ALEPH 1 Bakupalwa abo abo inshila shabo shakaele,abenda mumafunde yakwa Yaweh. 2 Bakupalwa abo abasunga,ifyakushimika fyakwe,abamufwaya nemitima yabo. 3 Tabacita fya kubipa;bendela mushila shakwe. 4 Mwalitukonkomesha tulekusunga amafunde yenu ukuti tulekuyasungilila. 5 Alale,ngakuti naba uwapampamikwa mu kusungilila ifipande fyenu. 6 Kabili tekuti ndengwe insoni ulo na tontonkanya amafunde yenu yonse. 7 Nkakumilumbanya no mulimo wakulungama ilyo nkonsambilila ifipope fyenu ifya bulungami. 8 Nkalekukonka ifipope fyenu mwinsha nenka. 9 BETH Bushe umuntua umunono kuti awamya shani nshila shakwe?ni mukumfwilwa ishiwi lyenu. 10 No wandi onse nko mifwaya;mwindeka mfumu ku mafunde yenu. 11 Ndisungile ishiwi lyenu mumutima wandi ukuti ni cita isambi kuli mwebo. 12 Mwalipalwa, Yaweh nsambilisheni ifipope fyenu. 13 Nakanwa kandi ndisabankenye fyonse ifipope fya bulungami ifyo mwasokolola. 14 Nkosansamukila munshilla ya cipangano ca fipope fyenu ukucita mufyuma fyonse. 15 Nkolekutontonkanya mu mafunde yenu no kubika amano ku nshila shenu. 16 Nsansamukila mu fipope fyenu; Ntakalabe ishiwi lyenu. 17 GIMEL Beni no luse ku mubomfi wenu ukuti ningekala no kusunga ishiwi lyenu. 18 Isuleni amenso yandi ukuti ndekumona ifintu ifisuma mu mafunde yenu. 19 Ndi mulebeshi mu calo;mwifisa amafunde yenu kuli nebo. 20 Ukukabila kwandi kuli fungawile mukufwaya ukwishiba ifipope fyenu ifyakulungama inshita shonse. 21 Mwebaula aba filumba,aba kutipwa,abafuma ku mafunde yenu. 22 Nsungeni ukufumya ku musebanya ne misula,pantu ndikonkele icipangano chenu ica fipope. 23 Nangu ifilolo fikolanda ifya bubi pali nebo umubonfi wenu akopituluka mu fipope fyenu. 24 Icipangano ca fipope fyenu ekutemwa kwandi,kabili efimpanda mano fyandi. 25 DALETH Umweo wandi wakulambatila ku lukungu!mpeleni umweo kwi shiwi lyenu. 26 Nali ndi mwebele inshila shandi,kabili muli njasukile;nsambilisheni ifipope fyenu. 27 Nengeni ukwiluka inshila sha mafunde yenu,ukuti ningale kupituluka mu masambililo yenu ayakupesho amano. 28 Ndikungumene no bulanda nkosheni ne shiwi lyenu. 29 Pilibuleni ukufuma kuli nebo inshila yabufi;luse luse nsambilisheni ifunde lyenu. 30 Ndisalile inshinta ya cinshika lyonse ndisungile ifipande fyenu;Yaweh, mwinenga ndekuba ne nsoni. 31 Nalambatila ku cipangano ca fipope fyenu;Yaweh,mwinenga ndekuba ne nsoni. 32 Nkalekubutuka mu nshila ya mafunde yenu,pantu mukokusha umutima wandi mukucita ifyo. 33 HE Nsambilisheni,Yaweh,inshila ya mafunde yenu,kabili nkoyasunga mpanka ku mpela. 34 Mpeleni ukwiluka,kabili nkolekusunga ifunde lyenu;nkalekuyakonka no mutima wandi onse. 35 Ntungululeni munshila yamafunde yenu,pantu nsansamukila mukwendamo. 36 Pilibwileni umutima wandi ku cipangano ca fipope fyenu nokuufumya kubunonshi bwabubi. 37 Pilibulene amenso yandi ukufumya pafyabuwelewele;mpuputuleni munshila shenu. 38 Fikilisheni kumu bomfi wenu ifyo mwalaile ngefyo mwalikucita kuli abo abali kumicindika. 39 Piteni insele isho ntina,pantu ubupingushi bwenu ubwakulungama bwa bune. 40 Moneni,ndafuluka ifipope fyenu;mpuputuleni mukulungama kwenu. 