¹ Pawumalilo, yanji, sechelini muli Mwene. Pano nene pakuwalika ivinthu vili vimwi vii kuli mwemwe pasi ichichuzye na nene, nukuwayika mwemwe apazima. ² Chenjelini nayasimbwa. Chenjelini nayawomvi ayayipe. Chenjelini nukunyonkholwa. ³ Pano asweswe swenga tukuzembululwa-sweyano tukamupepa Leza mumupasi wakwe Leza, nukuyiwanzya muli Kilisitu Yesu, nupya tutayika isuwilo ukumwili. ⁴ Napano chiye vivyo, nene nenga natayile ukumwili. Ndi wumwi akwelenganya ukuti wayika amano kumwili, nemo ningaya nawo ukulusya. ⁵ Nemo nazembulswilwer pa wanda wakwe chisano nayatatu, (8) kuyanthunya mu Izilayeli, ayaluko lwakwe Benjamini, umu Hebeli waya Hebeli; ukuyana ni sunde, umu Falisayi. ⁶ Apamulandu wakuchintchila, nakomile ing'anda yamapepo; ukuyana nuwulungamanu pansi pisunde , nthali nu mulandu nanthi wumwi. ⁷ Kweni vyonsi natinji ivyakunzipila nene, navyelenginye ukuti vitanzipile pamulandu wakwe Kilisitu. ⁸ Umolimo, momba nkhusenda ivinthu vyonsi ukuya ivyakunjipila pamulandu wa mano ayakumumanya Kilisitu Yesu Mwene wane. kuli weliwe navisya vyonsi-- nukuti nkhuvilola vyonsi ukuti ivyasilesile--nukuti nzane kilisitu ⁹ nukuzanwa muli weliwe, nthakweti uwulungamane wakwe nenga ukufuma kwisunde, kweni ukupitila mwisuwilo muli Kilisitu--uwulungamane ukufuma kuli Leza wino wimilila mwisuwilo. ¹⁰ Lelo nomba nkhulonda ukumumanya na maka yakuzyuchila kwakwe nukukomenkhana mukuchula kwakwe, ukwizaya ngati uweliwe mumfwa yakwe, ¹¹ lelo munzila yimwi limwi nani ningalola ukuzyuka ukufuma kuwufwe. ¹² Nsichakuti na nanthi inzana kali ivinthu vii, pamwi nanthi inja ne mutele, kweni nkhakatile pakulema ichinthu chino wandemike Kilisitu Yesu. ¹³ Yakundwe, nthakwelenganya ukuti nene nenga nthani nchileme. Kweni ichinthu chonga chino nkhawomba: Ukwilila ivyakuchisila nukulola kuvya kunkholelo. ¹⁴ Nkhalemasya sana mphaka zane ichilambu namelengwi kuchawila chalwamo lwapapela lwakwe Leza muli Kilisitu Yesu. ¹⁵ Swemo swensi sweyano sweyakalamba, tuyini twelenganye munzila yii; nupya ndi mukwelenganya umwakupusana na chonsi, Leza nawe aliwumbula kuli mwemwe. ¹⁶ Nanthi wuli, vyonsi vino twavizana, tuyini tuvileme ningo. ¹⁷ Muye mweyakunkhontchelela, yakundwe. walolechesye papipi yano yakupitila muchilanjizyo chino muli nacho muli sweswe. ¹⁸ Ayavule yakupita-- nawanena akavule, nupya nomba nkhuwanena namansozi--ngati ayalwani yawuchingane wakwe Kilisitu. ¹⁹ Umalilo wawo ukononeka.Pakuti leza wawo inda zyawo,nuwuchindame wawo uli munsonyi.Yakayelenganya pavinthu vyansi. ²⁰ Kwene uwikazi witu wuli mwiyulu, ukufuma kuno naswe tukulindilila katula, mwene Yesu kilisitu. ²¹ Alasenula imwili yitu iyifoke kumyili iyelewulwe ngati umwiliwakwe uwuchindame, uwelewulwe muukulu namaka yakwe ukupota vyonsi muli weliwe.