अध्याय ४

1 ते वेळेस काही याजक मंदिरने अंगानंम तसच काही अधिकारी ते जागावर आसतल मंदिर ना रक्षक , सदुकी आंन जे काही सभासद हे सगळेजन पेत्र आन योहान लोकास्ने संग बोलत असता त्यासक वनत 2 हे लोक त्यासावर खूप रागीष्ट व्हयनत कारण हे दोन प्रेषित लोकासला येशूने बद्दल शिक्षण देत रहेनलत कि देवन येशूला मेल्यानंतर परत जिवंत करणा 3 हे लोकास पेत्र आन योहान यासाला तुरुगंम ठेव्या, रात्र झाल्यामुळे यहुदी आधीकारीन त्यासाला चोकशीने साठी ठेवना. 4 जे लोकास पेत्रना भाषन अयक्या त्यास येशुवर विश्वास ठेव्या आन विश्वास ठेवणार लोकसम पाचहजार लोकास्ने भर पडनी. 5 नंतर दुसरे दिवस मुख्य याजक व आजून काही याजक यहुदीग्रंथन शिक्षक आन यहुदिसभा संस्थामधलं लोक येरुशलेममं ऐक ठिकाणी एकत्र वनत 6 हन्ना मुख्या याजक, नवीन मुख्य याजक कैफा योहान आन अलेक्झादर आन मुख्यायाजकने जवळचे लोक तय आसतल. 7 त्यासं सैनिकासला आज्ञा करया पेत्र आन योहान यासाला खोलीमं ल्ही या आन त्यासाला आनं त्यासाला विचारू लागनत की, ते मनुसाला बरा कारवनी शक्ती कोणं दिध्या? 8 मग पवित्र आत्मानं पेत्र भरी त्यास्ने संग बोलू लगना, आहो इस्रायलने लोक आधीकार्रयासो आन वाडीलासो 9 मस्त्याव लक्ष द्या !आज हे चांगले काम ने बद्दल तुम्हु मला प्रश्न विचारत कि हाय लंगडा माणूस कसा चालू लगना , 10 तर इस्रायलसने लोकासो मला आखु द्या. तो फक्त नासोरी येशूने नावनं निट व्ह्यना आसं .आन आता तो तुम्ह्ने पुढे उभा आसं आन् त तुम्हु जोत रहित , जे येशूला तुम्हु कृसवर जीवच मारया त्याला देवनं मेलेल्यामहित उठवना. 11 नासोरी येशू ख्रिस्ताने बद्दल शास्राम आखलेप्रमाणं हायच जो दगड बांधकाम करणाऱ्यास नापसंद करया तोच कोनशील व्ह्यना 12 फक्त येशूच आपल्याला वाचवू शकतो हे जगम दुसरा कोणी माणूस नाहा. जो आपले दोषपहिन व पापपहिन वाचवू शकतं. 13 तव्हा यहुदी पुढारी हाय समजी गयत कि पेत्र आन योहान हे भित्र नाहा. तसच ते आडणी आन साधारण लोक असत ते कधी शाळाम शिकनत नहा. हाय ओळखी त्यासाला नवाल वाटणा आन ते येशूने संग असतत हाय पण ओळ्ख्या 14 तरी आजारमहीन नीट व्हयल माणूस पेत्र आन योहान यासनेजवळ उभा असल्यानेमुळ यहुदी पुढारी त्यास्ने विरुद्ध काहीच बोलू शकनत नाहा. 15 तव्हा येहुदी पुढार्यास राखणदारला आख्या पेत्र,योहान आन् नीट व्हयल माणूस त्यासाला खोलीमहीन बाहेर जावानी आख्या आन् ते पेत्र आन् यासने विरुद्ध विचार करत बसलनतं कारण त्यासापहीन खूप मोठा चमत्कार व्ह्यनाल. 16 ते आखत रहेनलं आपुनी हे दोन माणसासला शिक्षा करवा आशी कोणतीच चूक दिसी येय नहा, आन येरुस्लेम्म रहणारे प्रतेक मानुस्न ता नवाल वाटणारा चमत्कार जुइत तर आता आपुनी लोकासला आसा काही आखु शखत नाहा कि आसा काही चमत्कार व्हइत नाहा. 17 तरी आम्हु आशी परवानगी देऊ शकत नाहा कि त्यासं दुसरे लोकसमं येशूने नावान शिक्षण द्यावा . मग आता आम्हु त्यासाला आसा आखु तुम्हाला ज्यानं हे मानुसला आरोग्य द्यावाणी अधिकार दिन्हा. त्याने विषयी आखवणी थांबव्या नाहा. तर आम्हु तुम्हाला शिक्षा करू. 18 त्याने नंतर यहुदी पुढार्यास राखणदारला आख्या परत दोन्ही प्रेषितासला खोलीम बोलवी लीध्या आनं त्यासाला आख्या यान्हे बद्दल बोलू नका व येशुना कोणताच शिक्षण देऊ नका. 