¹ Moonde, la kiliya, mominolemi, la ale bana bande, eba lenangi laa omoongo, la leti imba angene nde lenangi ibo, angoho limoo la eba fee balembeli omoongo, ² la bosiyo bwa moongo yele ale iso , la yeba bono laasu lita la omoongo la omoongo. ³ seinye mbo lifee la Mungu, buha bwa Mungu la ehole bobe laanu la mbowa ya Mungu Sango la mbowa ya Yesu Kilisito, Mwana ya Sango, atite ya moongo la loundo. ⁴ Leheneli obwiya boeni bana baye boendi laa mbowa ya omoongo la elenge ya ngele eyi yiboli iso ale sango. ⁵ La owanuwani, elo lolengele mba aye Kiliya, soo ambo bosihela aye ngele ya owanu wani, ambo eye yoohanyi iso skba laa litshatshelo; ambo la elenge ya bonangesani bwasu. ⁶ La loundo lolengele nde boendi boenganeli la ngele ya nde. Eyo nde ngele eye yeengani lqqnu boendei obona aflesemi ino sokba laa litshatshelo. ⁷ Lita lambo baititai o baiye baoya laa moholi, eba baitshimele mbo Yesu Kilisito ayei laa mohili la loomba. Oyo ale bona, ale nde moititai la oyo akili Yesu. ⁸ Angatala laanu angene, lita la mbo bolisesee tuma twa lisala lanu, ango mbo boohanye seeli fee ya lisala lanu. ⁹ Oyo ee hola la ati atite ya maluhanyi ma Kilisito, ati atite ya Mungu, oyo ale atite ya maluhanyi maaho ale la Sango la Mwana. ¹⁰ Ambeke moto eyela aye la aiyei la maluhanyi mamo, bolutelee inde la bisiya bianu la bofee inde: Bopaya! ¹¹ Litalambo oyo efa inde bopaya aokuwana laande la masala ma nde mabe. ¹² Ango nde labaa la ndjaso ndiye ya bosiheli ino, lenangi nde bosiheli ino la loasi la mosihi, ango ho lele leta motema boyei ale ino mbo toasesana lita lambo lohenele lwanu lotume. ¹³ Bana ba mwelo yaye mominolemi baopaya aye.