¹ Lelo caishile icakuti panuma ya mfwa yakwe Moseumubomfiwakwa yawe, ukutiyawe asosele kuli Yoshua mwana nuni, kafwa mukalamba wakwa Mose, nokulanda ati, ² ''Mose, umubomfi wandi, alifwile. Lelo kanshi ima, abukeni uyu Yolodani, webo nabana bonse abantu, mu calo ico nkopela kuli bo- kubantu bakwa Israeli. ³ Ndikupele yonse icende apo icitende ca lukasa lobe lukenda. Ndi ipelekuli we, ngefyo nalaile kuli Mose. ⁴ Ukufuma kumatolo naku Lebononi, ukufika fye naku mumana ukalamba, Yafulatesi, incende yonse iyo bana Hiti, nakuli Bemba mukalamba, uko akasuba kawila, cikaba calo cabo. ⁵ Tapakabe uukakucimfya munshiku shonse isha mweo obe. Nkalaba nobe ngefyo nalikuba na Mose .Takakulekeleshe mamgu ukukusha. ⁶ Ba uwakosa kabili talila. Ukalenga aba bantu ukupoka icalo cilya nalaile ifikolwe fyabo ukuti nkapela kuli bo. ⁷ Ba uwakosa kabili uwakatalila sana. Ube uwakuisunga kukubela yonse amafunde umubomfi wandi Moses amikonkomeshe. Wipilibka ukufu kukulyo nangu kukuso , pakweba ati wingaba uwakushuka konse uko ukoya. ⁸ Lyonse wakulasosa pali ici citabo camafunde . Mukalatontokanya pali co akasuba noboshiku pakweba ati wingalabela fyonse ifyo ifyaba muli co. Elyo ukaba uwakutunguluka kabili no kushuka. ⁹ Bushe ntakukukonkomesha? Ba uwakushipa kabili uwakutalila! Wiba no mwenso . Wifupuka. Yawe Lesa obe ali nobe konse uko ukoya.'' ¹⁰ Elyo Yoshua akonkomeshe intungulushi sha bantu, ¹¹ '' Pitaneni mu nkambi kabili konkomeshaabantu 'pekanyeni imao mwebene. Munshiku shitatu mkabuka uyu Yolodani no kwingila kabili akomipela ukuci kwata.''' ¹² Ku beena Lubeni, abeena Gadi kabili nacitika wamutundu wakwa Manase, Yoshua alandile, ¹³ ''Ibukisheni ishiwi lilya Mose umubomfi wakwa yawe , amikonkomeshe ilyo alandile ati ; yawe Lesa wenu akomipela ukutusha , kabili akomipela ici cali; ¹⁴ Abakashi benu, abana benu, kabili nefitekwa fyenu mukekala mucalo cilya Mose amipele bushilya bwa Yolodani. Nomba abaume ba bulwi balinokuya kuntanshi na bamunyinane nokubafwa. ¹⁵ Mpaka yawe akapele ba wenu ukutasha ngefyo akupele, elyo nabobene bakapoka icalo yawe Lesa wenu akobapele. Elyo mukabwelelamo ku calo cenu mwebene kabili cikwateni, icalo cilya Mose umubomfi wakwa yawe amipele bushilya lya Yolodani uko akasuba katulila.'' ¹⁶ Elyo baaswike Yoshua, nokulanda ati '' fyonse filya watukonkomeshe twakulacita, kabili konse uko ukatutuma. ¹⁷ Tukomfwila ngafilya fine twalikumfwila Mose. Cikuli fye yawe Lesa wenu aba nemwe, ngefyo alikaba na Mose. ¹⁸ Uyo onse uwatalamina ifipope kabili uwakana ukunakila amashiwi yobe akepaiwa. Bafye uwakosa nokutalila