Ulwimbo lwa bulanda ulwakwa Davidi, ulo ena aimbile kuli Yahweh palwa fyebo fyakwa Kushi umwina Benjamini. ¹ Yahweh Lesa wandi, muli webo nebo emo nauba! Mpusussheni kuli abo bonse abasupila nebo, kabili mpokololeni. ² Epali, nebo bantajanya ngafilya inkalamo icita, bansantaula nebo mutupimfya apatali nangu umo uulingile ukundeta ku kupokololwa. ³ Yahweh Lesa wandi, nag ndicitile ici, kabili pa minwe yandi nga pali umulandu- ⁴ nga ndisitile ububi kuli wo, uwali no mutende nandi nangula bungwa bungwa ndicenene umulwani wandi apakubula umulandu, lyena umfweni ku mashiwi yandi ⁵ Kabili lekeni umulwani wandi alekupepeka umweo wandi, lekeni anyantaule ubumi bwandi panshi no kulaikala ubukankala bwandi mu lukungu. Selah ⁶ Imeni, Yahweh, mubukali bwenu, talameni pa cifukushi ca balwani bandi; shibukeni pamulandu wandi no kupiita ifipope fya bulungami ifyo webo wa konkomeshe kuli bo. ⁷ Ifyalo fya kolongana ukushinguluka fyonse kuli webo; piita na kabili icifulo cobe ica kulungama ukucita pali bo. ⁸ Yahweh, akapingula inko; mpinguleni nebo, Yahweh, pantu nebo ndi mulungami elo uwakaele, Uwapilamo. ⁹ Lekeni imicitile ya bubi iya kubancita tubi ise ku kupwa, lelo pampamikeni abantu abalungami, Lesa uwa kulungama, webo uyo uupima imitima na mano. ¹⁰ Ukupokololwa kwandi kufuma kuli Lesa, uyo upususha aba kutambalala imitima. ¹¹ Lesa mupingushi wa kulungama, ni Lesa uwa cifukushi cilabushiku. ¹² Nga cakuti umuntu talaple, Lesa akanona ulupanga lwakwe elo akapekanya no buta bwakwe ku bulwi. ¹³ Ena apekanya ku kubomfya ifyanso palwakwe; ena alengele imifwi yakwe ukusonteka umulilo uukobilimuka. ¹⁴ Tontonkanya pa muntu uli ne fumo lya kucita icibi, u wimitile amapenge yakonaula, akafyala ubufi. ¹⁵ Akoimba icilindi no ku wamyamo na ena kabili waponena mu cilindi ico actile. ¹⁶ Amapenge yakwe umwine yapilibukila pa mutwe wakwe, no bunkalwe bwakwe bwa tentemukila pa mutwe wakwe. ¹⁷ Nebo nkopela ukutotela kuli Yahweh pantu ena mulungami; nebo nkemba ukulumbanya Yahweh Uwapulamo.