¹ исыс до дола дэвэса, сыр сэндарья рикирэнас саро дэ пэскирэ васта ,пэ пху насыс со тэха. И гия мануш с Вифлиемостэ Иудаскирэстэ тэ дживэл пэ маля Моавоскирэ--- ёв и лэскири ромны и дуй чаворэ лэскирэ. ² И кхарэн адалэс манушэс Елимелех, ромня лэскирья кхарэн Ноемнь, а чаворэн Махлон и Хилеон, ефрафяне с Вифлеемостэ Иудаскирэстэ. Явнэ ёнэ пэ маля Моавоскирэ и ачнэпэ одой. ³ И мэя Елимилехо, Ноеминяко ром, и ачапэ ёй дуе чаворэнса. ⁴ И лынэ ёнэ ромнен моавитянок -екха кхарэн Орфа, а авирья Руфь. Дживэнас ёнэ одой варикай дэш бэрш. ⁵ И мэне ёнэ сарэ дуй Махлон и Хилеон. И ачапэ адая ромны би чаворэнгиро и би ромэско. ⁶ И скэдыяпэ ёй пэскирэ борьенца и гия палэ, малендыр Моавоскирэндыр дякэ сыр шундя пэ маля Моавоскирэ, со Дэвэл на ачадя пэскирэн манушэн и бичадя лэнгэ маро. ⁷ И выгия одолэ штэтостыр, кай дживэнас ёй и лакирэ дуй борья. И гинэ ёнэ пиро дром, рисёнас пэ пху Иудаскири. ⁸ И пхэндя Ноеминь пескирэнгэ борьенгэ: Джян, рисён сарэ дуй дэ кхэр пэскирэ даке. Мэк дэл Дэвэл тумэнгэ бах, сыр тумэ кэрдэ пэскирэ ромэнца и манца! ⁹ Мэк дэл тумэнгэ Дэвэл, соб тумэ тэпопэрэн пэскэ семьи и теавэн бахталэ пэскирэ роменца! И чамудя лэн. А ёнэ гадыне годла и роибэн ¹⁰ и пхэндэ: Нат, амэ туса рисёваса кэ мануша тырэ. ¹¹ А Ноеминь пхэндя: Рисёнте, мирэ чая! Палсо тумэнгэ тэжа манца. Хиба явэна мандэ чаворэ, соб тэявэн тумэнгэ ромэнца? ¹² Рисёнте, мирэ чая! Джянте, бо мэ пхури манушны, соб тэджяв палором, а сыр бы и те джяв палором и тэявэл мандэ чаворэ, со тумэ дужакирэнас бы коли ёне выбарьёна? ¹³ Хиба адава тумэ камэн, соб тэнаджян палором? Нат, мирэ чая, мангэ дрыван пхаро пал тумэндэ и со кэрдя мангэ васт Дэвлэско. ¹⁴ И гадынэ ёне бари годла и лынэ тэровэн. И чамудя Орфа пэскирья свекруха, а Руфь ачапэ ласа. ¹⁵ И пхэндя ёй: Дык, рисия тыри бори кэ пэскирэ мануша и кэ пэскирэ дэвэла. Рисёв и ту сыр рисия ёй. ¹⁶ И пхэндя Руфь: На уракир ман тэ ачавав тут и тэ наджяв пал тутэ. Кай джяса ту ---дорик джява и мэ. Кай ту лэса тэ дживэс--- одой и мэ лава тэ дживав. Тырэ мануша --мирэ мануша, и тыро Дэвэл-- миро Дэвэл. ¹⁷ Кай ту мэрэса --- и мэ мэрава и дой ман gаравэна. Мэк Дэвэл мангэ кэрэла дякэ и дякэ, если мэ ачавава тут екджиня. И коли мэ мэрава, то ачавава тут. ¹⁸ Удыхья ёй со Руфь камэл тэ джял дрыван ласа, то пирьяча тэ одракирэл ла. ^{19 20 21}