41 VAV Yaweh,mpeleni ukutemwa kwenu ukushifilwa ipusukilo lyenu,ukulingana no kulaya kwenu; 42 Kabili nkokwata ubwasuko ku ukonsebanya,pantu ncetdekela mwi shiwi lyenu. 43 Mwifumya inshiwi lyenu ilya cinshinka mukanwa kandi,pantu ukulolela kwandi kwaba mu fipope fyenu ifyabulungami. 44 Nkalekunkonkanyapo ukusunga ifunde lyenu,umuyayaya no muyayaya. 45 Nakulaenda mu mutende,pantu nkofwaya ifipope fyenu. 46 Nkalekusosa pafya mafunde yenu pantanshi yashamfumu no kukana umfwa insoni. 47 Nsansamukila mu mafunde yenu,ayo natemwisha. 48 Nkalekusumbwila amaboko yandi ku mafunde yenu,ayo natemwa;nkalekupituluka mu fipope fyenu. 49 Tontonkanyapo ku mano ubulayo bobe ku mubomfi obe pantu webo uli mpele isubilo. 50 Ici ecikoseleshi candi mu macushi yandi: Ukweba ati ubulayo bobe bulinsungile uwamweo nebo. 51 Abamataki balinsekele Nebo, lelo nshafutatuka ukufuma ku mafunde yobe. 52 Nalikutontonkanya palwa bulungami bwa fyebo fyobe ukutula kunshita shakale, Yahweh, kabili nebo ndaitalalika nemwine. 53 Ukufulwa kwakutapata kulikatilile nebo pamulandu wababifi abo abakana amafunde yobe. 54 Ifipope fyobe fyaba ni nyimbo mu ng'anda iyo nkoikalamo iya nshita inono. 55 Ntontonkanya pe shina lyobe munshita ya bushiku, Yawe, kabili nsunga amafunde yobe. 56 Ici caliba cibesho candi panti mbaka ifipope fyobe. 57 Yawe aba cakaniko candi; nebo ndisalile ukubaka amashiwi yobe. 58 Nebo mucine ndilombele ububile bobe no mutima wandi onse; umbelele uluse nebo. Ukulingana ne fyo icebo cobe calaile. 59 Nebo nalilingulwile imibele yandi kabili nalyalwile amakasa yandi ku cipangano ca fyebo fyobe. 60 Ndangufyanya kabili nsushima shima ku kusunga amalango yobe. 61 Imyando ya babifi ilinkobele nebo, nebo ntalaba mafunde yobe. 62 Pakati ka bushiku ndalamuka ku kupa amatotelo kuli webo pamjulandu wa nulungami bwa fyebo fyobe. 63 Nebo ndi mulongo wa bonse abacindika webo, kuli bonse abo ababaka ifilangililo fyobe. 64 Yawe, icalo, caisula icipangano ca bucishinka bobe; nsambilisha ifipope fyobe. 65 Yawe, ulicitile icabune ku mubomfi obe, ku cebo ca mashiwi yobe, webo. 66 Nsambilisha ukwiluka kusuma no mucetekanya, ico calisumina mu malango yobe. 67 Libe ntalacula nalilubile, lelo nomba ndabaka icebo cobe. 68 Webo uli wabune kabili niwe weka ucita ifyabune; nsambilisha ifipope fyobe. 69 Abafikansa balinshingile ubufi, lelo ndasunga ifilangilo fyobe no mutima wandi onse. 70 Imitima yabo ilyumalele, lelo mbekelwa mu mafunde yobe. 71 Cili bwino kuli nebo ukweba ati nali culile pakweba ati nebo nsambilile ifpope fyobe. 72 Ifilangililo fya mukanwa kobe fyaliwamisha kuli nebo ukucila amakama ya lupiya lwa golide na silifa. 73 Iminwe yobe yalinenga kabili noku mpanga nebo, umpe umucetekanya pa kwebati nsambilile amalango yobe. 74 Abo bakucindika bakasamwa ulo bena bakambona pantu nebo ndisangile isubilo mu cebo cobe. 75 Nalishiba, Yahweh, ukweba ati ifyebo fyobe fya mulinganya, kabili ukweba ati mucishinka walincushishe nebo. 76 Lekeni icipangano ca bucishinka bwenu citalalike nebo, ngefyo walaile ku mubomfi obe. 77 Nangini inkumbu pa kweba ati nebo nkwate umweo, ico ifunde lyobe ekubelekwa kwandi. 