndenge djisusu dzabho tomboko , dhi dzowe ateyi anu, pe makebhe masusu. ³² Dhaani bhopele, bhabho nabhaho nabhondee dje Akongo aelimbisa iso ateyi ya Klisto.