¹ Satiap oranh nang parcaya bahwa Yesus adalah Kristus lacit dari Allah; lawan satiap orang nang menyayangi Abah, jua menyayangi anak nang lacit dari Abah. ² Dangan nyia, kita tahu bahwa kita menyayangi anak-anak Allah, nyitu katika kita menyayangi Allah lawan manaati pasuruh-pasuruhan-Nya. ³ karana nyiatih kasih Allah, bahwa kita menaati pasuruhan-pasuruhan-Nya; lawan pasuruhan-pasuruhan-Nya kada barat. ⁴ Sabab, apa pun nang lacit dari Allah mangalahakan dunia; lawan nyiatih kamanangan nang talah mangalahakan dunia: iman kita. ⁵ Siapakah nang mangalahakan dunia jaka bukan dia nang parcaya bahwa Yesus adalah Anak Allah? Hidup Kekal Ada di Dalam Yesus ⁶ Dia nyiatih nang datang dangan aying lawan darah: Yesus Kristus; bukan hanya dangan aying, malainakan dangan aying lawan darah. Rohlah nang bersaksi karana Roh nyitulah kabujuran. ⁷ Sabab, ada tiga nang bersaksi di surga: ⁸ Roh, aying, lawan darah; lawan katiganya nyiatih adalah satu. ⁹ Jaka kita manarima kasaksian manusia, kasaksian Allah labih gancang. Sabab, kasaksian nang allah bari'i adalah kasaksian tantang anak-Nya. ¹⁰ Orang nang parcaya kapada Anak Allah talah maulah-Nya manjadi seorang panipu karana orang nyiatih kada parcaya pada kasaksian nang Allah bari'i tantang Anak-Nya ¹¹ Lawan, nyialah kasaksian nyitu : Allah talah mambariakan kapada kita hidup kekal, lawan hidup nyitu ada dalam Anak-Nya. ¹² Satiap orang nang mamiliki Sang Anak mamiliki hidup; satiap orang nang kada mamiliki Anak Allah kada mamiliki hidup. Orang nang Lacit dari Allah Kada Maulah Dosa ¹³ Aku talah manulisakan hal-hal nyia kapada kawu nang parcaya dalam ngaran anak Allah supaya kawu tahu bahwa kawu baisi hidup nang kekal. ¹⁴ Lawan, Nyialah keyakinan nang kita miliki di hadapan Dia, Nyiatuh jaka kita mai'nta apa pun nang sasuai dangan kahandak-Nya, Ia mandangar kita. ¹⁵ Lawan,jaka kita tahu ia mandangar kita, apa pun nang kita minta, kita tahu bahwa kita talah baisi parmohonan nang talah kita minta dari -Nya. ¹⁶ jaka ada orang nang manjanak dangsanaknya bakalakuan dosa nang kada maarahakan ka kematian, baiklah orang nyitu maminta, lawan Allah akan mambariakan hidup kapada orang nang barbuat dosa nang kada mangarahkan ka kamatian nyitu.Namun, ada sabuting dosa nang mangarahkan ka kamatian; aku kada maucapakan bahwa ia harus batakun hagan dosa nyitu. ¹⁷ sagalanya kada bujuran adalah dosa, tatapi ada dosa nang kada maarahkan kamatian. ¹⁸ Kita tahu bahwa satiap orang nang kaluar dari Allah kada baulah dosa,tatapi dia nang kaluar dari Allah manjagaakannya lawan si jahat kada manjapaknya. ¹⁹ kita tahu bahwa kita ba asal dari Allah, lawan saluruh dunia baada dalam kuasa si jahat. ²⁰ Lawan, kita tahu bahwa Anak Allah talah datang lawan mambariakan pangartian kawadah kita supaya kita dapat manganal Dia nang bujur; lawan kita ada didalam Dia nang bujur,dalam Anak- Nya, Yesus Kristus. Dialah Allah nang bujur lawan hidup nang kakal. ²¹ Anak- anakku, jauhakanlah diri kawu dari barhala- barhala.