¹ Yésu, kena ebiɛ aklo lokpomɛ, e dasa exu, ewɛ esɔ́n e be tomɛn. ² Ewɛ kpónfi, ye hɛn kplibɔ zɔntɔ kena le awan hihlɔn le zanji ba nɛnɔ kena Yésu kpɔ́n ye xɔse ɔ, elɔ nán kpibɔtɔ be: do ji, xo vi, ye yi xwe nuvwɛn ye yikɛɔ. ³ Ke ji nán, sikribu ɖe ye lɔle ye ɖé mɛn be: da hwe xiɔ́ jɔgɔ le Mawuji. ⁴ Yésu kena mɔ́nu jɛ ye tamɛn súsú wúɔ, lɔ be: nu kɔ wu tamɛ súsú vwɛnɖi le jimɛn azɔn. ⁵ Mɛnɛ le miɛn mɛ vo le ɛɖɛkesi a bolɔ be: yéyi xwe nuvwen ye yikɛ ɔ, alo cité ewɛ azɔn. ⁶ Do, mián do nywɛn be ɛgbɛtɔ evi núnsun ɖo acɛ le awánzanji a do yi enuvwɛn yé yikɛ. Cité, e lɔ nán ɛmɛ kena kplibɔɔ ewɛ sɔ́n xwe xwemɛn. ⁷ Ewe e cité, bo wli ɔxwemɛn mɔ́n. ⁸ Kena etɔgún yé kpɔn enú kesíntɔ́n, ɔvivɔ́n jɛ éji, ewɛ e kafu Mawu kena nán gbɛtɔé acɛ kesín tɔn. ⁹ Lɛ le flɛn ego sɔ́ oŋkɔ́n wugan, Yesu nunsún ɖe kená sinɔn awán le emɔn da xwe, ewɛ ye yɔbe Matié, elɔ nɛn be: kplan xodo nunsun xɛn cite ewɛ e kplɛn do. ¹⁰ Kenan Yésu le enúɖuɖu kato le ɔxwe ɔmɛ, amlɔ kwɛtɔ gbogbo ɖe kɔdo égbɛ baɖa zantɔ yé, ebe enu kplavi ye le enúɖuɖu kató gɔde. ¹¹ Farisinve kpɔ́n kesín énú, ewɛ ye lɔ nán enu kplavi ébé; nú kɔwu mié ga le enuɖunu kɔdo amlɔn kwɛtɔ kɔdo ɛgbɛ baɖa zán tɔ yé ɖo o? ¹² Nu kena Yésu se ɔ, eɖo ewu be: ŋnyín ɛmɛn kená le nywɛnɖe le agba zamɛ wɛ ɖo ehian ɖɔkita tɔ́n o, vɔ ɔzɔ̀ntɔ ye wɛ. ¹³ Mí sɔ́n, ewɛn enɔ́n jɔji náŋ, ewɛ ŋnyín avɔsa ye wɛ o. Ɖo mlɔ́n ŋba be ma yɔ ɛmɛ nyɛnɖe ye o, vɔ enú vwɛn watɔ́ yé. ¹⁴ Le eflɛn, Jan be enukplaviyé ba Yésu de, ye lɔ bé: nú kɔwútu mié kɔdo Farizinue nɔ́n bla ɔnún, vɔ xwe enú kplavié, yé nɔ́n bla ɔnún kpɔ́n gbeɖé o? ¹⁵ Yesu ɖo ewu na yé bé: ɖé nyɔ́nu ɖe tɔ ewán nyi yé ya tɛnci ŋzinzín mɛ ŋán kemɛ nán nyɔ́nnu ɖe tɔ le gɔdo yé ɔ? Azán yé aba ba ewɛ nyɔ́nu ɖetɔ aba lɛ, ewɛ le flɛn, yaba tɔ ɔnu bibla. ¹⁶ Ɛmɛti, ŋnɔn tɔ ɔvɔ yɔyɔ do awuxoxo wuo, ɖo a vún akpa ɖe nán awu ɔ, ewɛ vún vún ɔ́n ŋmán nyɔ́n kpɔn o. ¹⁷ Yé ŋnɔ́n kɔ́n vin yɔyɔ do evin go xoxo mɛ o, ŋke síɔn gotá ye aba gba, evin ye akɔngbe ewɛ gota ye agú, ɖo ye nɔn kɔn ahan yɔyɔ do gota