¹ . Izainesa akʉnna ŋieta Baulosi, eeza kajɛwɛ nɔŋa Yeso Kiristo, ko ŋieta Timoti ghɔzɔnɛa naɛ, kitone dehunya naɛ Bilemon ko eeza kamɨɛ karrɨ. ² Ko Abhia ŋɔnɛa naɛ, mɛtɛlɛkɛayaza naɛ Arshibus ko keya Tamuo atte olyoge ghoo gho: ³ Shallizen kene kaʉw ŋieta nunde ko ghanuna Tamuo ko Babaa naɛ Alan Yeso Kiristo. ⁴ Anda diidi kanye Tamua nande shallizen wassi anda kagadha lainda gho. ⁵ Gaaji anda kasɨgi yewisa noo ŋieta Alanɔ Yeso ko lemunesa noo eeza bhaɛ. ⁶ Anda kala Tamu ko ugga atto jina ko eŋeri yewisa noo, ko ugga kɨdhɨ aghai ghɨnyi mele shallɛ gho bhaɛ ŋieta kiristo. ⁷ Lemunesa noo wa anya anda shallizenyi abbo ko kɔmaine, gaaji ugga, ghozonu, ɔjɔa sɨnisi ŋanɨ shullagɛ. ⁸ Ko ŋanyana, shɔ kazi ko ŋieta kiristo anda kolomi gulsasɛ ko kosekʉŋ ugga ko imɨɛ gii adhimmu uggau ko imɨɛ gho. ⁹ Ko ŋakamaginuŋo anda kadhimʉŋ ugga ko imɨɛ lemunenda. Anda, Baulos kiye eeshi kanyazɛ ko rɨgɨnɛ keni eeza kajebhaŋɛ yeso kiristo. . ¹⁰ Anda kaghinyʉŋ ugga nɔŋɛ ko errushi nande Onisimas gho, ghɔnɛa ɛnɛ erruja nande wassi anda kaɛ kessa shebhio gho. ¹¹ Bhalɨ woyi nɔnɔ alo hɔrɔ ŋieta noo, ko nɔ ŋoshogo nɔnɔ iye shallɛ tanayo karrɨ ŋieta noo ko nande. ¹² Anda kitoni nɔnɔ iya ɛnɛ sɨnisa nande ŋieta noo. ¹³ Anda ɛnɗɛ katiya ko nɔnɔ ko kɨdhɨ nɔnɔ kɛsɛrɛ ŋieta noo kɛlɛa anda wassi anda kaɛ Shaima nɔŋɛ Tamuo gho. ¹⁴ Ko nɔ anda ŋakadhimme kimɨɔ ghɨnɨŋgɛ woyyi ugga ŋakiginʉŋo gho hʉŋ, ko ghɨnyi shallɛ amienaŋu anda gho kɨdhɨ kiye gii adhimu imɨɛ gho ko ŋaɛnɛ gidhija. ¹⁵ Osoya nɔŋa bhalɨ aŋerenyu ko nɔnɔ ko ugga satija nyana ko ugga obhoje nɔnɔ kiye shallɛ. Dháá juru ko nɔnɔ kɔbhɔdha ŋieta noo rɨgɨnɛ kiye shallɛ. ¹⁶ Nɔnɔ kɨdhɨ ŋanɨ ŋaɛnɛ gaari, ko nɔ ijara gaari, nɔnɔ iye ghɔzɔnɛa kelemuni. Iya kelemuni nana ɔrrɔ, ko uggau ɔrrɔ rɨgɨnɛ, tana Alanɔ gho ko ee ɛlɛ. ¹⁷ Ko aji ugga aghayaŋu anda keni eeza kate karri gho, elemunda nɔnɔ hulla ko iya kɨdhɨ elemunanyaŋu anda. ¹⁸ Ko aji nɔnɔ ɛdɛa gii gerre ŋieta noo dháá amenʉŋ ugga ghɨnɨŋgɛ gho, ɛnɛ abategŋʉ anda. ¹⁹ Anda, Baulos, kagazi nɔŋi jegi aiza nande gho. ko kɨdhɨ anda kekesi ghɨnyi olominʉŋ nɨnɛ ugga gho, ko ugga elezia ghoo olomaŋʉ anda rɨgɨnɛ. ²⁰ Eee ghɔzɔna ɛlɛa nande ŋieta Alanɔ anye sɨnɨsa nande kelemuni ŋieta Kiristo. ²¹ Kagha nʉŋgo shallizena nunde, anda kɨdhɨ kakanini unda kunden gaaji kagha nʉŋgo unda kɨdhɨ ami shɔ mele kijara iya kaghini nana. ²² Ko gimma rɨgɨnɛ imisegaŋʉ anda kessa koŋine nana kagha nʉŋgo anda kɨdhɨ kiŋa kiye ŋieta ko lainesa Tamuo. ²³ Ɛbabharas eeza ghande kajebhɛzɛ kaarɨ nɔŋɛ Yeso Kiristo gho, kizayuŋɔ. ²⁴ Ko mi Markos, Aritasha, Demas ko Luka eeza ghande kamɛ kaarɨ. ²⁵ Lemunenesa Alanɔ Yeso Kiristo kaʉ kʉlɔja noo gho.