1 И помангьяпэ Иона кэ Яхвэ, Дэвлэл пэскиро, дэ пэр кэ мачё. 2 И пхэндя: «Мэ ракирав кэ Яхвэ, годласа дэ бида пэски, И Ёв шундя ман, гин мулэс. Мэ годлыём, и Ту шундян мири глос. 3 Ту чурдыян ман дэ паны, машкир морё, кай паны сыс сарэндыр бокэндыр. Сарэ волны Тырэ проджянас паш мандэ. 4 Мэ пхэндём: «Ту вытрадыян ман, нэ мэ думинав, со мэ дыкхава свэнто кхэр Тыро». 5 Облынэ ман паня кэ ило, чарьяса учакирдо миро шэро. 6 Мэ змэкьёмпэ катсыр джян бэрги тэлэ пхув, пхув закэрдя ман свэтостыр, нэ Ту Яхвэ, миро Дэвэл, гадэса миро джиипэн мулэндыр. 7 Сыр ило миро тэрдёлас, мэ зрипирдём пал Тутэ Яхвэ, и мангьёмпэ Тукэ и Ту ушундян ман дэ свэнто кхэр Тыро. 8 Кон поклонинэлпэ хоханэнгэ дэвлэнгэ ачадэ дэ лэндэ патябэн, 9 а мэ янава Тукэ жэртва лавэнса лошалэнса. Со пхэндём, кэрэва. Яхвэ заракхэла!» 10 И пхэндя Яхвэ мачэскэ, и ёв вычунгардя Ионас пэ пхув.