19 पण पेत्र आन योहान यासं यहुदी पुढार्यासला उत्तर दिध्या "देवने दृष्टीन चांगला का"माणसासन आदेश पाळणा का देवना,हाय तुम्हुच ठरवा. 20 पण आम्हु तुम्ह्ना आदेश मानणार नाहा. जा आम्हु जुईत आन येशू पहीन जा शिक्षण ऐकित ता लोकासला आख्वानी बंद करणार नाहा. 21 तव्हा यहुदी पुढार्यास पेत्र आन योहान यासाला परत आख्या आज्ञा मोडू नका, पण त्यास त्यासाला शिक्षा करया नाहा; कारण सगळे येरुश्लेममधले लोकास व्हयेल चमत्कार जुई देवना गौरव करत रहेनलत. 22 आन् त्यासाला हाय माहित आसतल चालू न शकणारा माणूस कसा बरा व्ह्यना: नीट व्हयेल माणूस चाळीस वर्षेाने पेक्षा जास्त वयना आसनाल. आन तो माणूस जन्म झाल्यापहिन चलनाल नाहा. 23 त्यानेनंतर पेत्र आन् योहान न्यायसभामहीन बाहेर वनत तेहीन दुसरे विश्वासनार्यात्याव गयत आन त्यासाला सगळा काही आख्या जो मुख्य याजक आन यहुदी पुढारी त्यासाला बोलनत ता. 24 विश्वासनार्यास ता ऐकि ते सगळास सहमतीन देवने जवळ आशी प्राथना करया. हे प्रभू आकाश,पृथ्वी,समुद्र आन त्याज्म जा काही आस ते सगळासना निर्माणकरता तूच आसस. 25 तव्हा पवित्र आत्मने प्रेरणान आम्ह्णा पूर्वज दावीद राजा जो तुन्हा सेवक अस्ताल.त्यानेद्वारा तुह्न हे शब्द लिह्नास. जगमधल लोक कजा खवळनत, इस्रायेलने देवने विरुद्ध व्यार्थ योजना कजा कारया. 26 जगमधले राजस देवने शासका विरुद्ध लढाईनी तयारी करीत .आन त्यासाला जगमधल अधिकारी सामील व्हईत ते देवने विरुद्ध तसच त्याने निवडलेला मसिहाने विरुद्ध जमा व्हयनत. 27 हाय खरा आस हेरोद पंत पिलात आन यहुदी तर आन इस्रायली लोक येशूने विरोधम उभरहित ज्याला तुम्हु मसीहा म्हणी निवडीत. 28 ता तुम्हु व्ह्वू दिध्या कारण ता आगोदरच ठरवेल आसनाल. 29 मग हे प्रभू आता तू लक्ष दे कि ता कशा प्रकारे आम्हाला शिक्षा दित. आन आम्हाला मदत कर जे येशुना नाव सगळासला आखत. 30 तुन्हे सामर्थ्याना वापर कर महान चमत्कार ने साठी, आरोग्यानेसाठी, अध्भूत कार्यानेसाठी तुन्हा पवित्र सेवक येशूने नावंम. 31 जव्हा विश्वासनार्यास्नी प्रार्थना संपायनी ते ठिकाणी जागा हादरायनी आन पवित्र आत्मना त्यासाला संपूर्ण सामर्थ्या दिना देवना वचन हिम्मतन बोलावणीसाठी,आन तसा त्यास करया. 32 33 तव्हा विश्वासनार्यास्ना समुदाय येशुम पूर्ण समर्पित एक जीवन एक विचारना आसनाल. त्यास्ना सगळा काही समाईक आसनाल. त्यासापैकी कोनही आसा आखता नाहा,कि हाय मान्हा आस, सगळा काही समाईक आसताल. आन ते गरज प्रमाण एकमेकासम वाटी लेत असत.३३ आन प्रेषित येशू मरानमहिन उठल्याबद्दल मोठे सामर्थ्यानं दुसरासला आखतत. आन देव सगळे विश्वासनार्यासला मोठे प्रमाणवर मदत करता. 34 काही विश्वासनारं आपली मालमत्ता जमीन आन स्वताना घर विकी ता सगळा पैसा प्रेषितासंक आणतत. 35 आन ते प्रेषितासला देत आन प्रेषित गरजवंत विश्वासनार्यासला त्याजमहित पैसा वाटी देत. 36 ते ठिकाणी योसेफ नावना माणुस आशी तो लेवी वंशना आसनाल तो कुप्र बेट महीन व्ह्नाल. त्याला प्रेषित बर्णबा आसा आखतत. यहुदी भाषम ते नावणा आर्थ दुसरासला उत्तेजन देणारा असा आसं 37 त्यान आपला वाव्वार जमीन विकणा आन तिन्हा पैसा दुसरे विश्वासन्नार्यासला देवानेसाठी प्रेषितासक आन्ही दिन्हा.