¹ Yuda, mosali mwa Yesu Kilisito, la mwelo ya Yakobo, ale eba batemi batomi yoohi, eba ba nangemi la Mungu Sango, la eba ba batelami lita la Ysu Kilisito. ² Seinye mbo buha bwa Mungu, ehole la loundo lotumele ino. ³ Baelo ba loundo, ani abi mba la kamo o bwiya ya bosiheli ino lita la boumi bwa bato fee, yootoma mba mbo letonge lita la bofi ino bolengi bwa bowani lita la boimeli ebo botomemi ale eba banyemwi mbala yemoti lita la omoongo. ⁴ Litambo bato bamoti ba fondi lita atite yanu, eba itumbo sisihema o hala, bato ba liindi eba betshaa lifee la Mungu, la boangini Mofalesi mwasu momoti la Angene Yesu Kilisito. ⁵ Lenangi bo ambesi ino yaasi, ino eba bolubi bolo ndjaso yiyi fee, mbo angene, mbisa ya bouhesi bato la bo sooli ibo laa ekanga ya Ejipito lambisa aoli eba mitema mikbamu. ⁶ Eba batiemi lita la motangolo mwa lise la botungi, bakandemi omoongo la omoongo laa ngundu, mienda emi miihohomesi etito nde baosendje ndao yabu angene. ⁷ Eyi Sodomo la Gomolo la mii mia tiitina, emi tongi limoo moheha ambo ibo, la mapusano la ndjaso yilakelemee laa mohili, yofema mbo ndembe boeni muundu mwa mosa mwa omoongo la omoongo. ⁸ Angoo bona, bato baaho limoo, bolutemi la maluhanyi mabu, bale bseha limoo komba yabu, botefoli mbabu, la bosei lifefia labu. ⁹ Angoho, mwenda kumi Misele, ekeka yetuesi inde la bohaani la mwenda mobe loomba lwa Moose, aitshengelaa boweli inde mafeleki ma biseo, asasa mbo: seinye Angene afe aye itumbo. ¹⁰ Ibo, la bofeu, bale baasa laa elenge ya biseo ebiilubi ibo, la bale beititaema la eyi yilubi ibo ambo mabonda. ¹¹ Buha bwa bu! lita lambo batshutshi mbowa ya Kaina, baokusa komba yabu la ndjaso ya bolisesemi bwa Balama lita la seeli. Baolisesa komba yabu laa yenge ya Kole. ¹² Bale nde ambo liuya atite yanu, beenene ambo bato balo, ango bale nde betumesa komba yabu. Bale ambo bilimi biti la maliba, bitshindjema la lifofela; mite mwa ekeka ya mwanga miti la tuma, mioha mbala imbale, mioyolema. ¹³ Miula mifi mia ngbanda, miwele mahulo ma tiendi labu. Tolonge tolumbalumba, tona ngundu yootielema ibo lita la omoongo. ¹⁴ Yele limoo labu nde Enoke, moto ya mosmbale sokba oto Adama, atondoli la maohi mama: simela, Angene ayei la koto la koto ya eba banyemwi. ¹⁵ Lita la bosambesi bato fee, la lita la bofeleki bato baliindi fee, bana atite yabu ndjaso fee yaliindi, la maohi fee ma mosebo maasemeli nde la bato ba liindi. ¹⁶ Bale bato behimahima, besabana la botongi bwa lwaso lwa bu, eba beende la elenge ya mohohia mwabu, eba bele la maohi ma mofoto laa minoo mia bu, eba beimela bato lita abole. ³ Baelo ba loundo, ani abi mba la kamo o bwiya ya bosiheli ino lita la boumi bwa bato fee, yootoma mba mbo letonge lita la bofi ino bolengi bwa bowani lita la boimeli ebo botomemi ale eba banyemwi mbala yemoti lita la omoongo. ⁴ Litambo bato bamoti ba fondi lita atite yanu, eba itumbo sisihema o hala, bato ba liindi eba betshaa lifee la Mungu, la boangini Mofalesi mwasu momoti la Angene Yesu Kilisito. ²⁰ Ale lanu beelo ba loundo, ani ahohomi ino laa boimeli bwa nu bwa omoongo, la molombi la mbowa ya mwenda mwengi, ²¹ hohomo atite ya loundo lwa Mungu bokumbaeli buha bwa Angene Yesu Kilisito lita laboumibwa omoongo. ²² Lutela bamoni, eba bekila; ²³ Uhese baasi la bosooli ibo laa mosa. La ebamoti bela ibo la buha bosobwani la boho, kila tee olaa mokoto moosehanala liindi la loomba. ²⁴ Angoho, ale oyo aengani botuesi ino la mauya, la bobwesesi ino la lifiefi lande ambo bato bati la mapusano, atite ya lohenele, ale Mungu inde angene mouhesi mwasu la mbowa ya Yesu Kilisito, laa nde lifiefia, longuma, bolengi la loili, sokba oboso bwa bikeka, la owanuwanu, tee o bilanga la bilanga. Oo bona.