¹ А ту ракир манушэнгэ одова со чиндо до лав Дэвлэско: ² соб пхурыдыр пшала тэавэн годявир, патывалэ, тэ рикирэн пэс до васта ,правильно тэ патян дэ Дэвлэско Лав, до камлыпэн ,тэ рикирэнпэ коли лэнгэ пхаро. ³ Адякэ и пхурэдыр пхэня ----тэдживэн сыр свэнта мануша: тэ нахохавэн ,тэ напрыдчурдэнпэ кэ вино, а тэсыклякирэн лачипэн ⁴ тэдэн годы тэрнэнгэ пхэненгэ, соб ёнэ те камэн пэскирен ромэн . и пэскирэн чаворэн, ⁵ тэ зрикирэн пэс тэ накэрэн бэзэх , и тэдыкхэн пало кхер, тэавэл ковлы , тэкандэн пэскирэн ромэн ,соб ни кон тэ напхэнэл дылныпэн пэ Дэвлэско Лав . ⁶ и тэрнэн чавэн сыклякир тэ рикирэн пэс до васта. ⁷ Кокоро сыкав дэсаро сыр трэби тэлыджя пэс : коли сыклякирэс кэр ада адякэ соб тэявэл пир Дэвлэскиро Лав, ,патываса ⁸ ,и тэавэл дэ саро лав здраво и адасаво сыр трэби, соб одова кон налачэстэр тэавэл ладжакирдо , кай лэскэ тэ наявэл со тэ пхэнэл пал амэндэ нисо на лачо.