1
ولوما قربوا من اورشليم ووصوا لبيت فاجي عند جبل الزيتون ، رسل يسوع اثنين من طلابه
2
وقال لهم :(سيروا للقريه اللي قدامكم ، وعتلاقوا حماره مربوطه ومعاها جحشها ، فكوا رباطهم وادوهن لي
3
وان قال لكم احد شي قولوا :(السيد محتاج لهن ، وعيرجعهن على طول)
10 ولما دخل يسوع اورشليم ضجت المدينه كلها وسألت :(من ذيه؟)
11 فجاوبوا الناس :(ذيه هو النبي يسوع من ناصرة الجليل) 12 ودخل يسوع الهيكل وطرد كل اللي يبيعوا ويشتروا بينه ، وقلب بسطات الصرافين ومقاعد بياعين الحمام 13 وقال لهم :(جا في الكتاب ، بيتي بيت الصلاة ، وانتوا فعلتوه مغارة سرق)
14 وجوا له العرج والعميان وهو في الهيكل فشفاهم 15 وزعلوا رؤساء الكهنة والفقهاء لوما بسروا المعجزات اللي فعلها ، والجهال يصيحوا في الهيكل :(المجد لإبن داود)
16 فقالوا له :(بتسمع ايش بيقولوا هولا؟)
فجاوبهم :(ايوه ، ماقريتوش تيه الآية : من لقوف الصغار والجهال اخرجت كلام المجد)
17 وبعدا فلتهم وخرج من المدينه لبيت عنيا وجلس فيه 18 وفي الصبح لوما كان راجع للمدينه ، حس بالجوع 19 وابسر شجرة تين جنب الطريق ، وسار لها وما لقيش بينها إلا ورق ، فقال لها :(ماعتثمريش للأبد) ويبست التينه على طول
20 وابسروا الطلاب ماوقع واستغربوا ، وقالوا :(كيف لوما يبست التينه على طول؟)
21 فجاوبهم يسوع :(اقول لكم الصدق : لو انتوا تؤمنوا وماتشكوش عتفعلوا بتيه التينه ساع مافلت ، وكمان لو قلتوا لذيه الجبل قم واطرح في البحر عيوقع ساع ماقلتوا 22 فكل شي تطلبوه وانتوا تصلوا بإيمان يوقع لكم) 23 ودخل يسوع للهيكل ولوما كان جالس يعلم ، جوا له رؤساء الكهنة والفقهاء وشيوخ الشعب وقالوا له :(بأي سلطه تعمل تيه الحاجات؟ ومن ادالك تيه السلطه؟)
24 فجاوبهم يسوع :(وانا اسألكم سؤال واحد ، لو جاوبتوني عليه عد اقلكم بأي سلطه افعل تيه الحاجات : 25 من اين ليوحنا سلطة المعمودية؟ من السماء ولا من الناس؟)
فقالوا في نفسم :(لو قلنا من الله عيقول لنا وليش ما امنتوا به؟
...
26 وان قلنا من الناس ، نفتجع من الشعب لأن كلهم يعتبروا يوحنا نبي)27 فجاوبوا :(مانعرفش)
فقال لهم يسوع :(وانا ماعاد اقول لكمش بأي سلطه بين افعل تيه الحاجات)
28 وقال يسوع :(ايش رأيكم ، كان به رجال معه ولدين ، فجاء له الأول وقاله يا ابني سير اليوم واشتغل في جربتي29 فجاوبه : ماعه ما اشتيش ، ولكنه ندم بعدها وسار للجربه
30 وجاء للولد الثاني وطلب منه ساع ما طلب من الأول فجاوبه : انا شاسير ، ولكنه ماسارش
31 فمنهو اللي عمل على مايشتي ابوه؟) فقالوا له :(الأول)
فقال لهم يسوع :(اقول لكم الصدق ، جباة الضرايب والزناه يسبقوكم لملكوت الله)
...
32 جاكم يوحنا المعمدان ماشي طريق الحق وما امنتوش به ، وآمن به جباة الضرايب والزناه ، وانتوا ابسرتوا ذيك وما ندمتوش ولو بعد فتره عسب ترجعوا تؤمنوا به 33 اسمعوا مثل ثاني ، غرس رجال جربته وفعل حوله سور وحفر بينه معصره وبنى فيه برج حراسه واجره لفلاحسن ، وسافر للخارج 34 ولوما جاء يوم القطاف ، رسل خدمه لهم عسب يشلوا نصيبه من الثمر35 ومسكوا الفلاحين خدمه وضربوا واحد منهم والثاني قتلوه والثالث رجموه 36 ورسل صاحب الجربه خدم غيرهم اكثر من الأولين ، وفعلوا بهم ساع مافعلوا بالأولين 37 واخر شي رسل لهم ابنه وقال انهم عيحترموا ابني
38 ووما ابسر الفلاحين الولد قالوا بينهم البين :(هوذا الوارث ، جوا نقتله ونشل ورثته) 39 فمسكوه ورجموه خارج الجربه وقتلوه
40 فأيش يفعل صاحب الجربه بهولاء الفلاحين لوما يرجع؟
41 قالوا له :(يقتل هولا الأوغاد ويسلم الجربه لفلاحين ثانين يدوا له نصيبه في وقته)
42 فقال لهم يسوع :(ماقريتوش في الكتب المقدسه : الحجر اللي ماقبله البنائيين وقع رأس الزاويه ، ربنا فعل ذيه وهو شي عجيب
43 عسب ذيه اقول لكم : عيشل الله ملكوته منكم ويسلمه لشعب يخليه يثمر 44 من نكع على تيه الحجر تقطع ، ومن نكع على تيه الحجر تكسر)
45 ولوما سمع رؤساء الكهنة والفريسيين هولا المثلين من يسوع ، فهموا انه قال ذيه الكلام عليهم 46 وكانوا يشتوا يمسكوه ، بس افتجعوا من الناس لأنهم كانوا يعتبروه نبي