¹ Tohojɔtɔ ye gɔdo nuvɛn watɔ bu yeba Yesu ɖe lɔ yea ɖo ɔto ui. ² Fariziye gɔdo esɛnkplatɔ ye le exolɔnu do eu be, ŋusun xiɔ nɔyi nuvɛn watɔye nyɛnɖe, egɔnɔ ɖunu gɔɖo ye. ³ Vɔ Yesu do ɔloxiɔ naye be: ⁴ Emɛn nɔwɛ le mimɛn, a lɛn gbɔ kɔnwewi, eyɔwɛ lokpo bule yemɛn, kesin mɛn ɔn ŋu ma jo kɔnwe siatɔn vɔɛnɛnye do egbe mɛn, abosɔnkan lokpo kena buɔ kaka abokpɔnɛn ɔ̀n? ⁵ Na ekpɔnɛnɔ̀ akɔɛ do abɔta gɔdo jijɔɛ. ⁶ Doba ɔxuemɛn, aboylɔ ehwannyiye gɔdo exuemɛn tɔye bɔ, alɔna ye be: mikpɔn jijuɛ kɔdoŋu, ɖo ŋu kpɔnlɛ gbɔkena bu ɔ? ⁷ Ŋu le lɔnu na mi be: Kesin kewɛ yeakpɔn jijuɛ do enuvɛnwatɔ lokpo kena ŋu luɔ edɛn ye u. ⁸ Alona klosalo ho ɔsiɔsi le nyɔnu ɖe si, ebobu lokpo ɔ, ŋuma ta zogbin akplɔ ɔxue ɔmɛn, akɛ̀n vivɛɖe, kaka na gan mɛnna ekpɔnɛn ɔn? ⁹ Na ekpɔnɛn ɔ̀, aylɔ ehwannyi ye gɔdo exue mɛntɔ ye bɔ, alɔna ye be: mikpɔn jijuɛ gɔdoŋu, ɖoŋukɔn klosalo ho kena bu ɔ̀. ¹⁰ Ŋulelɔnu nami be: kesin kewɛ Mawu ewɛnzangun ye nɔkpɔn jijuɛ do enuvɛnwatɔ lɔkpo kena yise ɔ uɖo xɛn. ¹¹ Yesu gɔyi xo be: ŋusun ɖe ye ɖo eviŋusun ɔwe. ¹² Vɔ viyɛvu ɔ balɔna etɔ, gbelokpo be: xotɔ, yixocinɔn kenaa banyi xotɔn naŋu. Eyɔ wɛ etɔ ma enu kena le esi ɔ naye. ¹³ Awangbigban ɖeye egodo ɔ, viyɛvutɔ can enu ye tɛtɛ bɔ, ebolɛsɔn eto didɛn ɖe mɛn. Ezan enuye kannyan kannyan. ¹⁴ Kena ezan enuye tɛtɛ kpo ɔ̀, hovɛ gbode ye batɔn le eto emɛn na ele ɔmɛn, ejɛ ayaɖuji. ¹⁵ Eyi eɖe yido kɔna eto ɔmɛntɔ ɖeye, ŋusun ɔn nɔ ɖoe ɖoxwlan eglemɛn, na asɔn kpɔn ehan yeji. ¹⁶ Enu kena ehan yenɔ du ɔ nɔ jloe, vɔ, emɛnti ŋunɛn kpɔno. ¹⁷ Ebabiɛ eɖemɛn kpɔn, bolɔ be: ɖevisusu le xotɔ exuemɛ enu ɖuɖu bo nɔ su ye kaka gɔnɔ kpɔtɔ. Emlɔnlɛ xovɛ le kahu le efi xe. ¹⁸ Ma cite, masɔn xotɔ de, malɔni be: xotɔ, ŋu jɛ ɔgɔ do Mawu, gɔ jɛ ɔgɔ ɔyɔ can. ¹⁹ Mlɔnŋu gɔjɛ be aylɔŋu be wevi o. Yiŋu ɖikɛn we devi ɖe ɖɔgbe. ²⁰ Ecite xonu gbo, sɔn etɔde ganmɛna ele emɔnji le gbɔn nu ɔ̀, etɔ kpɔnɛn ɖoxwlan enuwa ŋuzin zin ni edo ɔwezun sɔnkpla asikɔni, ebo kisini. ²¹ Evi ɔ lɔna etɔ be: xotɔ, ŋu jɔgɔ do Mawu, gɔ jɔgɔ do ɔyɔ can, mlɔn ŋu gɔ jɛ be aylɔŋu ve wevi ó. ²² Vɔ etɔlɔ na edevi lokpo be mido ɔlɔ ganvi ɔlɔ ni, mi ɖeblana mi a sɔn yi awu kena nyɔ ganji doba na mi a yi doni, mi ɖo ɔfɔkpa ɔfɔni. ²³ Misɔn wli enyi kena jú ganji ona mi ahui na mi ɖa enu na miaɖu, na mia kpɔn jijuɛ, ²⁴ ɖo hovixiɔn ku, vɔ, egɔ gbɔn ba egbɛ naŋu. Ebu, vɔ, ŋugɔkpɔnɛn kena elɔ exo xiɔye egɔdo ɔ, ye jɛ exue ɖuji, yebo le kpɔn nu jijuɛ. ²⁵ Vɔ, evi mɛxo ɔ̀ eyɔ le eglemɛn ganxiɔn mɛn. Ganmɛn na ele gbɔn nu ɔn, egogo ɔxue de, ese yele ɔhun xonu bo le ewe ɖúnù. ²⁶ Eyɔ etɔ edevi lokpo, bokan enu kena le jɔnu ɔn seui. ²⁷ Ɖevi ɔ ɖo eu ni be: wenɔ viwɛ gbɔn, wetɔ bona gbe yehu enyi kena ju ɔ, ɖo ekpɔnɛn ele ganŋji do gbɔn. ²⁸ Vɔ, evimɛxo ɔ biji, egbɛbe yeŋu biɛ ɔxuemɛn. Etɔ ɔ̀tɔn ba, ɖekuku ni. ²⁹ Evi ɔ lɔna etɔbe: exue ɛnɛnweɖe wɛ xeŋu do le sɛnnu ɔn? mlɔn ŋuda le wesɛnji kpɔn gbeɖe o, vɔ ɔŋu naŋu egbɔvi lokpo tete be ma dokpɔn jijuɛ gɔdo xo hwannyi ye kpɔn o. ³⁰ ena wevi xiɔ na zanwenu ye kannyan kannyan gɔdo egalɔtɔye gbɔn kpɔŋu ɔ̀ ɔhu nyibu kena ju ɔni. ³¹ Etɔ lɔni be: xovi ɔyɔ, ɔle xode, tɛgbɛ, enu kena le xosi ye ɔ̀ wetɔnwɛ yenyi. ³² Vɔ ejɛbemi ɖu azan, mi a kpɔn jijuɛ, ɖowe nɔvi xiɔ, eku bogɔfɔn; ebu san sibɛ ɔŋugɔkpɔnɛn.