¹ Farisinuye kɔdo Sadusi ye ba tɛnkpɔn le biɔbe nɛ xlɛ ye je sido nɛ le ɔjihwle. ² Vɔ ɖe xu na ye be: Na hwe sa do, minɔ lɔ be: "ganmɛ a nyɔn, ɖo ɔjihwle bia (le jɛjɛ). ³ Ewɛ le kɛklɛɔ, mi nɔ lɔ be: "ɔjiaja egbe, ɖo ɔjiwle bia ewɛ ehɔ mi nyɔn naɖe ɛgbɛ mɛ nɔn nɔ ɖo, vɔ mi nɔn kpexu nɔnɖe ganmɛ ye ye jesido gbɔnmɛ o. ⁴ Jiji mɛ nyranku kɔdo ahasisiwa le kanu jesi, vɔ ye ma na ye jesi tio, tɔn vo na jesi Yonas tɔn. Egodo Yesu jo yedo ewɛ elɛ sɔn. ⁵ Gan mɛ na enukplavie jɛ tɔ godo (akpade ɔji) ye ŋkɔɖɔ ɔun hɛn yi kpɔnɔn ye. ⁶ Yesu lɔ na ye be: micɔ miɖe ɖo Farisinuye ema fɔn nu xu kɔdo sadusi ye tɔn xu. ⁷ Enu kplavie, le yebe ehwɛji jɔ kikanmɛ ye le lɔnu be: "ɖo mi ŋgbɛ kpɔnɔn ye hɛn ɖoasi utu wɛ." ⁸ Kenɛ Yesu do jesi ninɔmɛ xɛntɔ, e ɖe xu be: Mie, xɔse, tɔvitu kui ye, nukɔwu mile Kanu ehwɛ jijɔ le mi eɖe mɛ eyɛ mi le lɔnube miŋbɛ (mihɛn) kpɔnɔn ye do asio! ⁹ Ɖe mi ŋtɔn jɛ emɛ kɔdo miŋdo ɔhwun kpɔnɔn amanton ye na egbetɔ ɛkpɛn aton (kɔn aton), ewɛ aja xwi ɛnɛn, ewɛ aja xwi ɛnɛ wɛ mibɛ? ¹⁰ Alɔ ke kpɔnɔn aman cowɛ na egbɛtɔ ɛkpɛn ɛnɛn, ewɛ aja xwi ɛnɛ wɛ mibɛ? ¹¹ Na ɖe mi le mɔnu jɛ xwube mɔn le lɔnu kpɔnɔn xo na mio? Mico mide, mi kpɔn miɖe ji ɖo Farisinu ye ɔdo Sadusíye ye mafɔnu xu. ¹² Le eflɛn, ye mɔjɛ mɛ be ŋle biɔnu sɔn ye de be ya kpɔn yeɖe jio do ema fɔnu kenɛ ye nɔn do kpɔnɔn mɛ, vɔ ya kpɔnye ɖe ji ɖo Farisinuye kɔdo sadusiye ènu kplamɛ ye xu. ¹³ Ganmɛ nan Yesu ba se sare kɔdo Filipu exwanzanji, e biɔ enukplavie: "mɛnɛ ye be gbɛtɔvi nyi? ¹⁴ Ye le lɔnu: mɛɖe le lɔnu Jan Batisu (ɛsɛndota na ɛmɛtɔ), emɛ de ¹⁵ Eli, Yeremia, alo emɛ lokpole exolɔ ɖa awan tɔye mɛ. Ele lɔnunaye: "vɔ mi ye ya, mɛ nɛn mile lɔnube ŋnyi? ¹⁶ Simɔn Piyɛ ɖo exwu: "ɔ nyi Kristo, Mawu ɛgbɛ ɛgbɛ evi." ¹⁷ Yesu ɖo exwu: nu nyɔn na mɛtɔ ɔnyi Simɔn Yona evi, ɖo ŋnyi agbaza kɔdo ɔhun wɛ ɖe xlɛ ɔ, vɔ xotɔ kenɛ le ɔji hwleye. ¹⁸ Ŋle lɔ nu nɔn ke be ɔnyi ekpɛn, le ekpɛn xɛntɔji ma tun xo hamɛxɔ do yɔmɛ hɔn ɖe ŋma kpe eji o. ¹⁹ Ma nɔn ɔjihwle ye ɔluxweye sanfle ye enusianu kena abla le awanzan ji ɔ, anyi bibla le ɔjihwle, ewɛ enu sianu kena atru le awanzanji ɔ anyi trutru le ɔjihwle. ²⁰ Le eflɛn Yesu do ɛsɛn na enukplavie be ye ŋka lona ɛmɛɖe be ye wɛ nyi Kristo. ²¹ Gan xɛntɔmɛ Yesu tɔlilɔ na enukplavie be yeɖo asɔn Yéruzalɛmu, ya se vivɛ susu le ɛmɛ hɔn ye lɔmɛ, le ɔvɔsatɔ gaye, skribu ye lɔmɛ ye ɖo ahuye, le awangbigban ɔtɔngbe yafɔn. ²² Le eflɛn Piyɛ duɛn ɖo ɔzɔgan, waɖando eji: enu xiɔtɔ, nɛ flatanɔn ɔxwetɔ, exiɔtɔ ŋma jɔdo xweji o gbeɖe o." ²³ Vɔ Yesu lɛkɔ ewɛ e lɔna Piyɛ: " lɛkɔ le ɔgbɔnmɛna, Satana, ɔnyi ɔfɔ klɛnkpɛn nam, ɖo ŋnɔn butamɛ do Mawu enu yexwo, vɔ do ɛgbɛtɔ ye tɔn xwu. ²⁴ Le eflɛn, Yesu lɔna enu kplavie be: Na ɛmɛɖɛ le kanu ajɛ xo gban, eɖo agbɛ eɖe, akɔ ebe ɛbɛ atisoga ewɛ ajɛ xogbɔn. ²⁵ Ɖo ɛmɛɖe kpekpe kenɛ le kanu a hwlɛne be ɛgbɛ gan abui vɔ ɛmɛɖe kpe kpe na abu ebe ɛgbɛ ɖo ye hwuɔ aba kpɔn ɛgbɛ ɔ. ²⁶ Ɖo ale nɔ hwue atɔn sɔn emɛ na ɛgbɛ tɔɖe na xixemɛ nu ye suesi vɔ ebu ebe ɛgbɛ? nukɔ ɛgbɛtɔ atɛn na ɖo egbɛ tɛnxweo? ²⁷ Ɖo ɛgbɛ tɔvi aba ba le etɔ kafufumɛ kɔdo ebe ɛwɛn zangun ye, ewɛ asu ɔxɔ na ɛmɛn lokpo na ezan ye na yewayexu. ²⁸ Ŋle lɔnu nami le xonugbomɛ, emɛ ɖe ye le mi mɛn lefi siɛ, ke nɛn yema dɔ eku kpɔn eyɛ ma kpɔn ɛgbɛtɔ vi aba ɔxɔlu ta xwe o."