¹ Bana'amoyi banami, eyali ena toto enino botong'aoto bana yohe loosala bandak'alako, koko beyaka'oka iso'atshu tongeeta en'esambiselo. ² Tiilasamu isotshu l'ena ndenge ekambwa, kuma boto'omoko ainda mbila lisumu la tenda, ayali ate boto a sosolo, koko ata lotshili la mbambola eonga ena balima. ³ Kum'iso tolotshaka mpunda bekoli en'onya latshina atohike, totoma nkoko yonge'inande ikotshu. ⁴ Bolenda, kongo basuwa, banayali bekolo mene koko baholia bahukumu banalotshili, bako bakendjama nko la nkoy oosali, loomu bona bokondji basuwa. ⁵ Lekondenge, lolemu loyali nde etenyi'osali ena yonge, koko lotenda mboo baoyi banakolo. Bolenda, yoka nkoy a ihame koko atambe ena ngond'akolo. ⁶ Lelemu koko loyali yoka nkoy; nde bokili baasumu. Lolemu lomokitshama esanga'emoko la biteny'ayonge bin'iso, mbingeyanya bosoto ena yong'iniso, koko mpetsha nkoy ya loiko okonde lolemu mene lolika la konyi ya lotshuela. ⁷ Ndenge ikotshu ya nyama ya ndjose, yosuma la looko imohama enakas'anato; ⁸ Okonde lolemu, ekana bote'moko onongolanga'oka baoke; ekonde bowe bonohakoli'iso ndemola; lomoolola la ndenge en'eweli. ⁹ La lolemu tosakola Bokondji Bahango'oniso, koko la lolemu toima bato banakindjakomba iilaka l'ena ndenge enande. ¹⁰ Nko ena bonua bomoko eyala bosako koko ena bonua bomoko ehola boiimo. Banaa'nahango, etayalake boko. ¹¹ Nkokoolose eko eholia nde la mbala'emoko koko enonyo'omoko base batshitshi laase'ololo? ¹² Bote bomoko ba m'yingi, bana'nahango; bokolana nde mbota bemuma bia olivi, yombo vinyo bemuma bia m'finyi? Base bonana bahakoli lokolomoko mpolia baase bolotshi. ¹³ Nanyi enatenyanino aata bwanya loomu? Atshumie besala'enande l'enandenge bolotshi lootema hololo koko la bwanya. ¹⁴ Okonde kuma baata'enotem'ione ehilia oololo koko bolimo ba lohoso, botayokumiake koko botahotake la lina lina sosolo. ¹⁵ Bwanya boho bohayume ena liko; okonde boyume ena looko, boyume ena yonge, boyume eneka djabulu. ¹⁶ Latshina enesenga eyali ehilia eololo koko bolimo ba lohoso, esanga'eko eyali nde loobulu koko ndenge ekotshu engokamba ko bowe. ¹⁷ Bwanya baloba boyali ndoso bonohana mbindo, mbusanekoo hoyi, ndjokitsha kitsha, mbata botem'olotshi, boyala l'olangana koko bemuma'yolotshi, boumola la lokuta, la bosulu. ¹⁸ Koko bomuma ba sosolo behusame nko la hoyi l'ongokemba hoyi.