¹⁹ И гинэ ёнэ дуйджинэ, и явнэ до форо Вифлиемо. И сыс дякэ: сыр явнэ ёнэ до Вифлиемо, то заракирдя пал лэндэ саро форо, и джювля ракирэнас: *Ада Ноеминь?* ²⁰ И ёй пхэндя лэнгэ: *На кхарэнте ман Ноеминь. Кхарэнте ман Мара, палдова со джюипэн миро дрыван кирько Дэвлэстэр. ²¹ Мэ выгиём кхэрэстэр пэскирэ семьяса, а Дэвэл ман рискирдя палэ би ни соско. Палсо тэкхарэн ман Ноеминь, палдова сыр Дэвэл гия против мандэ и Ёв кэрдя мангэ кирько джюипэн?* ²² И рисия Ноеминь, и Руфь моавитянка, лаки бори, дуйджинэ рисинэ Моавоаскирэ малендыр. И явнэ ёнэ до Вифлиемо сыр лынэ тэскэдэ маро.