¹ Ja̧u̧nö̧ pänä Josuemä huopinö Ruben ahuaruhuä 'cotörö Manasés ahuaruhuä 'cottömä jö'totörötä. ² Ja̧u̧mä̧ pä̧i̧nä̧u̧: "Ucutumä Tö̧ä̧nä̧hua̧ Dios u̧mö̧huä̧ya̧ Moises hueinöta'anötä jȩpi̧nä̧tö̧jä̧". Ucutumä ttö huedinömä o'cajuiyönätä jȩpi̧nä̧tö̧jä̧. ³ Ucutumä cu̧jä̧hua̧tö̧ huotörömä jaropi'ocotö pi̧nä̧tö̧jä̧ o'cajuiyönä ja̧u̧nö̧ mo̧ro̧mä̧, jaropi ocotöjä jitä mo̧ro̧ jubö. Ja̧hua̧ta̧'a̧nö̧ ucutumä Tö̧ä̧nä̧hua̧ Dios jȩcu̧'ä̧tucua pä'ö huenömä jȩpi̧nä̧tö̧jä̧. ⁴ Jitämä Tö̧ä̧nä̧hua̧ Diosmä cuähuäruhuäcu cuäcuächi'atucua pä'ö huȩä̧u̧jä̧, pä'inö ji̧nö̧ ta̧'a̧nö̧tä̧. Ja̧hua̧nö̧ ja̧'a̧ttö̧ ppa̧'ä̧chä̧tu̧cui̧ cui̧rȩjä̧tu̧cu̧ pö̧nä̧ i̧sa̧ttö̧ adicuode co̧ju̧ odehuiyätucu pönä, Tö̧ä̧nä̧hua̧ Dios u̧mö̧huä̧ya̧ Moises iyinä̧ja̧ra̧'a̧ Jordan aje jäyä ji̧jä̧nä̧. ⁵ Tö̧ä̧nä̧hua̧ Dios u̧mö̧huä̧ya̧ Moises huȩä̧hua̧ huȩnȩ i̧huȩyu̧ti̧nö̧mä̧ ji̧yȩtȩ'i̧nä̧ cu̧nu̧chi̧'ätucuo, Cuä̧nä̧hua̧ Diosrömä, cui̧'chö̧ jö̧ o̧dö̧nä̧mä̧ cui'chomenä'inä repe'i, hua'ado ku̧ni̧ hueähuä huȩnȩmä̧ ja̧hua̧ta̧'a̧nö̧ o'cajuiyönä cuami'isoquinä'inä cua̧'cua̧rö̧ä̧nä̧'i̧nö̧ ucuotö jȩpi̧. ⁶ Ja̧hua̧ta̧'a̧nö̧ Josuemä adiunä ucuocu ppattächa pä'ö hue'ö i̧cui̧nä̧u̧, ja̧hua̧ta̧'nö̧ ja̧'a̧ttö̧ jahuätömä ppa̧'ä̧chi̧nä̧tö̧ ttö̧ju̧ odehuiyä i̧sa̧ttö̧ idicu odera'a