¹ Кэ Ноеминь исыс пэскиро мануш пир роместэ, лэс кхарэн Вооз и ёв исыс баро мануш дэ семья Елимилехо. ² И пхэндя Руфь моавитянка Ноемини *Джава мэ пэ маля и лава тэподкэдав маро долэстэ, кон явэла манса куч* Ёй пхэндя лакэ: *Джя, чай мири* ³ Ёй гия, явья дэ маля и тэподкэдэл со ячапэ долэндэ кон скэдэлас маро. И выгия дякэ, со адая пхув исыс Воозоскири саво семьятыр Елимелехоскирэ ⁴ И явья Воозо Вифлиемостыр и пхэндя одолэнгэ, кон скэдэлас маро: Тэявен бахталэ Дэвлэстэр ! А ёнэ пхэндэ лэскэ: тэавэс и ту бахтало Дэвлэстэр! ⁵ И пхэндя Воозо пэскирэ бутярнэскэ, савэс чидэ пхурэдырэса ко мануша савэ скэдэн маро: *Конэски ада тэрны чай? * . ⁶ И пхэнэл бутярно Воозоско *Ада тэрны чай моавитянка, сави рисия Ноеминяса сави дживэлас пэ пхув Моавоскири. ⁷ Ёй пхэндя: *Мэ лава тэподкэдав палал маро кай ачапэ одолэндэ кон укэдэл маро. Ёй явья ранэс и кэрэл буты адай кэ дава часо. Токи набутка побэстя дэ шатра*. ⁸ И пхэндя Воозо Руфакэ: *Пошун ман, чай мири? На джя пэ авир маля теподкэдэс маро, и на уджя адацыр, а яв адай паш мирэндэ бутярнэндэ. ⁹ Дык пэ мал, пэ саво ёнэ укэдэн, и пхир паллэндэ. Хиба мэ на прыпхэндём бутярнэнгэ, соб ёнэ тэ наподжян кэ ту? Коли закамэса тепье, то поджя кэ ведра панэса и пи паны саво яндэ бутярнэ*. ¹⁰ Ёй пея лэскэ до гера и пхээнэл *Со мэ кэрдём дасава дэ тырэ якха, со ту сыкавэс мангэ пэскиро лачипэн, бо мэ нанэ тумарэ манушэндыр? ¹¹ Воозо пхэнэл лакэ: *Роспхэндэ мангэ саро, со ту кэрдян пэскирэ свекрухакэ сыр мэя тыро ром, кай ту ачадян дадэс тэрэс и да пэскирья, и пхув кай ту бияндыян и явьян кэ мануша савэн ту кэдава наджиндян. ¹² Пал дава со ту кэрдян мэк Дэвэл благаславит тут и тэро благословение авэла дэ саро Дэвлэстэр, Дэвэл Израилёскиро, кэ Саво ту явьян, тэзаракхэл тут пэскирэ вастэса.!* ¹³ И пхэндя ёй: * мэк мэ попэрава милость дэ тырэ якха, миро рай, пал дава со ту подрикирдян ман и пхэндян лава савэ загинэ мангэ до йило тырэ бутярнякэ, хоть мэ и нанэ тыри бутярны* ¹⁴ И пхэндя лакэ Воозо сыр ёнэ ханас: *Поджя адарик, лэ маро и кинкир тэро котыр до уксусо и ха.* Ёй бэстя паш бутярнэндэ, и ёв дыя лакэ мариклы. Ёй хая и чалыя, и ище ачапэ. ¹⁵ v 15 ¹⁶ Ёй вштыя, соб тепоткэдэ, Воозо припхэндя пэскирэнгэ бутярнэнгэ: * Мэк ёй подкэдэл дажэ пашэ снопы, и нагодлэн пэ латэ. И отчурдэн лакэ снопэндэр и ачавэн, соб ёй тэ подкэдэл, инакошэн ла* ^{17 18} Адякэ ёй подкэдэлас пэ маля кэ бэвэль и змардя одова со подкэдыя ,и исыс варикай паш гоно маро.И лыджия ёй адава до форо ,и удыкья ла свекруха, и со ёй скэдыя. И доростя ёй и дыя лакэ мариклы сави ачадя , сыр ёй выхаяпэ. ^{19 20} И пхэндя лакэ свекруха лаки.*Кай ту исыс дадывэс и кэ кон кэрэсас буты? Мэк авэла бахтало дова мануш саво подрикирдя тут. И роспхэндя ёй пэскирэ свекрухакэ, кэ кон ёй кэрэлас буты, и пхэндя * Манушэн адалэс кэ саво мэ кэравас буты кхарэн Воозо* И пхэндя Ноеминь пэскирэ борьякэ:* Бахтало ёв Дэвлэстер -----одова кон рикирел до йило джидэн и мулэн!* И пхэндя лакэ Ноеминь:* Пэскиро амэнгэ адава мануш. Ёв ек амэндэ дасово саво выпокинэла. ^{21 22} И пхэндя Руфь моавитянка: * А ище ёв мангэ пхэндя: *Рикирпэ паш мирэндэ бутярнэндэ, скицы ёнэ лэна тэ скэдэн миро маро *. И пхэдя Ноеминь Руфакэ ,пэскирэ борьякэ: *Куч, чай мири, соб ту тэ выджяс лэскирэнса бутярнэнса, и пэ тутэ на лэна нисо тэракирэн пе авир маля*. ²³ И ёй рикирэласпэ паш бутярнэндэ Воозоскирендэ и подкэдэлас о маро пока на укэдынэ саро маро, и дживэлас пескирьяса свекрухаса.