¹ Polo toma wa Yesu Klisto andjia molongo ma Akongo ehedja wasu, pe Yesu klisto elikia yasu, ² pambea mongbongi wa na bho ngolu ya Yesu klisto iwa na bhogoo bha akongo bhonyeani andjia ya Yaa pe kumu wasu Yesu Klisto! ³ Nika wendje otime eleho ebhe yanyea mbi, dhibhoso dha bhokee bha mbi a Masedoane, na bhoa niayee a Baefeso, Na bhonedjaka bhagendja bhadhina, endenge bho bhanidje malakisi madina, ⁴ bho bhayee bhoapeya ateya ya matsatsa ma ngando djia djanga tina, djikaife, mibukeano, nabhoa ayingidjani a misala ma Akongo ateyi ya bhondima. ⁵ Atina ya dhikpu; dhipalano dhika djonga amolema bhongoo na malemi mopee, pe bhondima bhokanake. ⁶ Bhabho, bhaye ngando djibho bhabhungi ateyi ya miteli mibhehu; ⁷ bhaka a tombe bho , bhake bhalakisi bha mibheko, te bhadje nako bhobuka na bho ndimidja. ⁸ Ebhungeiti bho dhikpu dhika dha bhopele, bhobhehu bhoke okalongedjeni na bhu, ⁹ djeani dhikpu dhia komeneti akulia bagendja bha bhongu kasi akulia, bhatomboki, bhagendja bha ekandja, bha woyedhi, na bhadhi kakaa, bha masusu, bha kakie bhoa bela, pe bhaebhehedja na bhawogake, ¹⁰ bhaekoo bhobhehu, bhadhi bhadja, bhabho bhaka same na bhamina na bhu, bhaka hibhe bhagendja bhaebuka maloa, bhabho, bhaka lape na djibho djike tiambo ya malakisi masatu, ¹¹ bhongemene na motali ma Akongo, ma mosepi ma sukpu mwa nyea bhoni. ¹² nikahanedja modoo pambea obho wa nyeani ngudhu, na Yesu Klisto Kumu wasu, obho wa weneni, ni bhongi, ¹³ na bhoemedjakani ateyi ya elomo, mbi obho wadhaka wa ekadha, wa bhowendee moomi wa elongosa, na mbi niadhisa euwa bho niakoko ngando na bhodjanga bhodjea, ateyi ya molema ma bhokoko; ¹⁴ ngolu ya Kumu wasu, ebheke na bhondima, na dhipalano ebhe eke a Yesu Klisto. ¹⁵ Eke buka ebhongu, na mobhimba ya dhisambi, bho Yesu Klisto adhoa ateyi ya mongai bho dha heledja bheko masumu, mbi oke mogendja wa dhiboso. ¹⁶ Kasi mbi nia dhisa bhosikolama, bho Yesu Klisto awenedji pambea mbi wa dhibhoso na bhodhoo, akulia mbi nibha elembo, na bhabho bha mondimaka iyo, akulia ehele ya sekoo. ¹⁷ Pambea kumu wa masu obho taagwee, ta wenene, omoti Akongo bhoheku pe sukpu a masu na masu! Amena! ¹⁸ Na dhikpu dhika lindia mbi, Timoteo, mongbongi bho dhulia esakweli ya komene dhibhoso a etina ya we, ebhongi na we bho oane bhila bhopele, ¹⁹ na bhobhanea bhindima, pe na bhoa longea bhopele, na bhoa lingea bhuwa bhadina bhai, bho bhungidji, bhaikwa bhokesene na bhondima. ²⁰ Na molango mena eke na Alezandele na Imeneya, mbi nibhadhumbi pambea Mondili, bho bhe meeso bhowende.