¹ Icebo ca kwa Yawe caishile kuli Yona umuku wacibili ukusosa ayi, ² ''Talama, kabiye ku Ninibe, umusumba ukalamba, no kusosa ifyo nokukonkomesha ukupela.'' ³ Na Yona alitaleme nokuya ku Ninibe, mukunakila ku cebo ca kwa Yawe. Nomba Ninibe wali musumba uukalamba, uwanshiku shitatu. ⁴ Yona atampile ukwingila mumusumba napanuma ya bushiu bumo abilikishe no kusosa ai, ''Kwashala inshiku amakumi yane ninshi Ninibe aonaulwa. ⁵ Na bantu ba mu Ninibe bacetekele muli Lesa kabili balyumfwile bwangu. Bonse balifwele amasaba, ukutula pamukalamba ukushinta fe napa baice bonse. ⁶ Mukwangufyanya ilyashi lyaumfwikile ku mfumu ya mu Ninibe. Yalitalemeukufuma pa mundo no kufula icifwalo no kuifwika amasaba no kwikala muma fyanga. ⁷ Atumine na mashiwi ayalikulanda ayi, '' Mu Ninibe, mu lupaka lwa mfumu na ba mano baiko mwileka muntu inama, icitekwa cisonde icili conse. nangu kulya no knwa amenshi. ⁸ Lekeni umuntu ne nama fifwale amasaba, nokukuta kuli Lesa. Lekeni umuntu onse aaluke ku bubi no lukakakala ululi mu minwi yakwe. ⁹ Ninani wishibile? Nakalimo kuti aalula matontonkanyo nokubweshamo umutima no kutaluka ku bukali bwakwe nokuleka twiya ukonaulwa." ¹⁰ Na Lesa alimwene ifyo baitile ayi balifumine ku misango ya bubi bwabo. Na Lesa alyalwile itontonkanyo lya kubonula mufyo alandile ukucita kuli bo tacitile nefyo.