¹ Nomba Yefuta umwina Gileadi ali mwaume wa bulwi, elo ali mwana mwaume wakwa cilende. Gileadi ali e wishi. ² Umukashi wakwa Gileadi naye alifyele abana baume na bambi. Ilyo abana baume ba mukashi wakwe baishile kukula, baishile kupatikisha Yefuta ukufuma mu ng;anda nokulanda kuli ye ati, ''Webo tawakese kupyana icili conse ukufuma mulupwa lwesu. Webo uli mwana wa mwanakashi umbi.'' ³ Eco Yefuta aishile fulumuka kuli ba wabo elo no kuya kwi kala mu calo ca Tobu, kabili abantu ba bula ubuyo bakolongene Yefuta elo no kwisa kuya na ye. ⁴ Panuma ya nshiku shimo, abantu bakwa Amoni baishile kupanga inkondo na bena Israeli. ⁵ Ilyo abantu bakwa Amoni baishile kupanga inkondo na bena Israeli, abakulu bakwa Gileadi baile ku kubwesha Yefuta ukufuma ku calo ca Tobi. ⁶ Baishile kulanda kuli Yefuta ati, ''Isa kabili ube intungulushi yesu pakuti twingaya kulwa na bena Amoni. ⁷ Yefuta aishile kulanda ku ntungulushi sha mu Gileadi ati, ''Mwebo mwalishile kumpata kabili mwaisa ku mpatikisha ukufuma mu ng'anda yakwa tata. Nindo mwebo mwaishila kuli nebo nomba ulo mwaba mu bwafya?'' ⁸ Abakalamba bamu Gileadi baishile kulanda kuli Yefuta ati, ''Ecalenga ukuti tupilibukile kuli webo nomba; twende nafwebo elo nokuya kula na bantu bakwa Amoni, elo ukese kuba intungulushi pali bonse abekala mu Gileadi.'' ⁹ Yefuta aishile kulanda ku bakalamba bamu Gileadi ati, ''Nga cakuti mwambwesha ku ng'anda na kabili ku kulwa na bantu bakwa Amoni, elo nga Yahweh atupa ukucimfya pali bo, nkaba intungulushi.'' ¹⁰ Abakalamba bamu Gileadi baishile kulanda kuli Yefuta ati, ''Lekeni Yahweh abe kambone pakati kesu nga twa kana ukucita ifyo twalanda!'' ¹¹ Eco Yefuta aishile kuya na bakalamba bamu Gileadi, na bantu baishile ku mucita intungulushi na mushika pali bo. Ulo ali pa cinso cakwa Yahweh mu Mizipa, Yefuta aishile kubwekeshapo yonse amalayo apangile. ¹² Elyo Yefuta atumine intumi ku mfumu ya bantu bakwa Amoni, ukulanda ati,''Bulwi nshi ubuli pakati kesu? Cindo mwaishila na maka ku kwisa kupoka icalo cesu?'' ¹³ Imfumu ya bantu bakwa Amoni yaishile kwasuka ku nimu shakwa Yefuta ati, ''Pantu ulo Israeli aishile kwisa ukufuma ku Egypto, bapokolwele icalo candi ukufuma pa Arnon ukuya kufika ku Yaboki, ukufika na ku Yodani. Nomba ubeshe isho impanga mumutende. ¹⁴ Na kabili Yefuta aishile kutuma intumi ku mfumu ya bantu bakwa Amoni, ¹⁵ elo nokwisa kulanda ati, ''Ifi efyo Yefuta alanda: Israeli tapokele icalo cakwa Moabu elo ne calo ca bantu bakwa Amoni, ¹⁶ lelo baishile kufuma ku Egypto, elo Israeli aishile kupitila mu matololo ukuya ku mumana a amtete kabili na ku Kadeshi. ¹⁷ Ilyo Israeli aishile kutuma intumi ku mfumu yaku Edomu, ukulanda ati, 'Twapapata lekeni tupitemo mu calo cenu; imfumu ya bena Edomu tayaumfwile. Baishile kutumako ne ntumi ku mfumu ya bena Moabu, lelo yalikene. Eco Israeli aishile kwi kala pa Kadeshi. ¹⁸ Elyo baishile kupitila mu matololo elo no kwisa kupilibukika ukufuma ku mpannga ya Edomu elo ne mpanga ya Moabu, kabili baishile kuya ku kapinda ka kukuso aka mumpanga ya Moabu elo baishile kwikala ku lubali lumbi ulwa bena Anoni. Lelo wali emupaka wakwa Moabu. ¹⁹ Israeli aishile kutuma intumi kuli Sihoni imfumu ya bena Amori uwali kuteka mu Heshiboni; Israeli alandile kuli ye ati, 'Twapapata, lekeni tupiteko mu mpanga yenu pakuya ku ncende yesu.' ²⁰ Lelo Sihoni tacetekele Israeli ukupita mu mpanga yakwe. Eico Sihoni aishile ku kulonganika abashilika bakwe bonse na ukubatwala ku Yahazi, elo kulya aile