78 Lekeni abamataki balengwe insoni, ico bena balinandile ubbubi, lelo nalekwetetwila pafipopr fyobe. 79 eka abo bakucindika bafutatukile kuli nebo, abo abeshibile icipangano ca fyebo fyobe. 80 Lekeni umutima wandi ube uutatungwa akabi ku kulola ku fipope fyobe pakweba ati nebo nilengwa insoni. 81 Ndatutubala no kufulukisha ukwebati umususheko nebo! Nebo nasubila mucebo cobe. 82 Amenso yandi yalafuluka ukumona ubulayo bobe; nilwisa ulo ukantalalika nebo? 83 Pantu nebo naisa kuba kubati ninyambi yamyangashi mucushi; nebo ntalaba ififpope fyobe. 84 Kufilka kunshita ndo umubifi obe alinokushipikisha ifi; nilwisa ulo ukapingula balya abampakasa nebo? 85 Aba mataki balinyimbile filindi nebo, ukukowesha ifunde lyobe. 86 Yonse amalango yobe yalitetekelwa; balya bantu bapakasa nebo nelo ntalufyenye; ngamfweni nebo. 87 Bena balifyeb pepi nokupanga impele kuli nebo pano calo lelo nebo ntakana ifilangililo fyobe. 88 Ukutenwa kwakutwalilila kobe, nsungeni uwa mweo pa kweba ati ndekunaka amalango yobe. 89 Yahweh, icebo ciliminine umuyayaya; icebo cobe climunine inkonso mu mulu. 90 Bucishinka bobe bwaikalilila ku nkulo shonse; ulishimpile icalo, kabili ca calibelelela cena. 91 Fyonse fintu filitwalile ukufika ku bwalelo, nge fyofye waebele mufyebo fyabulungami bobe, ico ifintu fyonse fyaba babomfi bobe. 92 Umfwa amafunde yobe tayali kubekwa kwandi, nga nalyonaikile mubucushi bwandi. 93 nebo ntakalabe ifilangililo fyobe, ico muli fyena webo ulinsungile uwa mweo. 94 Nebo ndi obe; mpusushako nebo, ico mfwaya ifilangillilo fyobe. 95 Ababifi bali-ilalike ku konaula nebo, lelo nebo nalekulekufwaya ukumfwikisha icipangano ca fyebo fyobe. 96 Nebo ndimwene ukwebati fyonse finti filikwete umwe-kupela, lelo amalango yobe yalifuntula, ukucila imipaka. 97 Alale fyo natemwa amafunde yobe! Yaba kwetetwila kwandi akasuba konse. 98 Amalanga yobe yalanenga ukushilimuka ukucila abalweni bandi, ico amalango yobe ndaba nayofye inshita yonse. 99 Nebo ndikwete umucetekanya wakushika ukucita ba kasambilisha wandi, ico nebo ndetetwila pa cipangano ca fyebo fyobe. 100 Nebo ndikwete umucetekanya wakushika ukucila abakalamba abancilile; ici ni pamulandu nebo ndasunga ifilangililo fyobe. 101 Nebo ndisunhile amakasa yandi kunuma ukufuma munshila shakubipa pa kweba ati ndekubaka icebo cobe. 102 Nebo ntafutatuka lubali lumbi ukufuma ku bulungami bwa fyebo fyobe, ico webo ulinangile nebo. 103 ifyo yalolwa amashiwi yobe pa lulimi lwandi, ee, yalililwele ukucila ubuci pa kanwa kandi! 104 Ukupitila mu filangililo fyobe nebo ndi dnonkele ukwiluka; eco nomba ndipatile inshila yonse iyakubula icine. 105 Icebo cobe ni myali ku makasa yandi kabili lubuto mu nshila yandi. 106 Nebo ndilapile umulapo kabili ndi ushininkishe wena, ukweba ati nalekubaka ubulungami bwa fyebo fyobe. 107 Nebo adiculile sana; unsunge uwa mweo, Yawe, ngefye walaya mu cebo cobe. 108 Yawe, nkopapata upokelele imitulo ya kuitemenwa iya ku kanwa kandi, kabili unsambilishe nebo ubulingami bwa fyebo fyobe. 109 Umweo wandi waba lyonsefye mu niminwe yandi, lelo nebo ntalaba amafunde yobe. 110 Abibifi baliteyele iciteyo candi, lelo nebo ntaluba ukufuma ku filangililo fyobe. 