¹ Awangbigban lɔkpo le awangbigban yé mɛ, Yesu le nukplanu wu étòviyé, le tampeli mɛ "cɔcihɔmɛ, bole ɛwɛ̀n nyɔwɛn jlanu, ɔvɔsatɔ ye gáye kɔdo Skribuye, kpená ɔgun-mɛho batɔndo, yéji. ² Ye lɔnɛ bé acɛ̀ nɔwe mɛ, ɔle ezan kesin tɔnye ye wanulé? Bolɔná mi ɛmɛ nɔwé wɛ ná acɛ wu ɔ? ³ E ɖó ewu ná yebe. Mlɔn can má kanse exo hetɔ wu mi? milɔnà. ⁴ Jan e Mawu sinsilɛ̀ ɔjihle wɛ lɛ lo, alo gbɛtɔ ye ɖé? ⁵ Ye babu susu mɛ kpɔn, le lɔnu be: ná mi lɔbe ɔjihlé wɛ, a lɔbe, nikɔ wɛ mye un bo ɖinu nɛ o? ⁶ Ná mi do ewu ná be gbɛtɔ yeɖe wɛ lɛ le ɔ, etó viyé tɛtɛ wɛ adrɛn ɛkpin do mi, do ye ɛmɛ wɛ yi do yi lɔdawan lɔ tɔ. ⁷ Yebayi egbe nɛ be: mi can miŋnyɔ, fimɛ elɛ le dobao. ⁸ Yesu le dɔnu ewu nɛ be: "mlɔn can, mlɔn un nyɔwɛ̀n o mlɔnŋ kɔ ka lɔ acɛ ná ŋdole ezan ye wa nu ná mi o. ⁹ Eɖo ɔlá yebe: gbɛtɔ ɖe wɛle bo dó vɛ̀n do eglé ji, kená eka sɔn etó diɖɛn mɛ ɔ, eyi ɛgle yi haya ná evɛ̀n gleji kpɔntɔ ye, bo zɛ̀ ɛhwɛn sɔn etó didɛn de mɛ̀. ¹⁰ Egle nukun, yiya égàmɛ baɖó, eyi esumɔntɔ doxlan ado yi kená enyi etɔn do bani. Evɛn gleji kpɔntɔ ye hówé bodo ɔfɔkuwi, bo lɛkɔ nɛ̀ ɔlɔ́ vɔvɔ. ¹¹ Ekɔ bayi sumɔntɔ ebudo xlan, evɛn gleji kpɔntɔyé kɔhwé, bodo enyá wu, bo nyɛn ɔlɔ́ vɔvɔ. ¹² Ekɔ bayi ɛmɛ ɔtɔn gɔ doxlan ye do ɔfɔkuwu bo nɛn. ¹³ Vɛngletɔ ba lɔbe: nikɔ wɛ má wa siɛ? Mágbɔjwɛ yi xo ŋsunvi yi doxlan yé; eta ŋnyɔ owa yaɖo sisi nɛ̀. ¹⁴ Vɔ kená evɛngle jikpɔntɔ ye kpɔn elégbɔnu ye de ɔ ye bususu le ye ɖé ye mɛ be: mikpɔ ɛmɛ kená mí. ¹⁵ Ye kwɛ jlɛn do ékpa godo, yebo hwi kená enyi kesin le ɔxwetɔ evɛ̀nglenɔ, ná ɖé wɛ awasiɖo ná ye o? ¹⁶ E alɛkɔba, abo hu ye ɛvɛn gleji kpɔntɔ tɛtɛ kená ye sé exogbe ɔxwetɔ tɔn, ye ɛmɛ tɛtɛ lɔbé: Ná Mawu ŋkajlo! ¹⁷ Vɔ Yesu kpɔn ye bo lɔbe: " ɔgbɔn mɛ sisé nɔ we wɛ le enuwiwlansio? Ɛkpɛn kená ehɔ tuntɔye zedlangbe, wɛ banyi ɛkpɛn etaji, azomɛ kpɛn? ¹⁸ Ɛmɛ ɖe kpekpe ná ajɛ awan de ji ɔ, agbá han nyá vɔ ɛmɛ kkeji nan ɛkpɛn ajɛ̀ ɔ, ali kpɔɖwɛ kpɔɖwe. ¹⁹ Eflin wɛ ɔvɔsatɔ ye egá ye kpená esɛn kpla ɛmɛtɔ ye kan acɔn ɔlɔ éji zɔn lokpwé vɔ ye nyɔ be yewu wɛ Yesu do ɔlódo ye bá vɔn ná etovi ye. ²⁰ Ye jɛ cicwɛ ji tritri bobaɖo enuɖo kan ná ɛmɛ tɔye doxlɛn, ye wadikɛn exwɛ jijwɛ nɔ ye dɔgbe, yado kpɔn enu má kpe mákpe de lewu, exo lilɔ yemɛ; yado dwɛndo kojom lé egá dé etó ji kpɔntɔ Gouverneur. ²¹ Ye bale kan nu esé be: "cica, mi nyɛn be ɔnɔn