¹ Umulwani aishile kwimina abena Israelib elo nokutunka David ukupenda Israeli. ² David aishile kulanda kuli Yoabu elo naku bakalamba ba bashilika ati, ''Kabuyeni, pendeni abantu bakwa Israeli ukufuma ku Beersheba ukufika ku Dani nokuleta akasebo kuli nebo, pakuti jisekwishiba impendwa yabo.'' ³ Yoabu aishile kulanda ati, ''Yaweh nacite ibumba lya bashilika umwanda umo ukukula ukucila ifyo lli. Lelo mweshikulu imfumu yandi, bushe bonse tababombelefye imfumu yandi? Nindo iyo imfumu yandi ikofwaya icamusango uyo? Nindo yalaleta ukusekwa pali Israeli?'' ⁴ Lelo amashiwi ya mfumu yalipampamikilwe pali Yoabu. Eico Yoabu aishile kuya nokuya kupita na Israeli yonse. Eluntu aishile kunwelela ku Yerusalemu. ⁵ Eluntu Yoabu aishile kuleta akasebo ka mpendwa yonse iya baume babulwi kuli David. Namu Israeli mwali impendwa ya baume 1,100,000 abali kwimya ulupanga. Yuda yeka yali kwete abashilika 470,000. ⁶ Lelo Levi na Benjamini tabapendelw pali bo, pantu icipope ca mfumu tacasekeshe Yoabu. ⁷ Lesa alikalifishiwe mukucita kwa musango uyu, eico aishile ku kanda Israeli. ⁸ David aishile kulanda kuli Lesa ati, ''Ndibembwike icine cine pakucita ifi. Nomba fumyenipo ukusekwa kwa mubomfi wenu, pantu ndicitile icabuwele wele.'' ⁹ Yaweh aishile kweba Gadi, kasesema wakwa David ati, ¹⁰ ''Kabiye kalande kuli David ati, Ífi efya landa Yaweh: Nalakupela ubusalo butatu. Usalepofye bumo. ¹¹ Eico Gdi aishile kuya kuli David nokulanda kuli ye ati, ''Yaweh alilandile ici, 'Salapo cimo pali ifi. ¹² Pa myaka itatu iya cipowe, imyeshi itatu ukukucusha ku balwani bobe nokwikatwa kulupanga lwabo, nangula inshiku shitatu isha lupanga lwakwa Yaweh, ici eco, ecikuko mu calo. Namalaika yakwa Yaweh akonaula icalo conse icakwa Israeli.' Nomba eluntu, usale bwasuko nshi nebo nkotwala kuli uyo uuntumine.'' ¹³ Eluntu David aishile kulanda kuli Gadi ati, ''Nebo ndimu macushi yene yene! Leka nebo ngwile mukuboko kwakwa Yaweh ukucila mukuboko kwa muntunse, pantu ificitwa fya luse lwakwe fine fine.'' ¹⁴ Eico Yaweh aishile kutuma icikuko pali Israeli, elo abantu amakana cine lubali balifwile. ¹⁵ Lesa aishile kutuma malaika ku Yerusalemu mu kuyonaula. Ilyo abafye mukuyonaula, Yaweh alikulolesha alo aisa kucinja amano pa bonaushi. Aishile kulanda kuli malaika uwali pakonaula ati, ''Epela! Nomba bwesha ukuboko kobe.'' Pali ilya nshita malaika wakwa Yaweh alitaleme pa lubansa lwa kutwilapo ulwakwa Arnani umwina Yebushi. ¹⁶ David aishile kulolesha ku mulu elo aishile kubona malaika wakwa Yaweh natalama pakati ka calo elo no mulu, alikwete ulupanga ulwa imishiwa mu minwe yakwe lwimishiwe pali Yerusalemu. Eluntu David elo na bakulu baishile kufwala insalu sha bulanda, bawile ifinso panshi ubunkupeme. ¹⁷ David aishile kulanda kuli Yaweh ati, '' Bushe tenebo nakonkomeshe ukuti abashilika ba pendwe? Nenbo nacitile icintu ica bipa. Lelo ishi mpanga, cindo shicitile? Yaweh Lesa wandi! Leka ukuboko kobe ku wile pali nebo elo na bangánda yandi. Nomba wileka icikuko cikalilile pa bantu bobe.'' ¹⁸ Eico malaika wakwa Yaweh aishile kukonkomesha Gadi ukulanda kuli David ati, ''David alingile ukunina nokuya kula ubulambo bwakwa Yaweh palubansa lwa kutwilapo ulwa Ornani umwian Yebusi. ¹⁹ Eico David aishile kunina ngefyo Gadi amulangile ukucita mwishina lyakwa Yaweh. ²⁰ Elyofye Ornani alikupetula ingáno, aishile kupilibuka elo aisa kubona malaika. Ena pamo na bana baume bakwe bane abali pamo naye baishile kufisama. ²¹ Uluntu David aishile kwisa kuli Ornani, Ornani aishile kulolesha nokubona David. Aishile kusha ulubansa lwaku twilapo nokuya fukama kuli David ne cinso cakwe panshi. ²² Eluntu David aishile kulanda kuli Ornani ati, ''Nshitisha ulu ulubansa lwa kutwilapo, pakuti nebo nkuule ubulambo bwakwa Yaweh. Nkopela umutengo wakwanina, pakuti icikuko cingafumishiwapo pa bantu.'' ²³ Ornani aishile kulanda kuli David ati, ''Lusende nga lobefyo, shikulu wandi we mfumu. Lucitefye icili conse iciyene mu menso yobe. Bona, Nkokupela ingómbe shelambo lya koca, ne milando ya kutwilapo eyo ibe inkuni, elo ne ngáno ngo mutulo wa cabunga: Nebo nalapela fyonse kuli webo.'' ²⁴ Imfumu David yaishile kulanda kuli Ornani ati, ''Awe, Nkofwayafye ukushita pa mutengofye uwakwanina. Ntasendepo icili conse elo nokupela nge celambo kuli Yaweh nga taca mpingwilepo nangu fimo.'' ²⁵ Eico David aishile kulipila amashekele ya golide imyanda mutanda pali iyo ncende. ²⁶ David alikulile ubulambo bwakwa Yaweh palya pene okupela pali cena ifyelambo fya koca elo namalambo yakwa mpana. Aishile kukuta pali Yaweh, uwaishile ku mwasuka no mulilo ukufuma ku mulu pa bulambo bwa celambo cakoca. ²⁷ Eluntu Yaweh aishile kupela ifya kukonka kuli malaika, elo malaika aishile kubwekesha ulupanga mu citubo caluko. ²⁸ Uluntu David aisakubo ukuti Yaweh ali mwasukile pa lubansa lwa kutwilapo ulwakwa Ornani umwina Yebusi, aishile kucita icelambo panshita imo ine nakabili. ²⁹ Nomba pali ilya nshita, itempele lyakwa Yaweh, lintu Mose apangile mu matololo, elo no bulambo bwa celambo cakoca, fyali pa ncende ya cindamikwe ku Gibeoni. ³⁰ Nangu cali ifi, David talikuya ku kwipusha ifya kukonka fyakwa Lesa, pantu alikutina ulupanga lwakwa malaika wakwa Yaweh.