111 Nebo ndibilile icipangani ca fyebo fyobe ngo bupyani bwandi umuyayaya, ico fyena fyaba ninsansa sha mutima wandi. 112 Umutima wandi ulyanghilwe ukulekubaka ifipope fyobe umuyayaya ukucikafye na ku mpela. 113 nebo ndipatile abo abab ne mitima ibili, lelo nebo nditemenwe amafunde yobe. 114 Niwwe cifulo candi emomfisama kabili icishangu candi; nebo nsubila mu cebo cobe. 115 Talukeni ukufuma pali nebo, mwebo mwe ncita tubi, pakweba ati nebo ndekubaka amalango ya kwa Lesa. 116 ulekuntangulila nebo ku cebo cobe pakweba ati ndekuba uwa mweo kabili nilengwa nsoni kwi subilo lyandi. 117 Ulekuntungilila nebo, kabili nelekuba uwacingililwa; nalekwetetwila pa fipope lyonse. 118 Webo ulakana abo bonse abaluba ukufuma ku fipope fyobe, ico abo bantu balalufya kabili tababa nakutetelwa. 119 Webo ulafumya ababifi bonse pa calo kubati fisoso; eco kanshi nnditemenwe amafunndisho yobe. 120 Umubili wandi ukotutuma mu kutina webo kabili nebo ndinomwenso wa bulungami bwa fyebo fyobe. 121 Nebo ndacita ifya mulinganya no kulungami; wilakunsha nebo kuli abo bancusha. Ubakilile ubwikashi bwa mubomfi obe; wilakuleka 122 abamataki balekuncusha nebo. 123 Amenso yandi yalile yakonaka ulo nebo nkololela ipusukilo lyobe kaili ne cebo cabulungami bobe. 124 Langa umubomfi obe icipangano ca bucishinka bobe, kabili unsambilishe ifipope fyobe. 125 nebo ndi mubomfi obe; nebo umpe umucetekanya pa kweba ati nebo mbe uwakwishiba icipangano ca fyebo fyobe. 126 Ninshita ya kwa Yawe ukubomba, ico abantu balitobele amafunde yobe. 127 Icinefye nebo nditemenwe amalango yobe ukucila golide, ukucilafye na golide wakulopololwa. 128 Eco kanshi nebo ndakonka bwino bwino fuonse ifilangililo fyobe, kabili nebo ndipatile inshila yonse iyakubula cishinka. 129 Imitande yobe yaliwamishe, eco nebo nabela uwa kuinakila yena. 130 Ubulondoloshi bwa mashiwi yobe bupela ulubuto; bupela ukutubululwa. 131 Nebo ngasamuna akanwa kansi no kwesela, ico mfuluka amalango yobe. 132 Futatukila kuli nebo no kuba no luse pali nebo, ngefyo ucita lyonse kuli abo abatewa iahina lyobe. 133 Tungulula intampulo sha makasa yandi ku ccebo cobe; wilakuleka ukubembu ululi lonse ukunteka. 134 Ndubula nebo ukufuma ku bantu abancusha pakweba ati nebo ndekubaka ifilangililo fyobe. 135 Leka icinso cobe cilekusanika pa mubomfi obe, no kunsambilisha ifipope fyobe. 136 Tumilonga twa minsoshi tulitulukile ukufuma mu menso yandi pantu abantu tabakobaka amafunde yobe. 137 Webo ulimjulungami Yawe, kabili ifyebo fyobe fya mulinganya. 138 Webo ulipele icipangano ca fyebo fyobe mu bulungami kabili muli bucishinka. 139 Ubukali bulingonawile apntu abalwani bandi balilabile amashiwi yobe. 140 Icebo cobe cilyeshiwe sana, lelo nebo ntalaba ku filangililo fyobe. 141 Nebo ntali kantu kabili uwakusulwa, lelo nebo ntalaba ku filangililo fyobe. 142 Ukulungamika kobe kwa kololoka umuyayaya, kabili amafunde yobe yali tetekelwa. 143 Nanga amasakamika no kushikitika filinsangile nebo, amalango yobe yacilifye ekubekwa kwandi. 