¹ ''Abakamu na ba tata, ivwa amzyu aghakwipokela nemwene gho nkhubabuzya.'' ² Bo abanthu abinji bivwa vyo u Paulo akanena nabo mu neno yachihebeli, po bakab mya. Akanena ukuti, ³ ''Une ne mu Yuda, inkhapapiwa mu Talasi ku Siliya, lori nkhamanyila muchikaya ichikuklu ichi pa vinama vya Gamaliyeli. ⁴ Nkhabuziwa kwakuyana nindaghilo izya batata bitu. Nkhuzukwiyula nkhani pa mbombo yachala kwakuyana namo mwebonsi mubelile ilelo. Nkhabavwima bo bakasenda mu nzila nuku bakoma, nkhabakola nukubighalila mu jere bonsi abanalume na banakazi. ⁵ Bo umuputi usongo na bonsi abasongo bangasimikizya. Nkhapokera abakalata ku bonsi bo bakamu bane mu Damasika, nkhabuka kulanye pakubasenda nukunyokera nabo ku jere mu Yerusalemu ukuti babafunde. ⁶ Vikabombiwa bo nkhubuka napalamila ku Damasika, pakaba pamusanya umwakuchenusya bwaka ukubala ukukulu kukabala umwakunzungulira une. ⁷ Nkhawa pansi nukwivwa izyu likunena nune, 'Saulo, Saulo, choni cho ukuvwima?' ⁸ Nkhamula nkhati, 'ka wewenu wemwene?' Akanena nene, ne Yesu uwa munazaleni, yo ukumuvwima.' ⁹ Bonsi bo bakaba nune bakalinga ukubala, loli batakivwa izyu lyache lya yo akunena nune. ¹⁰ Nkhanena nkhati, 'ningabomba zga choni, mwene?' Umwene akanena nune, nyamuka nukuya ku Damasika. Mulanye ukuzukubuziwa vyosi vyo uchala akubatikire ukuti ubombe. ¹¹ Nthakalinga chifukwa cha kubala kuba kwa maka, bakankhula inyobe bosi bo nkhaba nabo, nkhabuka mu Damasika. ¹² Kula nkhakomana nu munthu izina lyache Ananiya, umunthu umuchindikiwa ukuyana nindaghilo nukunena akiza paba Yuda bonsi yo akikala mulanye. ¹³ Akiza kukwane, akimilila papipi nune nukunena ukuti, 'mukamu wane Saulo, anda pakulinga sona.' Akabalilo akonye nkhamulinga umwene. ¹⁴ Po akanena, Uchala uwa batata akusebite uwe ukuti umanye ubwighane bwache, ulinge ubugholosu bwache, nukwivwa izyu lyache po likufuma pa mulomo wache. ¹⁵ Uwe ukuzukusimikizya izgache ku banthu bonsi pavyo wavilinga nu kwivwa. ¹⁶ Po ukulindililachi? itikizya, ukuti woziwe, nukusuka imbibi zgako akwitizya izina lyako' ¹⁷ Ukufuma apo nkhanyokela mu Yerusalemu, loli bo ndipakwiputa mutempheli. ¹⁸ Nkha mulinga akumbuzga une akuti, 'umwalubilo fumamo mu Yerusalemu lunonye, chifukwa batakuzukwivwisya ulusimikizgo lwako pa zga ku kwane. ¹⁹ Nkhanena ukuti, 'mwene, bonsi bazimenye ukuti nkhababika mu Jere nukubuma bonsi bo bakasubilanga mu mwako mu nyumba zya kwiputiramo zyonsi. ²⁰ Po idaba lya Stephan likitikanga yo we kamboni winu, nune bwaka nkhimilila palanyene sona nukwitikizya, sona nene nkhalingililanga ivyakuvwala vya bo bakamukoma.' ²¹ Loli akanena kukwane akati, 'Bukanga, chifukwa nkhulonda nkhutume kubutali ku bakunzi.''' ²² Abanthu bakamwivwila mpaka po anena amazwi agha. Po bakakolomoka bakati, ''Mufumyemo mu chisu uyo uwa bwakabwaka, pakuti atabaghilile ukuba wa bumi.'' ²³ Bo bakukolomoka, nukukung'untha ivyakuvwala vyabo, nukughulusya ulufumbi mu mphepo, ²⁴ usongo uwa bwite wa Baroma akalamula ukuti u Paulo bamwingizye mu nyumba. Akalamula ukuti abaghile ukulalusiwa amalalusyo nu kusyemphwa, umwakuti umwene imanye choni cho bamupomelanga bulanyene. ²⁵ Bo bamupinya ni nkhusa, u Paulo akamulalusya usongo wabwite yo akimilila pambali akati, ''Ka chibabaghile ukuti mumusyemphe umunthu yo mwenecho wa chikaya wa chi Roma kusita ukumulonga nu kumususya tasi?'' ²⁶ Bo usongo wa bwite yula ivwa ivi, akabuka kwa songo nkhani uwa bwite nukumubuzya ukuti, '' Ka chochoni cho mukulonda ukuti mubombe? Pakuti umunthu uyu wa chikaya cha chi Roma.'' ²⁷ Po usongo nkhani uwa bwite akiza nukuti kukwache, ''Mbuzya, ka we wa chikaya cha chi Roma?'' U Paulo akati, ''Inga.'' ²⁸ Po usongo nkhani uwa bwite akamula akati, ''Une ubu chikaya bwane nkhabughula na makopala aghinji nkhani.'' Loli u Paulo akati, '' Une nkhapapwa mu chikaya cha chi Roma.'' ²⁹ Po abanthu bo bakabuka ukuti bamulalusye bakamuleka mwene mwalubilolubilo. Nusongo wa bwite wepe akaba nu bogha, chifukwa chakuti akamupinyilila. ³⁰ Pisiku ilinyabo, usongo nkhani uwa bwite akalondanga ukuti amanye ubwanaloli bo aba Yuda bakamwagha nabo u Paulo. Po akamusatula sona nukwitizya abaputi abasongo na bonsi abalamulili ba nyumba ukuti bakomane. Po akiza nu Paulo nukumwimika pakasi papabo.