yɔyɔ mɛ, ewɛ ahan yɔyɔ kɔdo gota yɔyɔ ya nɔ́n awan. ¹⁸ Gan mɛ na élé lɔnu exo na yé ɔ, kpɔ ɖa egá lokpo ba, bojɔ klo do ɔŋkɔ́n nɛn, ewɛ elɔ be: xɔ vi kú si bɛ, vɔ ba, ɖo ɔlɔ éji ewɛ agán. ¹⁹ Yésu cite, ewɛ ekplɛn do kɔdo enukplavié. ²⁰ Ewɛ kpɔn fi, nyɔ́nu ɖé lé ɔhún le yi nú ewu, exwe síɔwe xe, zɔ́n ɔgodo do gogoé ewɛ etɔlɔ awutoo nɛn. ²¹ Ɖo elɔ le éɖé mɛn bé, na ŋtɛn wún atɔlɔ ebe awu wuɔ, ɔzɔn ajɛmɛ nám. ²² Yésu lɛ kɔ ewɛ lɔ bé: ɖe ji, xɔvi nyɔ́nu vi, xwe xɔse dɔ ɔzɔ́n nɔ́n le gan xixo ɔmɛn trolo ɔzɔ́n jɛ emɛ nɛn. ²³ Kenán Yésu ba egá exwe mɛ ɔ́n ewɛ ekpɛn kúntɔye kɔdo etɔgún le hún nyán hún nyán mɛ ɔ́n. ²⁴ Elɔ nán yé bé: mi gblɔn gbɔn, ɖo nyɔ́nu viɔ ŋkúo, vɔ edɔ hlɔn ewɛ ye tɔɛ kiko. ²⁵ Kena ye nyan togún ye bayi egodo, Yesu biɛ exɔmɛn, ehɛn evi nyɔ́nu vi ɔ elɔ, ewɛ evi ɔ bo cite. ²⁶ Exo ɔ boɖi le eto ɔ tɛtɛ mɛ. ²⁷ Kena elɛ le eflɛn, ɔŋkusín gbigba nɔ́n ɔwe kplɛndo, bo le abobo donu ku ŋzínzín nán mí, David be vi! ²⁸ Kena ejɛ ɔwe mɛ, ɔŋkusín gbigba nɔ́n ye zɔn gogoe, ewɛ Yésu lɔna ye be: mí xɔse be ma tɛn uŋ awɛ? ye ɖo ewu nɛn bé ɛn ɔxwetɔ. ²⁹ Le eflɛn é tɔ lɔ ɔŋkusín ye ji ná yé, do lé lɔ nu bé: nɛn nyi wiwa ná mi do zɔn mié xɔse mɛn. ³⁰ Ewɛ ɔŋkúsín hun náyé Yésu do esín vivɛ nayé, mi cɔ́ miɖé ɛmɛti ŋkasé o; ³¹ Kená ye tɔ́nɔ ye jráta nán emɛ́ kena enyín. ³² Ɖe kena ye jɛ mɔ́n le sɔ́nú ɔ́n, kpɔ́n ɖa exomalɔtɔ ɖe ba na Yésu. ³³ Kenán ye nyán gbigbɔ vwɛn lɛ le emɛn ɔ́n, exo málɔtɔ, jɛ exo lilɔ ji, ekpe cá etogún yé, bo lɔ bé: gbeɖé ye ŋkpɔ́n enu kesín tɔ́n jɔ le Izraɛli kpɔn. ³⁴ Farisinué lɔbe: ɖo zɔn gbigbɔ vwɛn ye exɔluví ji xwɛ e nɔ́n nyán gbigbɔ vwɛn yé. ³⁵ Yésu ɖisa zɔ́n eto ye mɛn, kɔdo égglé toxo ye mɛn, bonɔ́n kpla enú ɛmɛn yé, nɔ́n jra ɔxɔlu tomɛ ewɛn nywɛn yé, nɔ́n da ɔzɔ́n tɛtɛ kɔdo kplibɔ yé. ³⁶ Kena ekpɔn eto gún yé, ye nu wa ŋzinziń nɛn, ɖo ɔgbɔ kpe yé, ɔwú mɛ kúyé, ɖikɛn ɛlengbɔ yé kená ye ŋɖo kplantɔ ɖéo. ³⁷ Le eflɛn, elɔ ná nu kplavié be, ɛgle nu kún ye su, vɔ ezán watɔ yé hwé. ³⁸ Mi xoɖɛ na ɛgletɔ azɔ́n ezán watɔ ye do ɛgle ɔ mɛn.