xo bo kɔ nɔ kplanu wu ɛmɛ do enujijlɔ wiwaji, kesín wɛ ŋ no xo gbɛtɔ e ŋkusi ta ɖo wa nvo lexo jɔxo mɛ Mawu emɔn wɛ ɔnɔ xlɛ mɛ ye le xo nugbo mɛ. ²² Ye ná gbe wu mi alo o, ná takwɛ susu ná Sezar"? ²³ Vɔ yesu nyɔ emɔn kená ye le tlɛnu nɛ ɔ, e glɔnɖo ewu: ²⁴ Miyi ɔho lokpo, ná myan yí xlɛ má kpɔn jesido kená ele ɔhowu ɛmɛ tɔnwɛ kɔdo enu wiwlan? ²⁵ Elɔná ye be "eya miyi Sezar enu enu kenan enyi tɔn yi nɛ̀, mi yi Mawu tɔn yi ná Mawu. ²⁶ Ye ŋkɔ kpe enuti wu awa, do zɔn exo kena Yesu ɖo ewu ná ye ɔ. Ekpaca yé ɛmɛtɛ bobɔnu. ²⁷ Emɛ cican deye le Sadusɛn tɔye mɛ ye le lɔnu be fɔn sɔn kuti ŋle, ye ba Yesu de bo lexo kannusé wi. ²⁸ Cica, kpɔn esɛn ná Moyizi wlan ná myɔ: "Nan ɛmɛɖe enɔnvi ku bojo esido evimá ji ɔ, nɔvi ɔ ayi edi yiɖé, aboji evinɛ. ²⁹ Nikpɔn la, nɔvi acowe ŋsun ɛmɛ tantɛn ɖé nyɔnu, eku evimanji, ³⁰ Ɛmɛ ɔwegɔ san ɛmɛ ɔtɔngɔ, san yi nyɔnu yi evi man ji, boku. ³¹ Ɛmɛ acowe tɛtɛ ku man do evi. ³² Eɖen boo nyɔnu san baku. ³³ Enyɔ fɔnsɔn ku egan mɛ ɛmɛ nɛ tɔn wɛ kanyi nyɔnu le ye ɛmɛ aciowe mɛo? ³⁴ Yesu ɖo ewu ná ye: ɖekɛ ná ele awanzanji syɛ ye ɔ, nɔ ɖe nyɔnu alo ɔsu. ³⁵ Vɔ mi mɔnu jewu be: ɛmɛ kená ajɛ kɔdo ɛgbɛ kená eka bá, le fɔnleku égan mɛɔ ɛmɛti ŋkɔ peji aɖe ɔsu, alo nyɔnu. ³⁶ Ɖobe ye ŋkɔ kpeji akuo, do ya ciɖikɛn angɛli ye Mawu ɛwɛnsangu) ye trɔ zun Mawu eviye, fɔnleku eviyé. ³⁷ Be ɛmɛ kená ekuye afɔnle ku, kesin kewɛ Moyizi ɖexlɛmi xin, dozɔn ɔtin kená té gbɛgbɛ e yɔ ɔxwetɔ Mawu Abrahamu tɔn, zaki e Mawu kɔdo Jacob e Mawu. ³⁸ Minyɔ syɛ be Mawu ɔ eŋnyi ɛmɛ tɛtɛ wɛ le ɛgbɛ zɔn eyɔ mɛ. ³⁹ Ɛmɛ cican ɖe ye le sɛn zanwatɔ yemɛ ye denu be: " cica, ɔlɔxo zantan de Ganji." ⁴⁰ Ye ŋkɔ kpeji akan exoti ŋtɔ se. ⁴¹ Yesu lɔ ná yebe náɖe wɛ ye nɔ lɔbe risti enyi Davidi evi? ⁴² Davidi keke lɔle hanjiji kɔdo exo ye mɛ "ɔxwetɔ lɔnan xo exwetɔ be "sinɔn awan le adamɛ nan de ɔɖusixwe; ⁴³ Kaka ma yi xwe kintɔ ye do wasi xwe ɔ fɔdo xwe." ⁴⁴ Davidi ke nɔ ylɔ risti, "ɔxwetɔ", Nanɖe wɛ risti á gɔnyi evi ná Davidi?" ⁴⁵ ená etovi tɛtɛ kɛ̀ ɔtɔ bole exo kená ele lɔnu senu elɔnana enukplaviye. ⁴⁶ Micɔ mye eɖe do esɛn kpla mɛtɔ ye wv, yenyi ewan ná awu gaga ɖiɖo bo nyi waná egbe dido le bibɔ ye mɛ kɔdo ye sisɛn hɔmɛ ye, tɔnxwe tantɛn le finá agɔdu du le ye. ⁴⁷ Ye nɔ bɛ nu le ɔxwe mɛ ná ɔsukusi ye nɔ gba ɔxwe nàye yenɔ hó ɛɖɛ gaga yaɖo kojo sisɛn na ye."