¹ О пгууро - аври валастымэ ла ройаке тай ви лаке шьяворенге, савэ чаачес манге драаги, тай на чак манге, гаменге санге, одолэнгэ сааэ пинжьярдэ о чаачило, ² ради о чаачило, саво прэбывалый анда-мэндэ тай ви авла амэнца эрэкрэ ³ Мук тавэл тумэнца эблагодать, о милости, э паача катго Дэл о Дад тай ви катго Рай о Иисус о Кристушурунко, о Шьяво лэ Дадэско андо чаачипо тай ви о любовь. ⁴ Мэ прэ-э баара лошага лошалём, годь ракглём андар тиирэ шьяворэ, савэ пгириэн андо чаачипо, кадэ сар амэн хутэрдям о заповид катго Дад. ⁵ Тай адес опрэ мангав тут, райкинье, на сар о нэйво заповид тэ иринав туке, гаменг одов, (заповид) саво гас амэн элшэйбэ, годь та-вас драаги йек лэ кейвереске. ⁶ О любовь мэнг ашьел андодэй, годь амэн тэ лыйпинас пал Лэске заповиды. Адов одов заповид ги, пал саво тумен шундян элшэйбэ, годь тэ жьяс пал лэстэ. ⁷ Вашодэ ке прэ бут авлэ андэ лума айсе савэ аври дылярен, вон на исповидалынэн лэ Кристушурункос пал о Иисус, Саво авляс по плоти: айсо мануш ги одов ко аври дылярел тай ви анткристушурункой-ло. ⁸ Дыкген пал тумэндэ, годь амэн тэна хасарас одэй, пэ состэ амэн трудындям амэн, гамэнг тэ шай дэн амэн аври э интрэго награда. ⁹ Ке сако, ко со пердал лыпинел эучения лэ Кристушурункоски тай ви тэ на лыкрелпэ андэ латэ, айсэс най о Дэл; ко мэнг лыкрелпэс андэ учения лэ Кристушурункоски айсес ги о Дад тай ви о Шьяво. ¹⁰ Ко авла тумэндэ тай на ан анла адэй учения, одолос на валалынэн андо кгер тай ны на дэн лэга вас (тэ привествовалынэн лэс). ¹¹ Ке ко дэла лэга вас (привествовалынла лэс) одов йек тэтай-ло лэга участолый андэ лэске насула дила. ¹² Бут ги ман тэ ийринав тумэнгэ, но на камав тэ ийринав по пароши ла тэнтага, гамэнг бизинав ман тэ авав тумэндэ тай тэ ворбинас муй муйега, годь тумаари лоштэ авэл интрэго. ¹³ Дэн туга вас тийра пгеньяке пграла сави аврии валастымэ.