¹ Paulo, Silivano, na Timoteyo kung'anda yakwe Leza, iyaku Tesalonika muli Leza Tata na muli Mwene Yesu Kilisitu. Uwila nu mutende viye namwe. ² Insintha yonsi tukasalifya kuli Leza pamulandu wakwe mwemwe mwensi ndi vino tukawatambula kayilikayili mumapepo yitu. ³ Tukwizuka pamanso yakwe Leza na Tata mumilimo yinu yisuwilo, ukulemasya kwa lukundo, nukujimba kwa kutonthelela kwinu kwitayilo muli Mwene witu Yesu Kilisitu. ⁴ Ynji yakundwe na Leza, mwamanya ukuti wasola mwemwe. ⁵ Pamulandu ilandwe litu lizila kuli mwemwe samwizwi litupu, nupya na mumaka, mumupasi uwutiswe, nukulemasya kukalamba. Munzila yiliyimwi, nupya mwamanya imisango yawunthu witu pano twali swensi pamulandu namwemwe. ⁶ Mwizile amuya mweyakutukonkha sweswe na Mwene, lino mwapochelela izwi mu kuchula ukukulu ni nsansa ukufuma kumupasi uwutiswe. ⁷ pali chii mwizile amuya mwe chilanjizyo ku wonsi Makeddoniya na mu Akaia yano yasuwila. ⁸ Pakuti ukufuma muli mwemwe izwi lyakwe Mwene lyuvwika ukunzi, nupya sau Makedoniya namu Akaia mutupu, kweni isuwilo linu lipisile ukunzi imphanga zyonsi. Achino tutamalonda ukuvwanga nanthi chimwi ukulingana na cholicho. ⁹ Pano woliwo wonga yatusimichila ukulingana na sweswe imiyele yakapochelele kitu kano twali nako pali mwemwe, nukuti muno mwasenuchila kuli Leza wa wumi nu wawumolimo, ¹⁰ nukuti mukulindilila umwanakwe ukufuma kwiyulu, wino wamuzusizye ukufuma kuyafwe--Yesu, wino watupususizye sweswe ukufuma kuwukali wuno wukwiza.