¹ Polo, moya mwa Yesu Kilisito , la mwelo Timote, ale Filemona, mwelo yasu ya loundo, la moendi lasu laa lisala, ² ale mwelo motomi Apia, ale Alikipe, moendi lasu laa bita, la ale linginda lile laa ndao. ³ Seinye mbo lifee la ehole ye feme ino ale Mungu la angene Yesu Kilisito. ⁴ Lele lefa mbotobikeka fee ale Mungu yamba, lele letoloo aye laa malombo. ⁵ Litambo letelema mboli ya buimeli bwaye ale Angne Yesu la loundo ale eba onyemwa. ⁶ Lele leuhola inde mbo bohoti bwaye laa boimela bohohomo litala bosiyo bwa Yesu Kilisito la bolubesi iso bilenge fee ebilo. ⁷ Obona, lebwi lohenele obwiya la lefoyesemi motema litala loundo lwa ye, litalambo, la mbowa yaye mwelo, motema mwa bonyemwi mobi la ehole. ⁸ Lolo, angonde le ohanyi ale Kilisito lipombo lo fee la bosiyeli aye ndjaso eyi yengani, ⁹ la bweti la lina la loundo nde lele lekelela aye lilombi, la elenge yele mba, Polo, moonde, la boeti, owanu wani moya ya Yesu Kilisito. ¹⁰ Loolombo aye ambomwana ya mba oyo leboti leboti nde lele laa bayaka, Onesime, ¹¹ Oyo aibi la isabo boso nde owanuwani aba la isabo, ale aye la ale mba. ¹² Loobinyoesela aye inde mwana yamba oyo leboti. ¹³ Lebi mbo leyale laa nde titina ya mba mbo abengele mba laa esiya yaye, ekeka yele mba laa bayaka ba mboli ndoo ya Yesu. ¹⁴ Ekeka yasi leebangi botongi soo la isosa saye, lita lambo misala milo miaye mingaaba mia kanga, nde mibe mia boimili. ¹⁵ Tonga yasi baseeneseni laye la mwa ekeka, litalambo otumane laa omoongo la omoongo. ¹⁶ Soo limo ambo moya,nde ambo oyo qeti moya, mbo mwelo ya loundo yamba angene, la boeti la ye limoo, yebe nde laa loomba yebe nde atite ya angene. ¹⁷ Ambeke wene mba ambo abeya yaye, lutela inde ambo omba angene. ¹⁸ La ambeke akeli aye lipusano ambeke nde mbo ale nde la ;olima mwaye tangela mba mo. ¹⁹ Imba Polo, loosihela aye la liasa lamba angene. Lefuta bono mbo laase laye mbo ole limoo moto yamba. ²⁰ Bona, mwelo,seinye mbo loohanye ale aye seeli soso, atiteya Angene, tambesa mba motema atite ya Kilisito. ²¹ Lita la boolesi bwa ye nde lele lesihela aye, oluba mbo okela bono boeti eyi yosasa mba. ²² La yaasi longanelesa mba ndaolitalambo lele lehenya mbo lebinyoela bono ino lita la malombo manu. ²³ Epafalasi, moendi la mba mwa bayaka ba Yesu Kilisito, aopaya aye. ²⁴ Limoo la Malako, A lisatalake, Demasi, Lujka, baendi lamba ba lisala. ²⁵ Seinye mbo lifee la A ngene yaaasu Yesu Kilisito abe la mwende mwa ye. Obona.