¹ Ŋukpɔ̃ be gãmè na nɛgbɔvi ɔ fo enutlèn tãtɛ̃ tɔ̃ lè lé acowé yé mè ɔ̀ ŋu sé enu gbègbè ye edomè tɔ lokpo do axua xua gãgã ɖé ɖikɛ̃ ɔji e gbéɖiɖé dɔgbé, lɔ gbé la. ² Kpɔŋu kpɔ̃ esɔ wewéɖé emè kena lé éjiɔ hɛ̃ ɔhuja ɖé do ɔlɔmè eyè yé yi duleji gba dé yé yi nɛ, etɔ̃ dikɛ̃ ɔji ɖutɔ dɔgbé na sɔ̃ du ɔji. ³ Egodo ɔ lɛ̃gbɔviɔ fo nutlènu ɔwegɔ ŋu bo kpɔ̃ enu gbègbè ɔwegɔ lɔbé, ba. ⁴ Esɔ̀ bu tɔ̃ élé jɛjɛ hɛɛ ye na acè emekena le éjiɔ be nɛ̃ dé fifa lè lé awãzãji na èmè yé a hũ ye déyé, ye bo yi jivi gboɖéyé nɛ̃. ⁵ Lɛgbaviɔ ɖe nutlènu ɔtɔ̃ gɔ lè, ŋu sé enu gbègbè ɔtɔ̃gɔ̃ ɔ lɔbe, ba kpɔ̃ esɔ hihɔ ɖe tɔ̃, èmè kena le eji ɔhɛ̃ enudanu ɖé yé do ɔlɔmè. ⁶ Ŋu sé egbé ɖéyé ɖi ɖikɛ̃ énu gbègbè ènèyé écɛ̃cɛ̃mè wè eɖilè dɔgbé bé: Elu agbã lokpo a xɔ taŋuga lokpo na épo agbã ɔtɔ̃n a xɔ taŋuga lokpo, vɔka gbé ami gɔdo e ɛ̃ɔuo! ⁷ Exiɔ egodo ɔ lɛ̃gbɔviɔ de nutlènu ènè gɔ lè, ŋu bo sé enu gbègbè ènè gɔ lɔ bé ba. ⁸ Kpɔ̃ la esɔ ɖisɔ ɖeyé tɔ̃. Eme kena lé éjiɔe nyikɔ nɔ nyi eku, ekutome bo jè egbɔ̃ ye bo na ye hũhlɔ̃do awãzã e minã ènè gɔ ji be ye a yi jivi, xovè, ɔzɔ̃ nyinylã gɔdo egbémè lãyé do hǔ egbètɔ yé. ⁹ Kena lɛ̃gbɔviɔ ɖe nutlènu atɔ̃gɔ lè ɔ, ŋukpɔ̃ emè yehù do Mawu exo gɔdo kena ye dé kunu e u do ye éklã le vɔsakpé ɔ egbɔ̃mè. ¹⁰ Ye do axua lélé be tɔhonɔ kĩkɔ̃, tɔhonɔ̀ adodoé kaka na gã nèmè wè ɔka ɖokojo na emè kena hu mi le awãzãji na a do vi ehlɔ̃ na mi o. ¹¹ Ɔna awu wéwé u ye lokpo lokpoé, ɔbo lɔ na ye a yi ezãwa dokpɔ gbè gɔdo nɔvi kena yé a gɔhù ɖikɛ̃ yé yèkè dɔgbé yi xlè dokpeyé na xixlè ɔ a do sɔgbé. ¹² Sibè ɔ ŋukpɔ̃ lɛgbɔviɔ de nutlènu atlokpo ɔ lè: zɔ̃ lokpoe ɔ awãzã hùhù gãgã dé ehué hɔ ɖikɛ̃ ayaɖuvɔ hihɔ dɔgbé esù blebu ɔ lilè zu ɔhu dɔgbé. ¹³ Suvi yé flè le ɔji hulé jè awãzãji, ɖikɛ̃ kena ɔtĩ ku sĩsɛ̃ nɔ flè jè awãzãji na jɔhɔ̃ sĩsĩɛ̃ xoɔ dogbe. ¹⁴ Ye bo wlã ɔjihu lé ɔ̃ lè ɖikɛ̃ wema dɔgbé ye ɖe ɔsoye gɔdo ɔso huèhuèvi ye lè le yé tɛ̃hue. ¹⁵ Awãzãji ega ye mexo ye ahuãgaye, ɔdɔkunɔyé, hĩhlɔ̃ nɔyé kãnumɔyé gɔdo eme nè lé eɖesiye tètè hla ye ɖedo ɔsogbo gboye ye mè. ¹⁶ Mi mu jè miji na mi awnla mi do emè na xĩnɔ̃ awã lé éga zikpé ɔdji ɔgodo lɛgbɔviɔ exomèsĩ si. ¹⁷ Ɖo ye exomesĩ awã gbigbã gbo ɔ ba, e mè nè wè anɔ̀ et& lé enu ò.