¹ jika kawu talah dibangkitakan bersama kristus, carilah hal-hal nang di atas, wadah Kristus barada, duduk di sabalah kanan Allah. ² pikirakanlah hal-hal nang d i atas, bukan hal-hal nang di bumi. ³ sabab, kawu talah mati lawan hidup kawu tasulib barsama Kristus dalam Allah. ⁴ katika Kristus, nang adalah hidup kawu, mangatakan diri-Nya. kawu jua akan di nyatakan dalam kamudian bersama-sama dangan Dia. ⁵ Karana itu, matiakan kalakuan apa pun nang barasal dari kalakuan duniawi kawu, yaitu lanji, kacamaran, hawa nafsu, kainginan nang jahat, lawan kasarakahan, nang adalah panyambahan kawadah barhala. ⁶ hal-hal nyiatih nang manyababakan sarik Allah sadang datang. ⁷ Dahulu kawu jua malakuakan katika kawu sana hidup di dalamnya. ⁸ Namun, sakarang buangisam sagalaan nyitu: kasarikan, kamurkaan, kabancian, fitnah, lawan parkataan kada maih dari bibir kawu. ⁹ Jangan saling mandustai karana kawu talah maindalkan manusia lawas kawu dangan kalakuan-kalakuannya. 0 Kanakanlah manusia hanyar, nang tarus-manarus dihanyari dalam pangalaman sasuai dangan gambar dari nangmaulahnya. ¹¹ dalam hal nyiatih, kada ada lagi orang Yunani ''atau orang Yahudi, orang nang kada di pancit, orang Barbar ''atau orang Skit, hulun atau mardika, tapi Kristus adalah sagalanya lawan didalam samuannya. Hidup nang Hanyar dangan Sasama ¹² Jadi, sabagai orang-orang pilihan Allah, nang kudus lawan nang disayangi, kanakanlah kawadah kawu balas kasih, karamahan, karandahan hati, kalambutan, lawan kasabaran. ¹³ basabarlah saikung tarhadap nang lain, lawan saling maampunilah jaka tarnyata ada saorang nang basalah tarhadap nang lain. Turai saparti Tuhan talah maampuni kawu, maka kawu jua harus saling maampuni. ¹⁴ Di atas sagalaan nyitu, kanakanlah kasih, nang manjadi panjarat nang sampurna. ¹⁵ Gamahha damai sajahtra Kristus mambulikakan hati kawu karana ambahannya hagan nyitutih kawu dihiyapi manjadi satu tubuh, lawan basukur. ¹⁶ Gamahha pandiran Kristus bautu di dalam kawu dangan hibak, dangan sagala akal kawu malajari lawan maucapi saorang tarhadap nang lain, banyanyilah mazmur, lagu-lagu pujian, lawan nyanyian rohani, sahabisnya dangan hibak pandiran syukur di dalam hatu kawu kapada Allah. ¹⁷ Apa pun nang kawu gawi, dalam ucapan ataupun kalakuan, gawiakan sagalaan nyitu dalam ngaran Tuhan Yesus, hantayanya baucap syukur kapada Allah Bapa, mahayuti Dia. Hidup nang Hanyar dalam Tilung Tangga. ¹⁸ Bini-bini, maasi-asilah kapada lakian kawu sabagaimana sabujurnya dalam Tuhan. ¹⁹ Lakian-lakian, sayangilah binian kawu lawan jangan bakalakuan kada maih tarhadap buhannya. ²⁰ Anak-anak, umpatilah orang tuha kawu dalam sagala hal karana nyia mahimungakan Tuhan. ²¹ Pa'an-pa'an, jangan mamicu kasarikan anak-anak kawu supaya mareka kada manjadi pugut samangat. ²² Hulun-hulun, sidi-sidilah tuan-tuan kawu nang ada di dunia nyia dalam sagala hal. Gawiakanlah nyitu bukan hanya saat mareka manjanak kawu lawan hagan mahimungakan mareka malainkan dangan tulus hati karana kada wani akan Tuhan. ²³ Apa saja nang kawu gawiakan, gawiakanlah dangan saganap hati saparti hagan Tuhan lawan bukan hagan manusia, ²⁴ sabab kawu tahu dahwa dari Tuhan kawu akan manarima warisan sabagai upah kawu. Kristus Tuhanlah nang sadang kawu layani. ²⁵ Sabab, orang nang barbuat kudu akan manarima balasan atas kasalahan nang digawinya lawan kada ada nang dikacualikan.