¹ Exiɔ godo ɔ ŋkpɔn ɔjuhlue yɔyɔ gɔdo awanzan yɔyɔ. dobe ɔjuflue tantɛn ɔn gɔdo awanzan tantɛn klɔn bayi exu can ŋgɔleo. ² Eyɔwe ŋ kpɔn jerusalɛm yɔyɔ etɔ kikɔn le tejɛnɛ le ɔjuhlue lɛ le Manuwude le gbɔnnu. yeɖo ɔcɔnin ɔ nyɔnɛnɖe ɖikɛn nyɔnnukpikpe, kenan ye jraɖo dawan nan esu ɔ kesin. ³ Ŋ se egbe gboɖe ɖi le egazikpeɔ mɛn be: kpɔnɖa Manwu e nɔnxue le ɛgbɛtɔye ecicɛn mɛn y wɛ nyin exiɔ. Anɔnye e cicɛn mɛn, eyɔwɛye a nyin e togŋye Manwu ŋtɔ anɔn gɔdoye, eyɔwɛ anyin ye e Manwu. ⁴ A susu aɖasin tɛtɛ le ye e kusiye mɛn. Eku ŋ gɔ ka nɔn awan o. Eyɔwɛ efukpikpe gɔdo aleninan, alo vivɛ sise can ŋ gɔ ka nɔn awan o dobe ɛgbɛ xoxo ɔ klɔn ba yi. ⁵ Eyɔwe ɛmɛn kenan ele egazikpe jiɔ be: kpɔnɖa ŋ wasi enu tɛtɛ yɔyɔ Egɔ lɔ be: wlɛdawanɛ do be exo xiɔ ye ɖo kanɖeji, eyɔwɛ yenyin xojɔxo. ⁶ Eyɔwɛ e lɔ nan ŋ be enuye tɛtɛ zɔn lisi! Emlɔn wɛ nyin Alfa gɔdo omega, titɔɛji gɔdo kpikponuɔn Amɛn kenan siŋkɔmɛn le cinu ɔ man nɛn ɛgbɛsidoɔ e esin fa a. ⁷ Ɛmɛn tɛtɛ kenan eɖuɔjiɔ a yi enuxiɔ do ɖu ezo. man nyin e Manwu. eyɔwɛ eyɔcan anyin avi. ⁸ Si vɔ ɔvivɔnnɔntɔye, manyisetɔye, enunyŋwatɔye, ɔhlɔdatɔye agɔlɛtɔye, azetɔye, yɔɔhuesɛntɔye. gɔdo lɛ lotɔye tɛtɛ, aɖo ye emiman le ezo e etanku kenan ele bi gɔdo ezokpɛn mɛn exiɔ wɛ nyin eku ɔwegɔ ɔ. ⁹ Exiɔ godoɔ wɛnzangŋ acowe kenan ye hɛn kpoŋgo, kenan ye juɔ gɔdo aya do nan ɛmɛn acowe kpɔtuɛɔye do asiɔ, lokpo le yemɛn lɔxo nan ŋ be: ba, man yi nynɔnnu kpikpe kenan nyin lɛngbɔviɔ esi xlɛɔ. ¹⁰ Gbigbɔ biɛ omɛn, eyɔwɛ wɛnzangŋ kɔŋ dosɔn ɔso sɔn ɔjuhlue ɖe ji. E yi Yeruzalɛm, eto kikɔn kena ele tejɛnu le ɔjuhlue le Manwu deɔ yi xlɛŋ. ¹¹ Ele k ɔnnu gɔdo Manwu ŋtɔ egigo. e kiklɛn le ɖikɛn ekpɛn xɔho tɔxɛ ɖe kesin. ele ɖikɛn kjaspo kpɛn manmnui kenan emɛnkɔn ɖikɛn nukpɛ nukpɛn kesin. ¹² Egli sɔn ɔjuhlue titri ɖe lil ɛdoe, eyɔ wɛ agbo siɔwe le egliɔye nu. ye wlan Izraɛlviye e ɔkɔta siɔweye