1 Ru̧hua̧ Dario todäre ä̧'ȩ hueomenä, ji̧mö̧tȩttö̧ yaute kä̧hua̧nä̧, kä̧hua̧ttö̧ ä̧cuo̧mȩnä̧ mo̧ro̧,TU̧RU̧HUA̧ i̧huȩnȩ rä̧bȩhui̧na̧'a̧ Dios i̧huȩnȩ jiäcuähuä i̧sa̧ Hageonä, Juda rȩjȩ ru̧hua̧ Zorobabel, Salatiel i̧tti̧rö̧, ja̧hua̧ta̧nö̧ sacerdote jue'i̧pa̧ Josue, Jehosadac i̧tti̧rö̧'i̧nä̧, pä̧'a̧nö̧: 2 "o'ca toinä TU̧RU̧HUA̧ pä̧'a̧nö̧ pä'ö: Pitö utahuiyä ttö̧ja̧mä̧ pa̧'a̧nö̧ pä'ätö: Ji̧nä̧ pi̧yȩ pä̧nä̧mä̧ Ti̧'cha̧ pä'ö'inä̧, TU̧RU̧HUA̧ Ojusode tadita pä'ö'i̧nä̧ pätecuächoca'a. 3 Ja̧u̧nö̧ o'ca TU̧RU̧HUA̧ i̧huȩnȩ rȩbȩhui̧na̧'a̧ Dios i̧huȩnȩ jiäcuä i̧sa̧ Hageonä̧, pa̧'a̧nö̧: 4 ¿tä'cö pä̧tȩcuä̧cha̧'a̧ni̧ cuojusode jo̧mȩnö̧ tö̧'ö̧ kö̧nä̧cuo̧dȩnä̧ cu̧jä̧tö̧cua̧'a̧ pä'ö, ji̧nä̧ pote isode pparöhuächötä hua̧'a̧nä̧mä̧? 5 Ja̧hua̧nö̧ ja̧'a̧mä̧ jitämä o'ca toinä TU̧RU̧HUA̧MÄ̧ pä̧'a̧nö̧ pä'ö: ¡Cu̧mä̧nä̧tu̧cu̧ tȩnȩ ja̧'a̧ pä'ö amöcuätätucui! 6 ¡Ucutumä u̧huä̧ju̧ rö̧ä̧nä̧ ku̧nä̧jä̧tu̧jä̧, ja̧hua̧nö̧ ja̧'a̧nä̧ u̧huä̧ju̧ huȩju̧ pä̧nä̧mä̧ a̧u̧cuö̧nä̧tä̧ huȩja̧'a̧, cuä̧nö̧'i̧nä̧ cuätöjä̧ ucutumä, Ja̧hua̧nö̧ ja̧'a̧nä̧ cu̧cuä̧tu̧cu̧mä̧ jui'ätöjä̧ adiunämä, ahuö'inä acuätöjä̧ ucutumä, Ja̧hua̧nö̧ ja̧'a̧nä̧ tä̧cuä̧mä̧chä̧tö̧cu̧nä̧ cuahuätöcua pä'ömä jui'ätöjä̧. 'Ca̧tä̧huä̧tu̧jä̧ pö̧jä̧ta̧ ucututämä, Ja̧hua̧nö̧ ja̧'a̧nä̧ dö̧'o̧sȩ päcui'ätucunämä ppädoca ucuturutämä, ttimita'anä aditö'inä pärätämä ȩmö̧ säcuöchö ojö cuäyönä ä̧na̧'a̧ pä'ötä. 7 o'ca toinätä TU̧RU̧HUA̧MÄ̧ pä̧'a̧nö̧ pä'ö: "¡Cu̧mä̧nä̧tu̧cu̧ tȩnȩ ja̧'a̧ pä'ö amöcuätätucui! 8 ¡Möä'cara 'ca'achätucui, dau oi i'cächö chojusode 'tö̧ä̧tö̧hui̧; ja̧u̧nu̧ o'ca chȩsȩcuä̧cua̧sä̧ juodenä kä̧nö̧, ja̧hua̧ta̧nö̧ ucuo teäu ttȩsȩcuä̧hua̧sä̧! -- pä'ö TU̧RU̧HUA̧MÄ̧. 9 ¡ucutumä rö̧ä̧nä̧ usätujä̧, ja̧hua̧nö̧ ja̧'a̧nä̧ Topätucui! ¡ucutumä a̧u̧cu̧nä̧tä̧ i'cächätö isodera̧mä̧, ttömä ppö'ö! ¿Dä̧bö̧? pä'ödo o'ca toinä TU̧RU̧HUA̧MÄ̧. "Tocu ja̧'a̧ chojusodemä pparöhuächötä ka̧'a̧ttö̧, ucutöttömä, korotöpumä tta̧mo̧nä̧ ttoju isode ttaditönätä.