¹ Le gan xixo xɛn mɛn Jan ɛsin do ta na ɛmɛn ta ba, le jra nu Mawu xo le Judea zogbeji. ² Ele lɔnube : mi lɛ jimɛ ɖo sɛ xwe xɔlutɔ ɔ nɔn gogo. ³ Jan wɛ nyi ɛmɛn ke na xo Ezai exo lɔ do avantɔ lɔɔ ɔ gan mɛ na e lɔ be: efi wɛ ɛmɛ kena le abobo do nu le zogbeji le. ⁴ Esɔ bde agbaza wu wɛ le jan si kɔdo elan gbaza e goji blanu ɔwinsin akuta kɔdo bɔkle ye wɛ nyi ebe enu ɖuɖu. ⁵ Ɛmɛn kena le Jeruzalɛmu toɔ mɛ ye kɔdo Judea tɛtɛ kɔdo ɔ eto ye tɛtɛ kena lɛ do Jordani ɔn ye nɔn sɔn éde. ⁶ Ewɛ ye nɔn wun ye nuvuɛn ye gbɔn mɛn, enɔn nyrɔn ye do Jordani etɔ mɛ. ⁷ Vɔ kena ekpɔn be farizinve kɔdo saduse ye susu gbogbo de ba ɛsin nyi nyrɔn xwe e lɔ na ye be: Jakpata ekɔtaye, mɛ nɛn! kplami kena ye nɔn si le ɔdɔmze kena le gbɔn nu be uŋkɔn? ⁸ Mi sɛn enukun kena jɛ na eji mɛ lilɛ . ⁹ Ewɛ mi ka lɔ le miɛnɖe mɛ be :Abraxamu wɛ nyi etɔ na mi Do uŋle ɖe nu gbe fan na mi be Mawu tɛn uŋ ayi ɛkpɛn xe ye do lɛ zun Abraham e ɖɛkɛ ye. ¹⁰ Trolo evɛ nɔn jɛ ɔtin ye eɖɔ gbɔni ɔtin sia ɔtin ken ŋma sɛn ɔkun nyuɛn ɖeɔ ya gboe ewɛ ya drɛn do ezo mɛn. ¹¹ Emlɔn uŋ nyrɔn mi do etɔ mɛ na ma do kplan mi do ejimɛɛn lilɛ mɛn vɔ ɛmɛn kena aba ba le xo godoɔ e siɛn hugan emlɔn ɔ ewɛ mlɔn ŋjɛ a do ebe ɔfɔkpa o. ¹² Eyɔ a yi gbigbɔ kikpɔn do nyrɔn ɔ mi ekɔdo ezo. Eɖo ebe sasado le ɔlɔmɛn a sasa jɔ hɔn mɛ a bɛ ɛgle nukun ye do ɔgɔmɛ vɔ abɛ esɛ ye atɔ zo ye le ezoma ci gbe ɖe mɛn. ¹³ Le eflɛn yesu lɛ le Galilea do ba Jordania na jan a do do ɛsɛn ta nɛn. ¹⁴ Jan gbɛ elɔ be: emlɔn wɛ hian be anyrɔn dp ɛsin mɛn ewɛ ɔ ba xode: ¹⁵ Yesu ɖo ewu nɛn jodo anyin wiwa sibɛ do enyɔn be mian hɛn enu jijɔ ba cicɛ mɛn Ewɛ ŋgɔ zin ɖo ejio. ¹⁶ Kena ye nyrɔn yesu do tɔmɛ troloɔ etɔn le tɔmɛn ewɛ ɔji hwle ye hun ewɛ ekpɔn Mawu be gbigbɔ jɛte ɖi kɛn ɔhɔn nɛn kesin do eji. ¹⁷ Ewɛ egbeɖe ɖi le ɔji hwle be: ɛmɛn xiɔtɔ wɛ nyi xovi nunsuvi kena ŋ nyin wan nan kemɛn nan uŋ yi xo wan nyi nyi yi do ɔ.