¹ Pantu imwe mwebene mulishibile, bamuninefwe, ukuti ukwisa kwesu kuli mwe takwali ukwabuwelewele. ² Mulishibile ukuti twalicucutika kunuma kabili twasugilwe munsoni ku Philipi. Twali pamine muli Lesa wesu pakulanda kuli mwe imbila nsuma yakwa Lesa mukutulukusha. ³ Lelo Ukukoselesha kwesu takwali kwakufuma ku cilubo, nangu ukwakukowela, nangu mukubepa. ⁴ Lelo, ngefyo twasuminishiwa na Lesa no kupelwa imbila nsuma, kanshi tulasosa, temukusekesha abantu, lelo Lesa. eumo uwesha imitima shesu ⁵ Pantu tatwaishile namashiwi ayakubepa, ngefyo mwaishiba, nangu akabepesho kabupondo- Lesa ekambone wesu. ⁶ Tatwatalile kufwaya ubukata ukufuma kubantu, nangula kuli mwe nangula kuli bambi. Ngatwalipoka ifyakutemuna nga batumwa bakwa Kristu. ⁷ Lelo twali abakutemba muli mwe nga nyinefwe uukotalalika umwana wakwe. ⁸ Muli uyu musango twalimifulwike mwebo. Twalyumfwile bwino ukwabana namwe tembila-nsuma yakwa lesa yaka capwa lelo ne myeo yesu. Pantu mwaishile kuba abatemwikwa kuli fwe. ⁹ Elo ngamwaibukisha, bawesu, ukucucutika no kubomba kwesu. Ubushiku no nakasuba twalebomba pakuti tatuli cisendo ku uli onse pali mwe ilyo ilyo tukoshimikila imbila-nsuma yakwa Lesa. ¹⁰ Muli bakambone, na Lesa nao, ifyo bumushilo, ubulungami, na bumumbula kalema fyali imbela yesu kuli mwe abasumina. ¹¹ Munshila imo ine, mulishibile ifyo fwe twali namwe cila umo, nga wishi nabana bakwe, ¹² ukumikoselesha mwe no kumitalalika mwebo no kumipingula ukwendela mu misango uulingile uwakwa Lesa, uyo uwamita imwe mu bufumu bwakwe no bukata. ¹³ Pamulandu waici naifwe twatotela Lesa mukutwalilila, ukuti ilyo mwapokelele icebo cakwa Lesa ico mwalikumfwa kuli fwe, tamwacipokelele ngecebo ca muntu, lelo ngefyo mucine caba, icebo cakwa Lesa, ico icicili cilebomba muli mwe abasumina. ¹⁴ Pantu imwe, ba wesu, mwaishile ba abakonkelesha inkuta shakwa Lesa ishaba mu Yudea muli Kristu Yesu. Pantu namwe mwaculile fimofine ukufuma kubekala calo, ngefyo bacitile ku ba Yuda ¹⁵ abo abaipeye bonse Shikulu Yesu na bakasesema, kabili aba tutamfishe. Tabasekesha Lesa. Lelo, bankalwe ku bantu bonse. ¹⁶ Balatukanya ukusosa ku bena fyalo pakuti benga pusuka. Icitumbukamo cakuti bena cilanshita balikwisusha imembu shabo aposhipelela. Lelo ubukali bukabatangilila mu kushalikisha. ¹⁷ Lelo fwe, ba wesu, twalipatwilweko kuli mwe pakashita kanono, pa lwesu temu mutima. Ifwe nakucilisha twalikwete ukukabila ukukalamba, mukumona ifinso fyenu. ¹⁸ Pantu twali kufwaya ukwisa kuli mwe-mucine ne, Paulo, umuku umo nakabili-lelo Satana alituleseshe. ¹⁹ Ngokusubila kwesu nikwi, nangu ukusekelela nangu icilongwe ca cilumba ku ntashi yakwa Shikulu wesu Yesu pakwisa kwakwe? bushe temwe? ²⁰ Pantu nimwe bukata bwesu ne nsasa.