¹ Pakiza ukuti bo U Apolo akaba ku kolinti , Upauli akudumunsyana mu vigaba ivya kululu nukufika ku malo aghakulu agha ku Efeso ,akabagha abamanyili bamo kulanyene . ² UPaulo akanena kukwabo, '' ka mukapokela umuzimu umuswepu po mukasubalilanga? '' Bakanena ku kwache, '' Awe tutivwile nalumo ivya muzimu umuswepu .'' ³ Paulo akanene, '' ka lozyo buli lomukoziwa nalo?'' ''lwa Yohani uwa lyozyo. '' ⁴ U Paulo akati ,''U Yohani akozyanga nu lozyo ulwa kupinduka .Akababuzya abanthu ukuti babe bakusubalila mwa yo akwiza pala afumapo ,mwa Yesu .'' ⁵ Bo abanthu bivwa ivi bakoziwa mwizina lya Yesu kilisitu . ⁶ Pala; bo u Paulo atambasula inyobe pa pabo, umuzimu ubuswepu ghukiza pa pabo ,sona bakanda ukunene ineno izinyabo nu kukubwa. ⁷ Bonsi poka bakaba abanalume twelovu ⁸ U Pauli akinjila munyumba iya kwiputilamo nu kunena nubujimvu kwa myezi yitatu , akanenezanya nabo nukuyezya ukubadeba nizya bumwene bwa Chala ⁹ .Loli bamo mwa ba Yuda bakaba ba myoyo iyikavu nukuleka ukwivwilabakanda ukunena ububibi panzila pa bumba . Upaulo akabaleka nukusenda abamanyili ,akanenezanyanga nabo isiku ni siku mu nyumba yakumanyililamo iya Tayilanas. ¹⁰ Ichi chikabukilila kwa myaka yibili , nukuti bosi bobakikalanga mu Asia bakivwa amazyu gha Chala , bonsi aba Yuda na Giliki ¹¹ U Chala akabombagha iviswigho iviyeni mu nyobe zya Paulo, ¹² Ukwakuti ututambala ni myenda yo yikamupalamasya yikasendiwa nukubapa abalwale sona bakapola ni mizimu iyibibi yikafuma mu mwabo. ¹³ Pakaba aba Yuda aba kwendakwenda bakendanga muchigaba . Bkitizya mwizina ilya Yesu ukuti babe namaka pa mizimu iyibibi pala bakunena, ''Mwa Yesu yo uPaulo akumupalazya nkhukulamula ukuti ufume'' . ¹⁴ Umuputi usongo uwa ba Yuda, yo izina lyache akaba Sikeva ,akaba nabana seveni bo bakabombanga ivi. ¹⁵ Umuzimu ughubibi ghukamula '' U Yesu mumenye , u Paulo mumenye , umwe mwe ba wenu?''. ¹⁶ Umuzimu ughubibi mu mwanalume ghukamupangisya ukwendakwenda , ghukabapa amaka nu kubuma . Pala bakababeta ukufuma mu nyumba bali nkhule nu kuvulala . ¹⁷ Ichi chikamanyikwa ku bonsi aba Yuda na ba Giliki bo bakikhagha ku Efeso. Bakiza nu bogha izina ilya yesu likachindikiwa, ¹⁸ Sona abitiki abingi bakiza nu kulapa nu kubika ububibi bonsi bo bakananga . ¹⁹ Abinji bo bakapanganga ivya bulozi bakabunganika ama buku nuku ghocha pa maso gha wensi . bo bakubengela ubwinji bwa vinthu, vikaba vyakukwana amasalabazya gha siliva fifite sauzande ²⁰ .Pala amazyu gha Chala ghakasata inzila zya maka ku malo aghakulu nkhani. ²¹ Bo u Paulo amalizya bwaka imbombo mu Efeso, akinong'ona mu Muzimu ukufumapo ukwendela mu Makedonia nu Achayiya munzila yakuya ku Yelusalemu; akati, ''Nanthi ningafuma kula, mbaghile ukuya sona ku Roma.'' ²² U Paulo akatuma abakumwavwilizya babili ku Makedonia, u Timoti nu Erastus. Lilo umwene akikala tasi panandi ku Asia. ²³ Po