e nyinkɔ do agbo ye nu. ¹³ Agbo ɔtɔn le ehuezɛxue ɔtɔn le egbe tɛnxue ɔtɔn le exwuwaji eyɔwe ɔtɔƥn le ehuesɔnxɔ. ¹⁴ Eto ɔ e gli ɖo dodonu siɔwe, eyɔwɛ ye wlan lɛnviɔ e ɛmɛn zizɔn siɔweye e nyinkɔ do ye wu. ¹⁵ Wɛnzangŋ kenan elɔ exo nanŋ ɔ; e agboye gɔdo egliɔye do asi ¹⁶ Etoɔ e koŋ ɛmɛnnɛnye ya, egagamɛn gɔdo kikɛmɛn nyin nulokpoɔmɔn. wɛnzangŋ jijlɛ. etoɔ gɔdo ejijlɛtin ɔ eyɔwɛ nyin (12000). etoɔ e gagamɛn kikɛmɛn gɔdo ɔjuhlue sisɔnmɛn nyin nu lokpoɔmɔn. ¹⁷ Wɛnzangŋ ɔ jijlɛnu egliɔ can, eyɔwɛ e eteɖiɖi mɛn le (144) jijlɛnu kenan ye nɔn zan ɔ. ¹⁸ Yeyi ekpɛn xɔho manmui kenan ye nɔn yɔ be jaspo-kpɛn ɔ do ɖo egliye eyɔwɛ yeyi sika kenan emɛnkɔn ɖikɛn nŋkpɛn kesin ɔn do wasi etoɔ. ¹⁹ Yeyi ekpɛn xɔho do ɖo ɔcɔ nan etoɔ e dodo nu ɔ ye wasi dodo nu tantɛn ɔ gɔdo jaspo-kpɛn ɔwegɔ gɔdo safirɔn-kpɛn ɔtɔngɔ gɔdo kalkɛdɔn ɛmɛ gɔ gɔdo ɛmerodɔn. ²⁰ Atɔngɔ gɔdo sardonikan, atrokpogɔ gɔdo sardɔn acowegɔ gɔdo krizolite, acowegɔ gɔdo bɛrilo acɛnnɛngɔ gɔdo topazo ɔiɔsi gɔ gɔdo krizopraz, siɔlokpogɔ gɔdo hiyasɛto, siɔwegɔɔ gɔ do ametisto. ²¹ Etoɔ e agbo siɔweye nyin jɛnu siɔwe, eyɔwɛ agbo tɛtɛ nyin jɛnu kpoŋŋ etoegboɔ ŋ nyin sika kenan ekɔn ceke ɖikɛn kristali kesin ɔn ɖoɖo nɔn o. ²² Mlɔnŋkpɔn Manwuxɔ tin le eto ɔ mɛn o, dobe tɔhonɔn Manwu, hinhlɔnnɔntɛtɛ gɔdo lɛngbɔviɔ wɛ nyin e manwuxɔ. ²³ Ɔnyinzɔn alo sŋwɛ ɖɛ ŋŋhian le eto ɔ mɛn o, ɖo Manwu e gigo le kɔnnu etoɔ, Eyɔwɛ lɛn gbɔviɔ le nyinnu zogbɛn. ²⁴ Tɔgŋye ye a zɔn le kikɔn nu, eyɔwɛ awɛnzan ji e ega ye aba ji eta awan nin gɔdo ye e ɔdɔkŋnɔnnuye. ²⁵ Ye ŋ man su etoɔ e agbo ye le awangbigban mɛn o, ɖo azan ɓkado le emɛn o. ²⁶ Togŋye ye a hɛn ye e gigo gɔdo ye e sisye ba etoɔ mɛn. ²⁷ Enu xɔjui ɖe ŋ man biɛ ɛ etoɔ mɛn o. lɛ lo tɔye gɔ do ɛmɛɛn kenan ye nɔn wa enu kenan exojuiye tin ŋ man biɛ etoɔ mɛn, tɔnvo nan ɛmɛn kenan ye e nyinkɔ wiwlan do lɛngbɔviɔ e weman mɛn ɔn o .