kulwa na bena Israeli. ²¹ Elyo Yahwh, Lesa wakwa Israeli, aishile kupela Sihoni elo na bantu bakwe bonse mu maboko yakwa Israeli baishile ku bacimfya. Eco Israeli aishile kupoka impanga yonse iya bena Amori abaleikala muli cilya calo. ²² Baishile kupyana fyonse ifyali muli ilya ncende ya bena Amori, ukufuma ku bena Anoni ukuya ku bena Yaboki, kabili no kufuma mu matololo ukuya ku Yodani. ²³ Eco elyo Yahweh, Lesa wakwa Israeli, aishile kutamfisha abena Amori ku ntanshi ya bantu bakwe abena Israeli, elo nomba mwingesa kupokolola impanga yabo? ²⁴ Tamwekese kupyana impanga iya Kemoshi, ka lesa kenu, ku mpeala? Eco yonse impanga Yahweh Lesa wesu atupile, tukesa kupyana. ²⁵ Nomba muli abayana ukucila Baraki umwna mwaume wakwa Sipo, imfumu yakwa Moabu? Bushe alishilekweshapo ukumana na bena Israeli? Bushe alibala atalapo ubulwi nabo? ²⁶ Ulo Israeli aikele pa myaka imyanda itatu mu Heshiboni elo ne mishi ya ciko, elo namu Aroe ne mishi ya ciko, kabili na mi musumba yonse iyaba mu lulamba lwa mu mana wa Anoni-cindo tamwa babweshe pali ilya inshita? ²⁷ Ntamilufyanyapo, lelo mwebo mukondufyanya paku mpakasa. Yahweh, kapingula, ewalasapo lelo pa bantu bakwa Israeli elo na bantu bakwa Amoni.'' ²⁸ Lelo imfumu ya bena Amoni yalikene ukusoka kwaitumine Yefuta. ²⁹ Elyo umupashi wakwa Yahweh waishile kwisa pali Yefuta, elo aishile kupita mu Gileadi elo na Manase, elo aishile kupita ku Mizipa yaku Gileadi, elo ukufma ku Mizipa ya ku Gileadi aishile kupita mu bantu bakwa Amoni. ³⁰ Yefuta aishile kupanga icilayo kuli Yahweh no kwisa kulanda ati,''Nga mwampela ukucimfya pa bantu bakwa Amoni, ³¹ elyo fyonse ifikesa kufuma pa cibi ca ng'anda yandi mu kwisa kunkumanya ulo nkesa ku bwela mu mutende ukufma ku bantu bakwa Amoni fikesa kuba fyakwa Yahweh, elo nkesa ku cita nga ubupe bwa koca.'' ³² Eco Yefuta aishile kupita ukuya ku bantu bakwa Amoni ku kulwa nabo, elo Yahweh amupele kucimfya. ³³ Aishile kubasansa kabili no kwisa kwi paya icine cine ukufuma ku Aroe ukushinta ky Miniti-umisumba amakumi ya bili-elo naku Abele Keramimu. Eco abantu bakwa Israeli baishile kupelwa bukatungululapa bena Amoni. ³⁴ Yefuta aishile kwisa ku ng'anda yakwe ku Mizipa, elo kulya umwana wakwe umwanakashi aishile kufuma ku kukumanya ne nsombo elo na macindo. Ali mwana wwakwe umofye mpo, ukucila pali ye ta kwetepo umwana mwaume nangu umwana mwanakashi. ³⁵ Ilyo fye aishile ku mubona, aishile kulepula ifya kufwala fyake no kulanda ati, ''Alale! we mwana wanakashi wandi! Wamfungaula no bulanda, kabili waba wakundetela ubulanda! Pantu naliswile akanwa kandi kuli Yahweh, kabili tekuti mfutukile icilayo candi.'' ³⁶ Aishile kulanda kuli ye ati, ''Batata, walipanga icilayo kuli Yahweh, citeni kuli nebo fyonse ifyo walaile,pantu Yahweh aishile kumipokolola ku balwani benu, abena Amoni.'' ³⁷ Aishile kulanda kuli wishi ati, ''Lekeni ici cipangano cisungwe pali nebo. Nsheni neka pa myeshi ibili, pakuti mfumu nokuya ku mpili elo nokulilishika pa cisungu candi, nebo na banandi.'' ³⁸ Aishile kulanda ati, ''Kabuye.'' Aishile kumulekelako pa myenshi ibili. Ali mushile, ena na banankwe, elo balilishike icisungu cakwe mu mpili. ³⁹ Pakupwa kwa myenshi ibili aishile ku bwelela kuli wishi, uwacitile kuli ye ukulingana ne cilayo ca cipangano apangile. Nomba taishibile umwaume, elo caishile kuba lutambi mu Israeli ⁴⁰ ukuti abana banakashi banu Israeli cila mwaka, pa nshiku shine, bakala kushimika ilyashi lya mwana mwanakashi wakwa Yefuta umwina Gileadi.