1 Yangu, imbeni kuli Yahweh ulwimbo lupya. Pantu walicite fintu ifyabune; ukuboko kwakwe ukwa kulyo ne minwe yakwe iya mushilo fili mupele ukucimfya. 2 Yahweh ulilengele ipusukilo lyakwe lishibikwe; uli langile umulinganya wakwe apakubuta tutu ku nko shonse. 3 Ulebukisha uluse lwakwe ulwakubelela ne cishinka ku nganda yakwa Israeli; impela shonse ishe sonde shikamona ku cimfya kwa kwa Lesa wesu. 4 Pandeni ne nsansa kuli Yahweh, mwe sonde lyonse; lepukeni mu kwimba, imbeni ne nsansa, kabili imbeni isha malumbo. 5 Imbeni ihsa malumbo kuli Yahweh ne nshingili, ne nshingili no lwimbo lusuma. Na ma penga ne fiunda fya nsengo, 6 Pangeni icongo cansansa pa cinso ca mfumu, Yahweh. 7 Lekeni bemba apunde na fyonse ifyabamo, icalo na bonse abekalamo! 8 Lekeni imimana shitole ndupi shaiko, kabili lekeni mpili shipunde ne nsansa. 9 Yahweh akoisa mu kupingula sonde; akopingule calo no bulunami kabili inko no mulinganya.