¹ Ndo farkuak airia farogayus yamiof do babie yabua so yasuari. ² Awe nadi insa ndiaria mko kmon ndo mundi-mundipa insa kraf auri ripok. ³ Ndar riari min aya sia srama skofafiai farari babie auria min aya sia srama skofafiai farari babie auria ndariariari for rine mko kenem ndo babiedia. ⁴ Yardu marisen webua kkau ndariari romkun aya sia simbran ndo babiedia. ⁵ Min ayariau bue fak mak kuker babie ndo saserf au nia ndaria ria simu snonggu wero wondin. ⁶ Skofafiai farari sasuar rowa babie au ria ndo worpon kawasa rowa jemaat mko fararur kuker wewie ndaria ri weman ndarosi ro mbararan kukr fararur wewar marisen faro Allah. ⁷ Snar sra kuker rosnon dia ndariari romoi pa ndo snonggu snonggu wekiar ba. ⁸ Ndari ria ria kon na koman nda ro snonggu-snonggu weraria ri wemnis rowa babiedia. ⁹ Afas surat dia kuar ndaro Jemaat,ape dio trefes dawowi rowa ikdi ndosi iyaf wiarnggon. ¹⁰ Ndari ria ria,yawe rama inari awe suareprn faroi ndo buai wemnisba airia rowa kenem wemnisba airia. we koriaye negondo wos wewieba rowa wos wemnisba werariariria wa iso imu iyaf miandaro snonggu-snonggu weria sia,mboye sibuawa ro jemaat dia. ¹¹ Min ayariau yasuaraubuefarari awer wewieba riawer ape bue fari wewieria. snonggu sei we fararur fa nawie imu ikenem ndo Allah,ape snonggu sei kenem aria riwieba rowa iwaruer,imu mian Allah wa. ¹² Kawasa webuor skofafiai farari Demetrius farari babie kofa fiai dia nggonso ngokofafiai dia nggonso nggo fafiai mbo nggofir farari ko fafiai ainggonia nero kaku. ¹⁵ (Wos Wefawar) ¹³ Nabuor rian yamarisen afas na faro au. ape yayaf afas na faro au kuker ro wefas pena rowa tinta. ¹⁴ Yakiar yawe yasrowi mbo nggo faya kukr fasau ndo ander kukr ander. Tabea wewie faro au rowa samsiom sanandik faro au. min ausia ndo rine nggafniak wos wewie roa tabea faro au. wewre fasna soro wos wewie ndaro snonggu sei faro riwa.