¹ Ne mia domɛtɔ ɖe ɖo nya kude nɔvia, é layi vɔnudrɔxo le amɛ makaɖedjitɔwo gbɔ, yi mayi xɔse tɔwo gbɔ o a? ² Mi mu nya bé xɔsetɔwo lava drɔvɔnu xixéa? Nɛ miawoé lava drɔvɔnu xixéa, mi mateun aɖo kojo vitukuiwo a? ³ Mi munya be mi ava drɔvɔnu mawudɔlawo a? Nɛ yi bé é le nɛnɛ a, mi madrɔvɔnu agbe keame xo nyawo wu nɛnɛ a? ⁴ Nɛ miawoé ladrɔnvɔnu xixéamɛ xo nyawo a, nuka ɳti mi cɔnɔ enya kéwo le mia domea yinɔ amɛ kewo mule ebo ɖékpékpé nu le hamɛa gbɔ maa? ⁵ Enya ke ɳlé gblɔa, ɳkpɛn nya é nyi ni mi. Amɛ ɖékpé mule mia dome atɛm ɖo kojo le nɔviwo domɛo a? ⁶ Vɔa énu ke lejɔa é nyi bé nɔvi xɔsetɔ lé cɔ nya dé nɔvi xɔsetɔ bu ɳti le amemaxɔsetɔ xo ɳkumɛ. ⁷ Agɔjeje é nyi nɛ mi bé enyadɔndɔn le mia dome. Nuka ɳti mi mu leji bé wo nɛ agɔ do mi o maa? Nuka ɳti mi mujina bé wo atafu mi o ma? ⁸ Vɔa miawo bohun yi je agɔ dé amɛ, yi tafu amɛ, yi amɛ kumawo nyi mia ɳtɔ mia nɔviwo. ⁹ Alo mi mu nya bé amɛ majɔmajɔwo mu jaɖu cinɔ le mawu xo fiaɖuxo a mɛ o a? Mi mugbe bé mia ɖékewo: enu makɔmakɔ wɔtɔwo, trɔnsubɔtɔwo, ahasiwɔtɔwo, ɳcu keewo cɔ waɖokoé trɔzun nyɔnu, ɳcu kewo dɔnɔ ɳcu gbɔ, ¹⁰ Fiafitɔwo, amɛ kewo enu cina ɳkumɛ na, ahanumunɔwo, amɛ gblélawo, kude amɛ tafutɔwo, wo makpɔ ecinɔnu le mawu xo fiaɖuxoa mɛ o. ¹¹ Nɛnɛ yi mia domɛtɔ déwo nɔ ɖi can. Vɔa miawo ya, wo klɔ mia ɳti, wo ɖe miawo ya ɖevo, mawu na mi trɔzun amɛjɔjɔwo le apetɔ Yesu Kristo xo ɳkɔ mɛ, kude to mia mawu xo gbɔngbɔ ji. ¹² Wo ɖemɔ na enuwo kpata vɔa mu enuwo kpata yé dɔn amɛ ji o. Wo ɖemɔ na enuwo kpata nam vɔa nyɛ mu daɖe mɔ bé matrɔ zun kluvi na nu ɖé o. ¹³ Nuɖuɖu le na xodo, yi xodo can le na nuɖuɖu,vɔa mawu le dava crɔn wo amɛve a. ɳtilan mule na dɔndɔn xo makɔmakɔ nyenye o. Vɔa ɳtilan nyi apétɔ tɔ, yi apétɔ can nyi ɳtilan . ¹⁴ Mawu ke fɔn Yesu co amɛkukuwo dome a, la fɔn miawo can to yixo ɳsɛn mɛ. ¹⁵ Mi mu nya bé miaxo ɳtilanwo nyi Kristo xo ɳtinu o a? Alo macɔ Kristo xo ɳtinu cɔ trɔzun ahasitɔ xo ɳtilanwo a? Gbeɖé ngbe va emɛ o! ¹⁶ Mi mu nya bé amɛ ke wɔ ɖeka kude ahasitɔa trɔzun ɳtilan ɖeka kude o a? Sigbe leké enuɳɔɳlɔwo gblɔɛa: "wo amɛveawo atrɔzun ɳtilan ɖeka:" ¹⁷ Vɔa amɛ ke wɔ ɖeka kude apetɔa trɔzun gbɔngbɔn deka kudée. ¹⁸ Mi si le dɔndɔn xo nu makɔmakɔwɔwɔ gbɔ! Enuvɔn ɖekpékpé ke amɛ wɔna a, mu le yixo ɳtilan mɛ o,vɔa amɛ ke lewɔ dɔndɔn xo numakɔmakɔ a, é lé wɔɛ ɖé yi ɳtɔ xo ɳtilan ɳti. ¹⁹ Mi mu nya bé miaxo ɳtilan yi nyi gbɔngbɔn kɔkoe ke mi xɔ co mawu gbɔ a xo gbedoxɔ o a? Mi mu nya bé mi mu le mia ɖeke si o a? ²⁰ Asixɔxɔ ganɖé yi wo cɔ plé mi. Enu kuma ɳtia, mi do mawu ɖé jii le miaxo ɳtilan kude miaxo gbɔngbɔn mɛ.