¹ Polo, mokpelami mo Yezu Kilisto, aliya li Timote, o Filemo, mnanyango o biyo molamu o liyala. ² Okanagia Afia, o Archippe, mnanyango o biyo o etumba, pe o losambo lolo owe o molibo: ³ ledze bo pe kimiya e Nyamolo na Yezu Kilisto yak'einyame! ⁴ Na tondo Nyamolo onga ngonga yeye, na botangi kombo eyao ngonga yeye o mabondeli manga. ⁵ po bane yebisi boyambi bolo nawe po e kolo Yezu kilisto pe bolingo gbao po e ba santu beebe. ⁶ Na moonga bo boyambi gbao boka ba bobange na tina e Kilisto, na bo toebegi ndenge yeye ilamu. ⁷ Nelo,naokako, na bisengo biike na libondi po e bolingo gbao; po na wee, mnebi nzooi iba santu yaba ibondisami. ⁸ Yen'emengu,naibiako bo nelo na bosomi gbeegbe bo boekomeli o Kilisto po yeeye ita, ⁹ Naonga nawe na kombo e bolingo bo n'ebondeli , na ndenge elonga, polo, ekokolo, pe nalo ainowa mokpelami po Yezu Kilisto. ¹⁰ N'ebondele po e mnan'onga o boti nga o boloko, Onezimo, ¹¹ Oaba ngonga eyoko owe tina gbala naokak'ainowa alo na tina, n'owe n'onga. ¹² N'utodza bo etomeli yo, bolingo bonga mengu mengu. ¹³ Na nukaki bo kaba nanga, po kaneyalela esik'eyao, dz'alongai naina oboloko po esango elamu. 14 Mbala yeye, ne ledziko bokali bokeli esala gbala onga na emanya eyao, po bolalamu gbao bo niba dza bouki gbala, naokako boyakaba ne powa eyao mengu. ¹⁵ Eita bo ekabo aba tangoi na wee tango e keke, pe ko moomeya po e libela, ¹⁶ Aikiba dza moombo gbala,naokako dza olo oboyo bo moombo, dza mnebi mokalani, nibiako na lopo, t'okati e kolo. ¹⁷ Ebobabo onekowa dza mnonyongo, omokoe kooko ba dzanga. ¹⁸ Pe ebobabo aeyali bobe,t'elo bo kaenye esala yoko, oeyale badza elo nanga. ¹⁹ Nga polo,naekomeli na maboko manga mengu,kele na futa, po ebolegi bobebisi bowe mengu olo mnebi onga. ²⁰ Iyo,mnebi bo na liya mbano nawe, okati e kolo; okitisa moii o kilisto. ²¹ Na boyeki botosi gbao n'ekomela, nayeba bo kele owala ata bokani iye lobela ngai. ²² Banunu, ne lengelele esika e bodzali, po ne likeya bo ekomeli, na ngolu e mabondeli ma bino. ²³ Epafrazi, mnanyanyo onga o boloko o Yezu Kilisto, ²⁴ Aeinyi losako, Malako, Aristalike, Demasi, Luka, bamnanyango banga baliyla. ²⁵ Na ngolu e kolo o biyo Yezu Kilisto e kaba na elimo e yao!