¹ Mu ngonde ya muchitanu na vivali mumatangua amu makumi avali na limo akungonde, Lijui lya Kalunga lyedhile kulivoko lya Hangayi kapolofeto uakama ngualyo, ² "Kuanya kuli nguvulu ua Yunda, Zelumbambele muna Salateli ua lyala, na kuli visupo vya vantu. Nguove, ³ Yiya nathalako hakati keni? Yiya ua muene eyi njivo vumpahu vuayo? Vati mumu yimona mualolo? Keti ngue vyahi lika mumona mumesho eni? ⁴ Mualolo kali na ndhili, Zelumbambele!-nguendi Kalunga- kala na ndhili, Sasendote uakama Yehosua muna Yehozandate ua lyala; Kala na ndhili, na vantu voshe muchifuti!-nguendi Kalunga-navipanga, muomu ange njili nove!-nguendi shukulu Kalunga. ⁵ Eli likelyo lyuvuathano lyo tua lyuvuathanene haye homua tuhukile mu Yingito, na mpundhi yange yemanene mukati keni. Keti muvue lyova. ⁶ Keho shukulu Kalunga ua kuanyene nguendi: Ka ntcimbu kakandende. Ange njika jajetha lilu na livu, ndonga Kalunga na ntunda! ⁷ Ange njijajetha mushovo uoshe, na mushovo uoshe vaka nehya vyuma vyoshe vya chili vaka njinehelavyo yange, keho njika vuahelela munjivo oyo nguendi shukulu Kalunga. ⁸ Palata na Olu vikevyo vyange!-Shukulu Kalunga endi. ⁹ Vumpahu vua njivo eyi vukala vuakama kutuvakana ha kulivanga, nguendi Kalunga, Shukulu, njikaneha chivovo-echi Shukulu Kalunga nguendi. ¹⁰ Mu matangua makumi avali na aauana mu ngonde yamu chitanu navi uana, mu muaka uamu chitanu ua Ndalinyu, lijui lya Kalunga lyedhile kuli kapolofeto Hangayi, ngualyo, ¹¹ Shukulu kalunga nguendi: Yihula kasasendote vya veta, nguove, ¹² Nga muntu ambata mbunda yiye yovana tulikila Yehova yovana dhengela hachikoveyo, ngue mbolo yiye yova nocho ndi yakuteleka, vinyu ndi madhi, ndi nambe nkla vyakulya, vika yela?"" Keho sasendote aka kumbulula naku kuanya nguendi, "kuahi." ¹³ Keho Hangayi ua kuanyene nguendi, "Nga umo kayelele muomu kutca kuocha vilinge vyoshe, Kuatha vayeneke kuyela?" Sasendote akambulula nguendi, "mukemo, vakakala vaku yena kuyela. ¹⁴ Hakeho Hangayi akumbulula nguendi, "Evi vili mu vantu na mushovo ou kumesho ange!-Kalunga nguendi-kumo na vipanga vya mavoko avo. Vika vaka njihana ange kova yelele! ¹⁵ Keho mualolo, thinganyeka mu mana ove uvuluke kutuamenena kua laya nahano lelo matangua a mualolo. Kulutue livue vali hakele kulivue mungeleka ya Kalunga, ¹⁶ Vati vya kele ovio? Haye hauinja ku chiviha makumi avli amasha, vyakevyo vya puile likumi lika; namuje mu uinja kuchitenga cha vinyu muka kutekulamo makumi atanu lika, vyakevyo vakele makumi avali. ¹⁷ Ange njika miyandetha navipanga vyeni vyoshe vya mavoko na litanya lya chivue, vuno nolo kumuedhile kuli yange-Evi nguendi Kalunga. ¹⁸ Thinganyeka litangua lya lelo na kulutue, kutunda ha matangua makumi avali na aauana amatangua mungonde yamu chitanu na yiuana, kutunda mulitangua lije vatamekele luvula lua ngeleka ya Kalunga yiva hakele, vithinganyeka vyacho! ¹⁹ Muye munjivo ya kupungguila kanda movili vimbuto ndi? Chiti cha vinyu, na mukuyu, na chiti cha lomasi, na Olivela kanda vime; Vuno kutunda litangua lya lelo ange njika mivuavuetha yeni!" ²⁰ Keho liji lya Kalunga lyedhile luamu chivali kuli Hangayi mumatangua makumi avali naa auana akungonde naku kuanya nguendi, ²¹ "Kuanya kuli nguvulu ua Yunda, Zolembambele, naku kuanya nguove, Ange njika yemanga lilu na hantci. ²² 'Keho Njika uitha vituamo vya dhimyene naku yungululaho ndhili ya vyimyene na mishovo! Ange njika uitha matemba navaye valondelemo; Tukambe vaye valondeleho vauile, umo umo muomu mukonda muele ua mukuendje uavo. ²³ Muli tangua olyo-nguendi shukulu Kalunga-ange njika mimona, Zelumbambele muna Salateli ua lyala, nendi ngamba yange-nguendi Kalunga. Njika kupuitha munchele ua chimuetho, Hakeho ange njakuhangula yove! Eli likelyo lijui lya shukulu Kalunga.