¹ Pɔlu gɔdo Timɔnte Jesu kriste mɛnsɛntoye le weman xiɔ wlannu ɖowlan ɛwɛn kikɔn tɛtɛ le Filipu, le lokpo wiwasigodo krist jesu, nan Filipu e hamɛnjikpɔntɔye gɔdo ɔlɔdotɔye. ² Mawu mietɔn gɔdo mie tɔhonɔn jesu krist ni nan min nu fɛfo godo fifa. ³ Ŋ nɔn do ɛkpɛ nan xob Mawu, ganɖekpekpemɛn nan ŋ flim mi ɔn. ⁴ Ganɖekpekpe mɛn nan ŋ le eɖɛxo nu do mie ta ɔ ŋ nɔn xoe gɔdo jijɔɛ. ⁵ Ɖo emɔn kenan nu min do ɔlɔ min le na wɛnɖagbe ɔe jijla sin awangbigban tantɛn kaka ba nan egbe wutu. ⁶ Ŋ kan exiɔ ji be Mawu, ɛmɛn kenan e bɛ ezan nyuɛnɖe xiɔ tɔ ji le mie cicɛnmɛn ɔn a hɛn do te kaka na jesu krist kɔlilɛzangbe: ⁷ Esɔgbe be man lin exiɔ do mimɛn tɛtɛ wu. mienu le eji mɛn nan ŋ ɖo min ɖo miman le enu fɛfo kenan Mawu nan ŋ ɔn mɛn, egbe kenan wli ŋ ye gɔdo gan kenan mɛn ŋ vo san ɔn le kŋnu nan ewɛnzantan ɔn gɔdo ekan ɖejiɔn . ⁸ Man nyɔn be xo jɔxo ŋ le lɔnu be ŋ lɔn mi gɔdo jesu kriste e wannyinyin. ⁹ Xo ɖɛ wɛ nyinbe mie wannyinnyin nin dagba le nunyuɛn gɔɖo zinzin mɛn. ¹⁰ Nan mian do kpeji a can kenan enyin Zantan ye: kesin ɔn mian trɔŋ ɛmɛn kikɔn kenan ye ka kpɔn nuvuɛn ti le o a ganmɛn nan krist a lɛkɔ ba ɔ. ¹¹ Mian yuɔ gɔdo wɛjijɔ kenan enukŋ nɔn sɛn zɔ jesu krist jiɔ nan Mawu e gigo gɔdo e kpikpa. ¹² Nɔnviye, ŋ jro be mian nyɔn be enu kenan ekpe ŋ ɔn jɔɔ de xoji nan ɛwɛnzantan a do son ɔŋkɔn. ¹³ Ɛmɛn kenan lekpɔn nu ɔxɔsuɖuta ɔ ji gɔdo ɛmɛ kpɔtuɛ ye tɛtɛ nyɔn be krist e mɛnsɛntɔ kenan ŋ nyin ɔn wutu ŋ le gankpamɛn. ¹⁴ Xo gankpamɛn ninɔn nam be nɔnvi susu gɔ doji do tɔhonnɔn wu ye bo le Mawu e ɛwɛn donu nuyin manvɔn. ¹⁵ Le xojɔxo mɛn ɔn, ɛmɛ ɖe ye le ye mɛn , bo le krist ɛmɛn ɔn donu le ɔkusibia gɔdo ajre mɛn. ¹⁶ Coganke ɔ ɛmɛn bu ɖe ye le donui gɔdo ejro zantan. Ɛmɛn xiɔn ye le donui gɔdo wannyinnyin ɖo ye nyɔn be Mawu do ezan asi nan ŋ be nan xo ɔvɔn nan ewɛnezantan oɔ. ¹⁷ Ɛmɛn xiɔn ye ŋ le krist ewɛn ɔn donu gɔdo ninɔnmɛn zantantan o ye le donui gɔdo ɔkusibia ye le bunu be ye a nan xo vivɛsise a su gankenan mɛn ŋ kpɔtɔ le gankpamɛn ɔ. ¹⁸ Nu kɔ exiɔntɔwa? coganke le emɔn ɖekpe kpe ji nan ye do ɛwɛn ɔn le susu vɔvɔmɛn alo le xojɔxo li lɔ mɛn ɔn krist kpoŋ wɛ nyin ɛwɛn kenan ye le donu ɔ. E xɔn wutu ejijɔ ŋ. ¹⁹ Ŋ kan deji be, exiɔ a nyin hluɛngan zɔn mie ɖɛ ye gɔdo jesu krist e gbigbɔ ɔlɔdo mɛn. ²⁰ Xo jro vivɛ gɔdo xo ɔkusiɖiɖo wɛ nyin be enyan ŋ ka waŋ o vɔ ɔ xo kan ɖeji le blebu siɛ ɖikɛn kenan ele ɖo tɛgbɛ ɔ ye a kpa krist le xo agbaza blebu ɔ mɛn; le xo gbɛ ninɔn mɛn alo le xo ku mɛn. ²¹ Ɖo krist nyin xo gbɛ eyɔwɛ eku nyin ale nan ŋ. ²² Vɔ nan xo gbɛ ninɔn, le agbaza lanmɛn nan xo zan sɛn ɔkŋ ɔn, mlɔn ŋ nyɔn kenan man can le ye mɛn o. ²³ Ŋ jan le ɔwe ye e cicɛnmɛn e jro ŋ be man sɔn krist de exiɔntɔ nyɔn nan ŋ hu. ²⁴ Vɔ ɔ mie wutu ɔ ele vivɛɖe be man gɔɔ nɔn agbaza mɛn . ²⁵ Ŋ kan ɖeji ŋ bo nyɔn be man ci awan man bo nɔn mi de nan mie ɔŋkɔnsisɔn gɔdo mie jijuɛ le xɔse mɛn. ²⁶ Ganxiɔntɔmɛn ɔn, do zon xo kɔlilɛ ba mɛn ɔn mian kpɔn emɔn mian do yigo le mie gbɛninɔn gɔdo jesu krist mɛn. ²⁷ Vɔ ɔ mi zan egbɛ kenan ejɛ gɔdo krits e wɛnzantan ɔn ganxiɔntɔ mɛn ɔn nan ŋ ba kpɔn mi, alo nan mlɔn ŋ gɔba can o a man se be mi le te goŋ goŋ le ekpuɛ ninɔn e susu okpo mɛn be mi le ɔɔvŋ xonu dokpuɛ gɔdo ejilokpo le xɔse kenanewɛnzantan ɔn nɔn nan ɔƥn. ²⁸ Mi ka nan nɛn enu kenan ɛmɛn kenan ecite do mi wu ye le wasinu ɔn a do ɔvivɔn nan mi o. Midoji, exiɔn nyin jesido be ye le sɔnnu didɔn gbe nan mian nyɔn be mi le ɛmɛ hlvɛngantɔ ɔ emɔnji eyɔwɛ exiɔn sɔn Mawu de. ²⁹ Ɖo Mawu eɔdɔmɛnzantan nan ewasi nan mi ɔ ŋ nyin be mian yi krist se kɛɖɛ o vɔ ɔ be mian ɖu aya can do e ta. Siɛ ɔ mile ɔvŋ xonu. ɔvŋ xiɔ wɛ mi kpɔn ŋ xo bayi. ³⁰ Eji ke mi gɔ nyɔn be ŋ kpɔtɔ le ɛgbɛ le.