pakabalilo kala patakaba ni nthamyo nayimonayimo iya kukwamfania ivya bulendo mu Efeso. ²⁴ Uwakusyana yumo yo akaba we Demetrius, yo akapanga ichifwani cha siliva cha Artemis, akiza na malonda aghakulu ku banthu abakubanzabanza. Po akababunganika poka abanthu aba mbombo yila nukuti, ²⁵ ''Umwe, mumenye ukuti mu malonda agha tukupangamo amakopala aminji nkhani. ²⁶ Mukulinga sona mukwivwa ukuti, te mo mu Efeso mwene, sona na mu chikaya chonsi icha Asia, u Paulo akababuzya sona akabang'anamula abanthu abinji. Akunena ukuti pate aba chala bo bakupangiwa ni nyobe. ²⁷ Te bulwani bwene bo bulipo pa malonda ghitu ukuti te ghize ghalondiwe, loli sona ni chalichi ichikulu icha chala umwanakazi yo we Artemis wepe lumo akwiza ukuba wa bwaka. Sona ubukulu bwache bwa mwanakazi bukwiza ukumala, yo umwene bonsi aba mu Asia, sona ni chisu chikumwiputa.'' ²⁸ Po bo bivwa ivi, bakizula nu bukalale sona nukulila nkhani, nukuti, ''Umukulu we Artemis uwa bina Efeso.'' ²⁹ Ichikaya chonsi chikizula nubuvulunganu, po abanthu bakaba ni nyinong'ono yoka, bala bakamukola u Gayasi nu Arisitachasi, abanyabo ba bulendo bwa Paulo nukubabika mu chimo, bo bakafuma ku Makedoniya. ³⁰ U Paulo akalondanga ukwinjila mwi bumba lya banthu, loli abamanyili bakamukanila. ³¹ Po, abasongosongo bamo aba mu chikaya cha Asiya bo bakaba bamanyani bache bakamutumila amazwi agha kumulenga ukuti manye injilemo mu chimo chila. ³² Abanthu bamo bakakalipanga ichinthu choka, bamo ichinyabo, po pala ibumba likavulungana. Abinji mu mwabo batakamanya nacho bakizila poka. ³³ Bamo mwi bumba lya banthu bakamubuzya u Alikizanda, yo a ba Yuda bakamutangizya panthazi. Po u Alikizanda akimika inyobe yache, ukuti atebezye abanthu ukuti ababuzye akapangwi. ³⁴ Loli bo bamanya ukuti we mu Yuda, po bonsi bakapoma nkhani pakabalilo akatali na mazyu ghoka, nukuti, '' Usongo we Artemis uwa bina Efeso.'' ³⁵ Bo umusimbi uwa chikaya akatebezya ibumba, akati, ''Umwe mwe banthu ba mu Efeso, ''Ka munthu buli yo akusita ukumanya ukuti ichikaya cha bina Efeso cho chalichi chakwiputilamo u Artemis usongo sona cho chifwani cho chikawa ukufumila kumwanya? ³⁶ Pakulinga ukuti ivinthu ivi nayumo yo angasusya, po mubaghile ukuti mwikale bwaka mya sona muleke ukubomba ivinthu mwakusamazania. ³⁷ Pakuti mwiza na banthu aba kuno ku bulongelo napo batibite nakamo mu chalichi pamo ukutuka u chala witu umwakanazi. ³⁸ Polelo, nanthi u Demeritus na bakubanzabanza bo bali nawe nukususania nayumo, inyumba zya kulogela zilipo na bakulonga baliko. Babaghile ukususania pabene. ³⁹ Loli nanthi kaliko akanji ko mukukalonda, kakwiza ukuneniwa mu masiku ghonsi gho tukomananga. ⁴⁰ Pakuti pa ichi tuli pa bulwani bwakutupa inongwa ukuti tukandisya ichivulupi. Chitalipo ichakuti tungipoka pa ichi, sona tungapotwa pa ku chinena.'' ⁴¹ Bo anena ichi, akighalila ulukomano.