¹ Ngai Yuda, mosali mo yesu kilisto, pe aliya li Jake, oba belengama, bakalama okati e Nyamolo tata, pe ba batelama po e yesu kilisto; ² Lege bo mauwa, kimea pe bolingo bo solo solo bwa ikana akati ebino! ³ Baliyani, oa aba ngai powa eyeye ebo ebokomelini po lobiko lobiyo bebe nebi neoka okati engai naba nekali boo na ekomeli makambo malibiki libiyo bebe po ebolendisinipo eboyambi bwa wakala o basantu bebe mbala ewi. ⁴ Po ena bato bai minyogo okati ebino, basila baliya etumbu komama o mikanda misunga banda kala, bato bebe, ba sanzea ngolu e Nyamolo okati ebo kabwani, na ba wangana mokonzi mobiyo mowi pe kolo yesu kilisto. ⁵ Lege naemanyele, bino ba eba abange bokani makambo me me mabokolo, sima ebo bikisi libota pe bolitokolio mboka o ezipito, sima ai yola bato bamitema mibange; ⁶ Balengele ye po esambiselo elo mokolo mouka, bakaye na monyololo libela na libela o liwi ba anzelu batona bo bei semba, naokako, batona molibo moba mengu; ⁷ Motindo moko sodoma na gomola pe na mboka ipene pene, ba miinya ga ba o lipowa pe o poo itonama o mokili, bainya ma ndakisa o etumbu emowa molibela na libela. ⁸ Nai biako bona, bana bana kooko, bakonzamaki ina po iba, ba embeya nzopo iba, batona mokonzi bo Nyamolo pe bonyolo bilimo bi kembo eyaye ⁹ Naokako, anzelu Mikaele, abaye atelemele giabulu pe awela naye ebembe e Moïze, aba aoki oni ebo moolongi o likambo na bona aitoko boo: Mokonzika inye etumbu! ¹⁰ Ba, lisolongo batoko na lolenge lo boabi lo poo ilemowa ba, pe ba miinya o poo ibola tina gaa nyama ibola mayele. poo iba sukela kele abe. ¹¹ Mauwa mabe! po babenga nzala e kana, ba miinya o lifuti ebo mitangoli bo Koré. ¹² Ba bainya mobulu obisika bisangani po e lipati libondeko: oke oga solo oke oota, oni ngala. Elo ga mapata emabola mayi, matindemega na moulu, dza nzete ibotiko gbala o elekoe mbuma iwei bi wei, po bobabila nganga yaye, ¹³ Elo baga mbonge e mbu engala pe etokolo pulu, po iyoni, balo ga minzoto mibungi nzela miinda ba o liwii libange. ¹⁴ Enoka kooko, gina lisambo banda Adamu aba wenegi na maloma ma ma: eka, kolo ebiyo ayei na basatu baye koto na koto. ¹⁵ Po elo boo ka kata makambo ma bato bèbe batona Nyamolo po e makambo maba me me po e maloba mabe maba motokeli ba bakeli bona poe mabe ma batoni bomotosi bato baina pe bana tina epo imbé ya ba motokeli. ¹⁶ Elo ba una una, ba mimela po eba balanda bokokani na mitema miba, monoko moba mwa tuna na maloba ma bolombe ba umbolela ba bato po mali mabe. ¹⁷ Naokako, bino baliyani, manya poo yaba itokomi nyonge na bayekoli kolo ebiyo yezu kilisto. ¹⁸ Ba baebisi bo eleko esuka elo bobei na batiloli , pe bangenga powa imitema miba . ¹⁹ Balo bakabola bato, batumana mayele ma lopo kasi ba bola elimo. ²⁰ Po e bino baliyani, kopikama bino mengu o eyamba esatu, pe bosambela na nguya i elimo esatu, ²¹ Batela obolingo po Nyamolo, na bobondi muwa kolo e biyo yezu kilistopo ebomoyi boseko. ²² Palela, baoko, batelemele; ²³ biki bayoko na bo batokoli o mawa; koyokela baoko mawa malo lisanga na bobangi; na boini tee dzana o etobo ekomi mbindo na lopo. ²⁴ Naokako, ota bo ka ebatele o bokpei gbegbe pe bo ekambini o kembo eyaye dza bato ba bola poo imbe, pe baa tuma na monyango. ²⁵ baye Nyamolo alo mobikisi mobiyo na lisalisi li Yezu Kilisto mokonzi obiyo, kembo eyaye, bokonzi,piko na nguya banda o ebandela, anunu pe ngonga yeye! Amen