¹ Nomba ishi emfumu sha calo, isho abaume bakwa Isreali bacimfishe. Abena Isreali bapokolwele conse icalo lubali lwaku kabangaka Yodani uko akasuba katulila, ukufuma mumupokapoka wa nika ya Anoni ukufika kulupili lwa Hermoni, nempanga yonse iya Akaba ku kabanga. ² Sihoni, imfumu yabena Amore, uwaikele mu Yeshebone. Uwatekele ukufuma mu Aroere, iya bela mu cibumba ca lucena lwa Arnone ukufumua pakati ka mupokapoka, na cicitika wa Gileadi ukutentemukila munika ya Yabboke kumupaka wabena Amone. ³ Sihoni kabili atekele ukucilinganya Araba ukufika kuli bemba wa Kinnereti, ku kabanga kuli bemba wa Araba(bemba wamucele) lwa kukabanga, ukulola ku Bete Yeshimoti na kukapinda ka kukuso ukulungatana nolukasa lwa mukunkuluko ya lupili lwa Pisgah. ⁴ Ogi,imfumu ya Bashani, umo panashelepo abena Refaimu, uwaikele mu Ashitarote na Edrei. ⁵ Watekele lonse ulupili lwa Hermoni, selekah kabili na Bashani yonse, ukufika kumupaka wa bantu baku Geshuri nakubena Maaka, atinacitika wabena Gileadi, ukufika ku mupaka wakwa Siyoni, imfumu yaku Yeshebone. ⁶ Mose umubomfi wakwa Yahweh, nabantu bakwa Isreal balicimfishe, na Mose umubomfi wa kwa Yahweh, wapele ilya mpanga kubenaReubeni, nabena Gad, na citika wamukowa wakwa Manasseh ngecakupyaninina. ⁷ Ishi emfumu sha calo isho Yoshua na bantu bakwa Isreali bacimfishe ku masamba ya Yodani ukufuma pa Baali Gadi mumupokapoka mupepi na Lebanoni ukufika kulupili lwa Halaki mupepi na edomu wapele icalo kumitundu yakwa Isreali. ⁸ Wabapele icalo campili, ne mpanga yakubatama, ku Araba, mbali shampili, Omawanga elo na Negebu-icalo cabena Hitti abena Amore, abena Kenani, Peresse nabena Yebushi. ⁹ Ishamfumu ukubikapofye ne mfumu ya ku Yeriko, imfumu yaku Betele, ¹⁰ imfumu yaku Yerusalemu, imfumu yaku Enaimu, ¹¹ imfumu yaku Yarimuti imfumu yaku Lachishi, ¹² imfumu yaku Egloni, imfumu yaku Gasa, ¹³ imfumu yaku Debiri, imfumu yaku Geda, ¹⁴ imfumu yaku Homa, imfumu yaku Aradi, ¹⁵ Imfumu yaku Libana, imfumu yaku Adullamu, ¹⁶ imfumu yaku Makkedah, imfumu yaku Betele, ¹⁷ imfumu yaku tappual, imfumu yaku Hefa, ¹⁸ imfumu yaku Afeki, imfumu yakuLesharone, ¹⁹ imfumu yaku Modoni, imfumu yaku Hasore, ²⁰ imfumu yaku Shimuroni Meroni, imfumu yaku Akshafu. ²¹ imfumu yaku Tanaanach, imfumu yaku Megiddao, ²² imfumu yaku Kadeshe, imfumu yaku Yokneamu, ²³ imfumu yaku Dore mu Nafote, imfumu yaku Goyimu mu Gillgali ²⁴ elo ne mfumu yaku Tersa. Impendwa ya shamfumu shali amakumi yatatu na cimo shonse pamo.