144 Icipangano ca fyebo fyobe cililungeme umuyayaya; umpe umutekanya nebo ukwebati nebo mbe uwa mweo. 145 Nebo nalilile umusowa no mutima wandi onse, "Ngasuka nebo, Yawe, Nebo nalekusunga ifipope fyobe. 146 Nebo nkuta kuli webo; mpususha nebo, kabili nalekubaka iicipangano ca fyebo fyobe." 147 Nebo ngalamuka tayalafika amacaca ya lucelo no kulilila ubwafwilisho. Nebo nsubili mu mashiwi yobe. 148 Amenso yandi yesuka yakulafika ukupinduluka kwa bushiku pakweba ati ndekwetetwila pa cebo cobe. 149 Umfwe ishiwi lyandi mu cipangano ca bucishinka; unsunge uwa mweo, Yawe, ifyo webo walaya mu fyebo fyobe ifya bulungami. 150 Abo abakompakasa nebo bakoisa nupepi kuli nebo, lelo bena baliba ukutali ukufuma ku mafunde yobe. 151 Webo uli mupepi, Yawe, kabili no malango yobe yonse yaliba ayakutetekelwa. 152 Kale kunuma ku nobe nalisambilile ukufuma ku cipangano ca fyebo fyobe ukweba ati walificitile ukuba mucifulo umuyayaya. 153 Lolesheni pa macushi yandi kabili ngafwani nebo, ico nebo ntalaaba amafunde yobe. 154 Mpapatileni imilandu yandi kabili ndubuleni nebo, nsuna nebo, nge fyo walaya mu cebo cobe. 155 Ipusukilo lyaba ukutali ukufuma ku babifi, ico bena tabatemwa ifipope fyobe. 156 Ifyo yakula imilimo yaluse lobe, Yawe; uusunga nebo uwa mweo, nge fyo ucita lyonse. 157 Abakompakasa na balwani bandi abapepi balifulile, lelo ntafutatuka ukufuma ku cipangano ca fyebo fyobe. 158 Nebo mbona ba shikamfutu nge ca muselu pantu bena tabasunga icebo cobe. 159 Mona ifyo nebo natemwa ifilangililo fyobe; unsunge nebo uwa mweo, Yawe, nge fyo webo walaya ku cipangano ca bucishinka bobe. 160 Ubukankala bwa cebo cobe cine; cila cimo mu fyebo fya bulungami fikalililla umuyayaya. 161 Abakankala bapakasa nebo apakubula umjulandu, lelo umutima wandi wiminina mu ku wamisha kwa cebo cobe. 162 Nebo nsekelela pa cebo cobe kubati ni uyo wasanga ifyuma fyakubula umwine ifyakulisha. 163 Nebo ndipatile no kusula uwakubula icishinka, lelo nobe nditemenwe amafunde yobe. 164 Pa miku cine lubali mu kasuba kano nebo numbanya webo pamulandu wa bulungami bwa fyebo fyobe. 165 Umutende ukalamba bali ukwte, abo abatemwa amafunde yobe; takuli nangu cimo icingabalenga ukupununa. 166 Nebo nsubila kwi pusukilo lyobe, Yawe, kabili nebo mbaka amalango yobe. 167 Nebo mbaka amafundisho yobe, kabili ndiyatemenwe apakalamba. 168 Nebo ndasunga ifilamgilo fyobe kabili na mafundisho yobe ayamutalalila, ico webo ulishibile fyonse ifyo nebo ncita. 169 Kutika ku kulila kwandi kwisen ku mulola obe; ngafa nebo, ifyo walaya mu cebo cobe. 170 Leka ukupapata kwandi kwese ku mulola obe; ngafwa nebo, ifyo walaya mu cebo cobe. 171 Leka imilomo yandi ipongolole amalumbo, ico webo ulansambilisha ifipope fyobe. 172 Leka ululimi lwandi lulekwimba palwa cebo cobe, ico amalango yobe yakulungama. 173 Leka ukuboko kobe ku ngafwe nebo, ico ndisalile ifilangililo fyobe. 174 Nebo nkofuluka ukupususha kobe, Yawe, kabili amafunde yobe ekubekwa kwandi. 175 Leka nebo mbe uwamweo kabili ndekukulumbanya webo, kabili leka ubulungami bwa fyebo fyobe filekunyafwa nebo. 176 Nebo ndilubatikile kubati ni mpaanga yakuliba; ufwaye umubomfi obe, ico nebo ntalaaba amalango yobe.