¹ Wayahnya dangsanak-dangsanak, manganai waktu lawan zamannya, kada parlu dituliskan kepada kawu, ² Sabab kawu saorang bujur-bujur tahu bahwa hari Tuhan akan datang kakaya panyuntan pada kadap ari. ³ Kakaya orang-orang baucap, "Damai lawan aman," Kabinasaan akan datang atas buhannya secara tagasak-gasak, kakaya rasa sakit bibinian nang akan melacitakan, lawan buhannya kada akan dapat meluputkan awak. ⁴ Namun dangsanak-dangsanak kawu kada hidup dalam kekadapan sehingga hari itu akan mendatangi kawu kakaya bakana pancuntan. ⁵ Kau segalaan adalah anak-anak gahai lawan anak-anak dawai kita kada barasal dari kadap atau kekadapan. ⁶ Sabab itu, janganlah kita goring kakaya orang-orang lain tatapi marilah kita tatap tajaga lawan hati-hati. ⁷ Orang nang goring, goring pada kadap hari lawan orang nang tilir jua tilir pada kadap ari. ⁸ Namun karana kita adalah anak-anak dawai, ayulah kita sadar manggunakan baju zirah iman lawan kasih, lawan manculup katopang pangharapan akan kasalamatan. ⁹ Allah kada manatapan kita hagan mangalami murka kakaya hagan mandapatan kesalamatan melalui Tuhan Kita, Yesus Kristus, ¹⁰ Nang sudah mati bagi kita, entah tertjaga ataupun tagoring, dapat bautu bakumpulan. ¹¹ Karna itu kuatakanlah satu dengan nang lainnya lawan saling membangunlah, kakaya nang sadang kawu lakukan wayahnyia. Nasihat Tadudi lawan Salam ¹² Dangsanak-dangsanak, kami maminta hagan meghargai buhannya nang bagawi barat di parak kawu lawan nang memimpin kawu dalam Tuhan, lawan nang mahiba kawu. ¹³ Hargailah buhannya sungguh-sungguh dalam sayang karana gawian buhannya. Hiduplah dalam damai seorang dangan nang lain. ¹⁴ Kami manunjul kawu, dangsanak-dangsanak, padahilah buhannya nang hidup pangulir-pangulir,kuatkanlah buhannya nang berhalus hati, bantuilah buhannya nang liyut, lawan basabarlah dangan sagalaan orang. ¹⁵ Parhatikanlah supaya jangan ada orang nang mambalas kajahatan dangan kajahatan, malainkan selalu bausahalah malakukan nang maih di antara kawu lawan hagan sagalaan orang. ¹⁶ Basukacitalah salalu! ¹⁷ Taruslah berdoa! ¹⁸ Mangucap Syukurlah dalam sagala hal. Sabab, itulah kahandak Allah bagi kawu di dalam Kristus Yesus. ¹⁹ Jangan mamajahi Roh!* ²⁰ Jangan melihat rendah nubuat-nubuat! * ²¹ Namun, ujilah sagala sesuatu! Imbinglah apa nang maih! ²² Bajauhlah dari sagalaan bantuk kajahatan! ²³ Samoga, Allah damai sejahtera seorangan menguduskan kawu segalanya. Kiranya roh, jiwa, lawan awak kawu tarawat sagalanya, tanpa rusak pada kadatangan Tuhan kita, Kristus Yesus. ²⁴ Ia nang mehiyau kawu adalah satia, Ia pasti akan malakukanny. ²⁵ Dangsanak-dangsanak, bado'alah jua hagan kami! ²⁶ Bari'ilah salam kapada sagalaan dangsanak dangan cium kudus. ²⁷ Aku meinta kawu dangan sangat dami ngaran Tuhan, hagan mambacaakan surat ini kaluah sagalaan dangsanak disitu. ²⁸ Anugrah Tuhan kita, Kristus Yesus, menyertai kawu.