¹ Mbi mobange, nidhilei we Gaius, aminambi okapale mbi menemene. ² Aminambi, nikapala bho okee liboso na ngando susu pe odha mokuku bhopele, ndje ekakee agbonda wawe. ³ Niasepa mingi, poko yaadhaa bhaminasu pe bhaitelee menemene ebhe eke tei ya we, ndje ekasomba we, atei ya menemene. ⁴ Nitike na mosepi mobiake monene bhooka bho bana bambi bakasomba tei ya menemene. ⁵ Aminambi, okakoo na bhondima ngando djikakomee we boa maangwasu, edha nako badidi. ⁶ Babo batelee bhoabhakomee we atei ya ekolo. Waalengele mondo mabhu na ndenge ya libongu dha Akongo. ⁷ Bhoo bhakei na dhina dha Yesu Klistu, bodhisa eyoma kati pamba ya bapagano. ⁸ Ebongi naasu bhoyamba bagendja ndje bhaa, akpuli bho bhadha bhabhudhi naabhu akpulia bhomenemene. ⁹ Niadhilia etumba a Ekalo; kasi Diotrefe, oobho okapale bhodha moto wa liboso tei yaabhu, teapale bhoeyamba. ¹⁰ Mainanga, nimadhoa bhoo odhaasele, niatimidja ngando djikakoo iyo, bhoebukia ngando djibedjibe; bhopala bhoa te, teayambe bamaangwasu, pe bhabho bhakapale bhokoo bhoa, abhalembeaka pe abhasaaka a Ekalo. ¹¹ Aminambi, todjue bhobhehu, kasi bhopele. Oobho okakoo bhopele, ake wa Akongo; oobho akakoo bhobhehu aenekini Akongo. ¹² Basusu, bhakatelee bhopele bha Demetrius na ngando dja menemene; iso pe ekatelee mokando mande, pe odjei bho moteli masu moke ma menemene. ¹³ Nidhaaki na ngando nene bho niidjedje, kasi nipaliti bhoodhilia te. ¹⁴ Nike na elikya ya bhoene bhogala, pe yatete atei yaasu. ¹⁵ Yee bhongo bhodha na we ! Bhaaminaasu bhaalindei agbaya. Nyea bhaaminaasu agbaya, mogendja na mogendja.